Read tetala Jeremiya 13 Bible Online

Jeremiya 13 - tetala bible

Jeremiya 13

¹Latuyalaka akamvutela ati: Utshu, utuyasumbeli uya wa linene, olote. Keli tuwumbiaki lu ashi.

²Ku dimi lakasumbi uya uku diui dia Latuyalaka, lakolote.

³Ku diui dia Latuyalaka diakayi le mi etena ka hendi ati:

⁴Ose uya wakayasumbi woloteye, uneli, utshu utsha la Eyufarate, kutuwushe leko lu wuku wa dive.

⁵Okone dimi lakatshu, lakatuwushe lʼumamu wa Eyufarate, uku akamvutela Latuyalaka.

⁶Lamʼaketi nshi efula, Latuyalaka akamvutela ati: Uneli, utshu utsha la Eyufarate, kutose uya wakamakutela dia mbisht uma leko.

⁷Dimi lakatshu utsha la Eyufarate, lakatutshima, ku lakose uya uma lu dihuli diakamawushe. Menyi ku, vo wambulana, wambuyala anyanya.

⁸Diui dia Latuyalaka diakayi le mi ati:

⁹Latuyalaka kata ati: Wuhu uku mbayumulanya utaku wa Juda, utaku a wuki wa Jerusalema.

¹⁰Wudja one wa kolo, watutunaka aui ami, watekamaka saki yʼetema awo, watuyelaka ditemolatemola dia ditemola la dikhusela adui. Vo wayuyala uku uya one wambuyala anyanya.

¹¹Uku atumamanaka uya lu lukindi lʼuntu, mbakamamamanya luudu tshe lʼlsariyele ndu la Juda tshe le mi, mbata Latuyalaka; dia vo ndjala wudja ami, lukumbu lami, diandu diami, la lutumbu lami, keli vo kumbukelami.

¹²Okone kuwateli diui ne wati: Latuyalaka, Unyashungu wa Isariyele, kata ati: Mbaka tshe yayulula la wanu. Ku vo wayukumbula vati: Undi, shu hateyi shati: Mbaka tshe yayulula la wanu?

¹³Kuwateli wati: Latuyalaka kata ati: Dimi layundjuya asi kete nye tshe wanu: khumi ya dikanga yudiashi lu kiti ka Davidi, elombedi, amvutshi, ndu asi Jerusalema tshe.

¹⁴Dimi layaloshanya, untu la unyandi, ambutshi la anʼawo, mbata Latuyalaka. Dimi haluwauka ketshi, haluwamela kuyanga mbatshela la memakana, diaha dimi mbashila ushiki.

¹⁵Nyulungi, nyuhukami, tanyuyasemaki, Ne dia Latuyalaka kateketa.

¹⁶Nyutumbuli Latuyalaka, Unyashungu anyu, ntundu ndi atela udjima; Ntundu ekulu anyu watatakana lu ekungu wa udjima; Ntundu ndi atakadimula usasi watunyuyangaka didjidji dia nyoi, La mbete udjima wa tshududu.

¹⁷Keli na ka nyu hanyulanga mbuka, Utema ami ayulela lʼusheshe dikambu diʼutaku anyu. Dimi layulela wulu, layokedia asoi, Ne dia ekoko wa Latuyalaka wambotolama lu fumbi.

¹⁸Uteli khumʼekanga la nyangu lakawuti wati: Nyudjase lu kete, Ne dia dembo diaye dia kusu dia dimena diamboko uma lʼote ave.

¹⁹Esumba wa la Nengebe wambudihama, Nduku untu eko dia mbedihula. Wambotola Juda tshe lu fumbi, wambatola tshe tshe.

²⁰Edia ashu aye, endi waku wayayi uma la ngelʼa kushi. Ekoko aye wʼamena wakayakundja okende awo, lendʼewo na?

²¹Ayuyuta na, lamʼayuwukitsha waku wakayetshaka Dia ndjala engenyi aye latiku diaye? Undi okei hawukundi uku atuwundaka umuntu latata lono?

²²Naka we ambuyambula lʼutema wati: Okoko wana wambuya akambu ane le mi? Eyi wati: Uma Iʼefula ka kolo vaye, Mbambuwukukulula dihondo diaye, mbambuwuhumuya tshindji diaye wulu.

²³Undi, usi Etiyopiya mbeyaka nkadimula lowa landi, Kuyanga koi awadi ato? Okone nyu wane watekelaka akambu wa kolo Mbeyaka ntsha ololo uka?

²⁴Okone dimi layunyudianganya Uku puhudi yatembamaka la lopepe lʼuma lʼusui.

²⁵Oso eli etenyi kanyu kʼukito kakamanyedikela, Ne dia nyu nyakambuhela, nyakambuhela, Nyakekama kashi, mbata Latuyalaka.

²⁶Okone dimi layunyukulula ahondo la ntundu kanyu, Dia sonyi yanyu menama.

²⁷Dimi lakenyi akambu anyu wa wononyi, Akambu anyu wa lukesu, ndjawi yanyu ya luseka, Engeno ka seka yanyu lu ete wʼakuna wa lʼesui. Yee! Jerusalema, mananu kayali le ye! Edja ndu etena kakona kayuyukimo ntuna mbediama?