Read tetala Delu dia Jeremiya 4 Bible Online

Delu dia Jeremiya 4 - tetala bible

Delu dia Jeremiya 4

¹Ndi wuhu wambushila paunyi ngaingai, Wambukadimo paunyi kuleki pudipudi li! Ave wʼekila wambukadjema lu ete wa esese tshe.

²Ana apami wa ngandji wa Siona, wedimi la paunyi ka pudipudi, Ndi wuhu wambuwenama uku mbaka ya diwumba, Ulimu wʼanya wʼukingi a puki li!

³Kuyanga mbulu mbetawoka nomia anʼayo, Keli ona umuntu a wudja ami ambuyala ngala, Uku ateki wa lʼusui wa shenga.

⁴Lulimi la ona lakalome, lambuma tu la pusa kʼashi. Ana wambolomba ma, keli nduku untu lawashadio.

⁵Wane wakalekaka ma diuleki dimena, wambuvo la ndjala lu esese. Wane wakalotaka eloto wa tilili, wambetama lʼutuku.

⁶Uhedia wa ona umuntu a wudja ami ambuleka kolo ka Sodoma[1] Kakalanyema shashimuya, aha la lunya la untu.

⁷Ewandji awo wakaleki lungi lʼekama la tshitshi pudipudi, wakaleki awele wema. Diuwu diawo diakaleki ave wa tilili tilili, Dimena dia diema diawo diaki uku ave wa ngaingai.

⁸Keli kakiane dundji diawo diambuleka udjima tshududu; Vo hawuyeyama lu esese. Diuwu diawo diambumamana la weka, diambuma, Diambuyala uku utamba wa wumu.

⁹Wane wakadiakema la yombo, ndeka wane wakavu la ndjala diese. Waku watondaka, watundamaka la ndjala ka mbu ya nde.

¹⁰Anya wʼamantu, akanga a ketshi, wakakati anʼawo.[2] Vo wakayala ma diawo lu elanyelu ka ona umuntu a wudja ami.

¹¹Latuyalaka akafudia kele kandi, akatshulula ududu andi. Ndi akahetsha dja lu Siona yakatshumbi ndu atshina ayo.

¹²Khumi ya dikanga ya la kete Ndu antu wa la kete tshe kumbetawoka vati: Uhetshan yi kana utunyi mbeyaka mboto lu asuku wa Jerusalema.

¹³Dikambu so diakayala, ne dia kolo yʼamvutshi awo. La ehedia wa elombedi awo, Wakatshulula dikila diʼantu wʼololo lʼatei awo.

¹⁴Vo wakamamba lu esese uku akanga a tutshungu, Wakasana la dikila, wuhu waki antu kumbeya munanda eloto awo.

¹⁵Antu wakahangwela vati: Nyumo! nyu nyeko mindu! Nyumo! nyumo! tanyutunandaki! Okone vo wakayala tekeko la ambetshetshi, Ne dia antu wakati lʼatei a wedja vati: Vo tawudjaseki lʼatei asu ntu.

¹⁶Latuyalaka ndame akahandjula, ndi hulanga mbaenda ntu. Ndi konemia elombedi kuyanga ndjala la ketshi le dihangamendi.

¹⁷Ashu asu wakayala lungi lamʼakatendaka wendenda dia nkundja ekimanyelu. Lu endelu kasu, shu takendelaka. Le wudja waki kumbeya ntushimbela.

¹⁸Antu wakayangaka wanya asu, Diako mbakisu kumbeya nkendakenda lu esese asu. Ekumelu kasu kakasukana; nshi yasu yakalema, Ne dia ekumelu kakakuki.

¹⁹Waku wakatutshanya, wakaleki pungu ya lʼulungu luwangu. Vo wakatutshanya lʼekungu, wakatuhulamela lʼesui wa shenga.

²⁰Vo wakandi lumu lasu, ukitami wʼiso wa Latuyalaka, lu wawu awo. Shu takataka lu dikambu diandi shati: La tshina dia didjidji diandi kayutulumbaka lʼatei a wedja.

²¹We ona umuntu Edome, ludjashi lu kete ya Uze, Ongenongeno, ongenongeno utamanya. Keli dikoho ne diayukuma ndu le ye; We ayudjo, ayengola utakataka.

²²We ona umuntu Siona, asui wambukuka lu dikambu dia uhedia. Ndi hayukotola ntu lu lohombo. Keli, we ona umuntu Edome, ndi ayukusuya ne dia ehedia aye; Ndi ayushula kolo yaye.