Read tetala Jeremiya 43 Bible Online

Jeremiya 43 - tetala bible

Jeremiya 43

¹Lamʼakashili Jeremiya mvutela antu tshe aui tshe wʼuma le Latuyalaka, Unyashungu awo, aui tshe wakutumi Latuyalaka, Unyashungu awo, dia ndjuwatela,

²ku Azariya, onʼa Hoshaya, Johanana, onʼa Karea, la apami tshe akanga wʼutaku wakatela Jeremiya vati: Kashi kataye. Latuyalaka, Unyashungu asu, kunkutuma dia ndjututela ati: Tanyutshokaki lʼEdjibitu dia ntudjase.

³Keli Baruka, onʼa Neriya, katosonganya la ye dia we ntukimo lu anya wʼasi Kaladiya, dia vo ntudiaka kana ntotola utsha lu fumbi la Babilona.

⁴Okone Johanana, onʼa Karea, elombodi tshe wʼalimbi, la wudja tshe kunkitanyia diui dia Latuyalaka dia vo mbidjase lu kete ya Juda.

⁵Keli Johanana, onʼa Karea, la elombodi tshe wʼalimbi, wa-kose atshikadi tshe wa Juda, wakakalula uma lʼatei a wedja tshe, lene akawatshanyema dia ndjudjase lu kete ya Juda:

⁶apami, amantu, ana, ana amantu wa khumʼekanga, la antu tshe wakatatshikedi Nebuzaradana, olombodi wʼalimbi, Ngedaliya, onʼa Ahikame, onʼa Shafana, ndu umvutshi Jeremiya, la Baruka, onʼa Neriya.

⁷Vo wakatshu utsha lu kete ya Edjibitu,[77] ne dia vo kunkitanyia diui dia Latuyalaka. Vo wakakumi la Tapanehese.

⁸Diui dia Latuyalaka diakayi le Jeremiya la Tapanehese ati:

⁹Ose ave a waki lu anya, uwasosomiya lu kete ya losoha, yadjawo atafadi yeli lu eotwelo ka luudu la Farayo la Tapanehese la ntundu kʼasi Juda.

¹⁰Kuwateli wati: Latuyalaka Kanga lulimbilimbi, Unyashungu wa Isariyele, kata ati: Nyuki, dimi layutuma diui dia nteta ukambi ami Nebukadineza, khumʼekanga ka Babilona. Ndi ayuyukitsha kiti kandi ka diulelu ladiku diʼave ane wambumososomiya. Ndi ayala ekuhu kandi ka koi ladiku diawo.

¹¹Ndi ayuya, ayuyulanya kete ya Edjibitu. Waku wakasonwama lu nyoi, wayutsho lu nyoi; waku wakasonwama lu lohombo, lu lohombo; la waku wakasonwama lu yombo, wayutsho lu yombo.

¹²Dimi layongonya dja lu mvudu ya ditemolatemola dia Edjibitu. Nebukadineza ayuditshumba, ayutsho la dikishi lu fumbi. Ndi ayuyaomba kete ya Edjibitu uku ula li wʼekoko kayaomba dihondo diandi. Ku ndi ayutumba la ki uma loko.

¹³Ndi ayudiudia dimeta dia lu luudu la unya, lu kete ya Edjibitu. Ndi ayutshumba mvudu ya ditemolatemola dia lʼEdjibitu.