Read tetala Jeremiya 19 Bible Online

Jeremiya 19 - tetala bible

Jeremiya 19

¹Latuyalaka kata ati: Utshu, utusumbi utika le ukingi. Eti diha-ngamendi dimotshi dia wudja la dikumanyi dimotshi lʼatei wʼelombedi.

²Utshu la wo utsha lʼukidi wa Bene-Hinome,[30] weli lasuki la eotwelo ka Kinga ya Puki, kututi aui wayumukutela leko.

³Kuti wati: Nyu khumi ya dikanga ya Juda, nyu asi Jerusalema, nyulungi aui wa Latuyalaka. Latuyalaka, Unyashungu wa Isariyele, Kanga lulimbilimbi, kata okone ati: Nyuki, dimi lutsha mbela elanyelu lu dihuli ne, wuhu wayula atui a waku wayuka.

⁴Vo wakanseke, wakalanya dihuli ne, wakatshumbela ditemolatemola diakiwo kumbeya, vo la washewo la khumi ya dikanga ya Juda, malashi loko. Vo wakaludia dihuli ne la dikila diʼantu waha la unungu.

⁵Vo wakatshela Bala alunga dia ntshumba anʼawo lu dja uku elambu wa lutshumba le Bala,[31] wuhu akimi kumbadjangela kuyanga mbidja kanyi loko.

⁶Okone nshi yayuyala, yahawetaka dihuli ne vati: Tofeta, kana ukidi wa Bene-Hinome. Keli wayuwetaka vati: Ukidi wa Adiakelu, mbata Latuyalaka.

⁷Dimi layulanya sangweyu dia Juda la Jerusalema lu dihuli ne. Dimi layakosha la ntundu kʼatunyi awo ndu lʼanya a waku watuyangaka mbadiaka. Dimi layukimo edu awo le fudu ya lʼu-lungu la nyama ya la kete, dia yo mbele.

⁸Dimi layete usumba one engo ka woma, engo ka mpongwela soi. Wane he wayetaka loko, wayukashimo, wayohongwela soi lu asui awo tshe.

⁹Ku dimi layuwalesha emunyi wa anʼawo wʼapami ndu wa anʼawo wʼamantu. Vo tshe untu lʼuntu ayole umunyi wa unyandi lʼatei wa sasi la pa diayasuya atunyi awo, la wane wa-tuyangaka dia mbadiaka.

¹⁰Kuli utika la ntundu ka wane wayutsho la ye.

¹¹Kuwateli wati: Latuyalaka Kanga lulimbilimbi kata ati: Okone dimi layula wudja one la usumba one uku atulaka ukingi puki edja ndu to hakieyi nduwana ntu. Vo wayukhunde edu lu Tofeta edja ndu dihuli hadiuyenama dia nkhunde antu ntu.

¹²Osoku mbayumutshela dihuli ne ndu asi usumba one, dia vo ndjala uku Tofeta, mbata Latuyalaka.

¹³Mvudu ya Jerusalema la mvudu ya khumi ya dikanga ya Juda yakawasanya, yayuyala uku dihuli dia Tofeta: mvudu tshe lene akawatshumbela ului tshe wa diango dia lʼulungu malashi ladiku diayo, la mvudu tshe lene akawatshulwela ditemolatemola elambu wʼashashi.

¹⁴Lʼokongo liku, Jeremiya akakalula ima la Tofeta, lene akutumi Latuyalaka, dia ntuta akambu wahatayi. Ndi akayemula lu seke dia luudu la latuyalaka. Ndi akatela antu tshe ati:

¹⁵Latuyalaka, Unyashungu wa Tsariyele, Kanga lulimbilimbi, kata ati: Nyuki, dimi lutsha mbela elanyelu lu usumba one la ngelu tshe ya lʼokongo awo, kakamataka lu dikambu diawo, ne dia vo wakayala la ete wulu, diaha vo nunga aui ami.