Read tetala Jeremiya 48 Bible Online

Jeremiya 48 - tetala bible

Jeremiya 48

¹Lu dikambu dia Moaba,[84] Latuyalaka Kanga lulimbilimbi, Unyashungu wa Isariyele, kata ati: Mananu le Nebo! ne dia to kambulanyema. Kiriyatayima ambutsha sonyi, ambosama. Misingabe ambutshama sonyi, ambuhandjwama.

²Nemo dia Moaba diambushila. Wambuwudjela sheki la Heshibona vati: Nyeso, tutashili ushiki, diaha vo ndjala wudja ntu. Ndu we Madimena, we ayulanyema, Yombo yayuyelana la ye.

³Nyuki, lundju loso lʼalelu uma la Horonayima, Elanyelu la ehandjwelu ka wuki.

⁴Moaba ambulanyema; Alelu wa anʼawo wumbukema etali, pulu ndu la Zoara,

⁵Ne dia vo wayulela lu edelu ka Luhita. Ndu tukuku tʼelanyelu tayukema lʼuhulula wa Horonayima.

⁶Nyulawo, nyuyashimbeli, Nyuyali uku ekumbu lʼusui wa shenga,

⁷Ne dia nyu nyakekama elimu anyu la waumbelu anyu, Ndu nyu nyayotolama. Kemoshe ayotolama utsha lu fumbi, Kame la elombedi ato la ewandji ato.

⁸Unanyishi ayukuma lʼusumba lʼusumba, Nduku usumba ayuhanda. Ukidi ayulanyema, Ndu usui wa bamubamu pupu, uku akati Latuyalaka.

⁹Nyusha Moaba ahafu, dia ndi nfumbo lufumbo. Esumba andi wayuyala etongo atu, waha la antu.

¹⁰Mananu kayali le one latutshaka ulimu wa Latuyalaka utshatsha. Mananu kayali le one latushimbaka yombo yandi ntundja dikila.

¹¹Moaba akenaka olo umaka nshi yandi ya dikenda, Atatolama etali lu fumbi. Ndi akadjase uku wanu ladiku diʼekongo kawo. Ndi konengwama uma lʼuhundi omotshi utsha lʼuhundi ukina. Mpe kandi keko pupu, sulu kandi atakadimo.

¹²Nshi yayuyala, yayumutumela antu dia ntutshulula. Vo wayutshulula diango dieli lu puki yandi, wayula ehundi andi betshi betshi.

¹³Ku Moaba ayutshama sonyi lu dikambu dia Kemoshe, uku akutshama khumbu ka Isariyele sonyi lu dikambu dia Betele, lakawekamaka.

¹⁴Ukundi ukukinyu mvuta nyati: Akanga a wulu mbesu, ahuka wukuki ndo ta?

¹⁵Moaba ambulanyema, unanyishi ambukuma lʼesumba andi, Elongo wʼapami andi wuleki ololo wambudiakema, Mbata Khumʼekanga, lukanga lukumbu la Latuyalaka Kanga lulimbilimbi.

¹⁶Elanyelu ka Moaba kutsha ndja. Asui andi wambusukana esadi.

¹⁷Nyu tshe weli lʼutshimba andi, nyuleli. Nyu tshe wateyaka lukumbu landi, Nyuti nyati: Yee, ukalimba andi wa wulu ambuhimbo, Danga dia lutumbu!

¹⁸We ona umuntu usi Dibona, Uhulo uma lʼedjaselu ka lutumbu laye. Udjase lu kete yambuma. Unanyishi wa Moaba ambuya dia ndjukolosha, Ambulanya wembe aye wa ta.

¹⁹We ona umuntu usi Aroere, Utemali lʼumamu a mbuka. Endi, umbuli one layalawo, La one layahandi wati: Kambutumba na?

²⁰Moaba ambutshama sonyi, ne dia vo wambulanyema. Nyusekhumi lʼalelu, nyudi tukuku. Nyusanya lukumu lʼumamu wa Aronona nyati:

²¹Elumbwelu kambukuma lu kete ya bamubamu, la Holona, la Jaza, la Mefate,

²²la Dibona, la Nebo, la Bete-Dibalatayima,

²³Kiriyatayima, la Bete-Ngamulu, la Bete-Meona,

²⁴la Keriyote, la Bozera, lu esumba tshe wa lu kete ya Moaba, wa lasuki ndu wʼetali.

²⁵Wulu wa Moaba ambushila. Lunya landi lamboko, mbata Latuyalaka.

²⁶Nyuwudjuya wanu, ne dia ndi akasemanela la Latuyalaka, dia ndi mingito lu tuwoki yandi, dia ndi ndjala ndu engo ka tola!

²⁷Isariyele kundjala engo ka dionyo le ye uka? Undi, ndi akandama lʼatei a evi mbatunyunyinginyiaka ote lamʼatuyoteketaka dikambu diandi?

²⁸Nyu asi Moaba, nyumo uma lʼesumba, Nyutudjase lʼatei wʼave. Nyuyali uku inga, katutshaka kefu kato lʼumamu a minga!

²⁹Shu takuki lukumu lʼutaku wa Moaba — Ndi eko la utak u efula — Uma lu lahi landi, ndjalanga kandi, la djawudi yandi, ndu lu ndjambiya kʼutema andi.

³⁰Dimi mbeyaka utaku andi, aui andi wʼanyanya. Ndjasema kandi hatshi nduku dikambu, mbata Latuyalaka.

³¹Diako mbalelami Moaba, Mbadami tukuku dikambu dia Moaba tshe. Wayutshela asi Kire-Herese utanda.

³²We kalelami, we okodi wa vinyo wa Sibima, uleki Jazere. Tahi yaye yakakumi pulu la wedi wʼashi a waki. Yo yakakumi pulu ndu lʼashi a waki wa la Jazere. Unanyishi ambukhunguso dia mbosa elua aye wʼowo la wanu aye.

³³Ongenongeno, la ongenongeno a wuki ambumo Uma lʼesui wʼeteto wa lu kete ya Moaba. Dimi lambumia ashi wʼelua lu ahuli watuwuhinaka. Nduku uhinyi weli la ongenongeno. Waelu kema waelu wʼongenongeno.

³⁴Tukuku tʼalelu tʼuma la Heshibona tambukuma pulu la Elale. To tambukema edja ndu la Jahaza, uma la Zoara pulu ndu la Horonayima, edja ndu la Engelate-Shelishiya, ne dia ndu ashi wa la Nimirime wambulanyema.

³⁵Dimi layushila one latulambulaka elambu lu alunga, one latutshumbelaka ditemolatemola diandi malashi lu Moaba ushiki, mbata Latuyalaka.

³⁶Okone utema ami atukhumaka akhumu uku dikhumu dia pungi lu dikambu dia Kire-Herese, ne dia diango tshe diakawamotsha, diakashisho.

³⁷Ete wʼantu tshe waya toholo tutu, ndedu yawo tshe yambunyema. Vo wakayakote puta lu anya awo, wakalote akutu lu kindi yawo.

³⁸Ladiku dia ete wa mvudu ya Moaba ndu lu ahuli wa hwe, eko paka alelu atu, ne dia dimi lakuli Moaba uku mbaka kʼanyanya, mbata Latuyalaka.

³⁹Ndi wuhu ambuwule li! Ndi akhumu wakhumawo li! Ndi wuhu wambukadimula Moaba okongo la sonyi li! Osoku mbambuyala Moaba engo ka tola la engo ka mbate asulu le waku tshe wa lʼutshimba awo.

⁴⁰Latuyalaka kata ati: Nyendi, utunyi utsha nfumbo uku pungu; Ayusimbula ahafu andi dia ndosha Moaba;

⁴¹Esumba wutsha mpandjwama, ngeli yutsha mbosama. Unja oso, etema wʼandoshi wa ta wa Moaba wutsha ndjala Uku wa umuntu latata lono.

⁴²Asi Moaba wayushila ushiki; hawuyala wudja ntu, Ne dia vo wakasemanela la Latuyalaka.

⁴³We usi Moaba, woma a wuki, wawu, la otei, Weko la ntundu kaye, mbata Latuyalaka.

⁴⁴One lalawo woma, ayutambela lu wawu; La one layutumba uma lu wawu, ayundama lʼotei; Ne dia dimi lutsha mbela eleku kʼasui le Moaba! mbata Latuyalaka.

⁴⁵Andawi wambutemala lu dedi dia Heshibona waha la wulu, Ne dia dja yambutumba uma la Heshibona La lumbi la dja uma lʼatei wa Sihona. Yo yambutshumba emamu wa Moaba, Ndu alembo wa kusu wa lʼete wʼakanga a lundju.

⁴⁶Yee, Moaba, mananu le ye! Asi Kemoshe wambushila! Anʼaye wʼapami wambotolama lu fumbi, La anʼaye wʼamantu lu lohombo!

⁴⁷Keli dimi layukaluya asi Moaba wakatolama lu fumbi Lu nshi yayayi, mbata Latuyalaka. Oso eli elumbwelu ka Moaba.