Read tetala Jeremiya 37 Bible Online

Jeremiya 37 - tetala bible

Jeremiya 37

¹Zedekiya, onʼa Josiya, akayala khumʼekanga lu dihuli dia Koniya, onʼa Jehoyakima, lakadji Nebukadineza, khumʼekanga ka Babilona, lu kete ya Juda.[73]

²Keli ndi kununga aui wa Latuyalaka, wakandateketa lʼunyo wʼumvutshi Jeremiya, ndi, ekambi andi, kuyanga wudja andi.

³Khumʼekanga Zedekiya, akatumi Jehukala, onʼa Shelemiya, ndi la olombedi Zefaniya, onʼa Maseya, le umvutshi Jeremiya ati: Utolombele Latuyalaka, Unyashungu asu.

⁴Laso ku Jeremiya akoto, akatumbi lʼatei wʼantu, ne dia vo watawudji lu lukanu.

⁵Ului wʼalimbi wa Farayo wakayi uma lʼEdjibitu. Ku lamʼakuki asi Kaladiya wakadingi Jerusalema lukumu lako, vo wakamo uma la Jerusalema.

⁶Diui dia Latuyalaka diakayi le umvutshi Jeremiya ati:

⁷Latuyalaka, Unyashungu wa Isariyele, kata ati: Kanyututeli khumʼekanga ka Juda, lakanyutumi nyati: Nyuki, ului wʼalimbi wa Farayo wakayi dia ndjunyukimanyia wuyanga nkalula utsha lu kete yawo, lʼEdjibitu.

⁸Asi Kaladiya wayukalula, wayuyolosha usumba one, wayuwosa, wayutshumba.

⁹Latuyalaka kata ati: Tanyuyadimbiyaki, nyati: Asi Kaladiya wayutumwela, ne dia vo hawumo.

¹⁰Kuyanga mbutunyolembia ului wʼalimbi wʼasi Kaladiya watolokaka la nyu ta, kuyanga mbutuwuyala la puta tshu, vo wutunela untu lʼuntu uma lu luudu landi la dipema, wututshumba usumba one.

¹¹Lamʼakamo ului wʼalimbi wʼasi Kaladiya uma la Jerusalema ne dia woma wʼului wʼalimbi wa Farayo,

¹²Jeremiya akalangi ntumba uma la Jerusalema dia ntsho utsha lu kete ya Bendjamina, dia ntukundja etenyi kandi uma lʼatei a wudja.

¹³Lamʼakakumi Jeremiya la suku dia Bendjamina, Iridja onʼa Shelemiya, onʼa Hananiya, olombodi wʼalami, aki leko. Ndi akandi umvutshi Jeremiya, ata ati: We ambukadimo lu wedi wʼasi Kaladiya!

¹⁴Jeremiya akûkaluya diui ati: Kashi, dimi hakadimo lu wedi wʼasi Kaladiya. Keli Iridja kunanga mbukela, akawundi, akayi la ndi lʼewandji.

¹⁵Ku ewandji wakuki Jeremiya kele, wakokomola, wakawudji lu luudu lʼufundji Jonatana, ne dia vo wakalukadimula luudu la lukanu.

¹⁶Jeremiya akoto lu yindju ya pika ya udjima, akatshikala loko nshi efula.

¹⁷Ku khumʼekanga Zedekiya akatumi untu dia ntuwosa. Khumʼekanga akawumbula lu luudu landi lu usheshe ati: Undi, diui dimotshi dia Latuyalaka dieko? Ku Jeremiya akûkaluya diui ati: Dimotshi dieko! Ndi akawutela ntu ati: We ayukimwama lu anya wa khumʼekanga ka Babilona.

¹⁸Jeremiya akambula khumʼekanga Zedekiya ntu ati: Lu na akamakutshela kolo, we, ekambi aye, kana wudja one, kakanyambidji lu lukanu?

¹⁹Kakiane, lendʼeli amvutshi anyu wakanyutelaka akambu wahatayi vati: Khumʼekanga ka Babilona huya dia ndjolo la nyu, kuyanga la kete nye?

²⁰Kakiane we khumemi, khumʼekanga, dimi lambukosengasenga nti: Uki ndu etawo osengosengo ami one mbukema le ye. Tunkaluyaki ntu lu luudu lʼufundji Jonatana, dimi ntukutuvo leko.

²¹Khumʼekanga Zedekiya akati dia vo nama Jeremiya lu seke dia luudu la lukanu. Vo wakawushaka ukama wa ma la lushi la lushi uma lʼosese vʼakatshi wa ma, edja ndu lamʼakashili ma tshe lʼusumba. Okone Jeremiya akatshikala lu seke dia luudu la lukanu.