Read tetala Delu dia Jeremiya 5 Bible Online

Delu dia Jeremiya 5 - tetala bible

Delu dia Jeremiya 5

¹Latuyalaka li, uho asui wambutena; Endi dionyo diambuwutonyola!

²Etenyi kasu kʼukito kambukimwama le angendangenda, La mvudu yasu le asi wedja.

³Shu teli ana wa ditshiki, waha la washi; Anyengesu weli uku wadi waki edu.

⁴Shu takano ashi wakatasumbi la falanga; Takasumbi kunyi lusumba.

⁵Vo wambutukambia wulu la koho lu kingu yasu. Shu tambokomo, shu kema la mumuya.

⁶Shu takasimbula anya utsha le asi Edjibitu Ndu utsha le asi Asuriya dia nkundja mbu ya nde yukuki.

⁷Washewo wakatshi kolo, vo kemako ntu; Shu tambemba wutshu wa ehedia awo.

⁸Fumbi wambutulela; Nduku latutshungula uma lʼanya awo.

⁹Shu tatusundjaka nyumu yasu dia nkundja mbu ya nde, Ne dia yombo yeko lʼusui.

¹⁰Diuwu diasu diamboheta uku tshuka, Ne dia lohaladi la ndjala ka kasha lambutunda.

¹¹Wakasuwula amantu wa lu Siona, La esekaseka wa dimuma wa lu esumba wa Juda.

¹²Wakahane ewandji la anya awo wukelekami; Konemia dundji dia dihangamendi.

¹³Elonge wʼapami wakato epunga, Akenda wakatakana la wutshu wa kunyi.

¹⁴Dihangamendi hawuyudjase lʼeotwelo kʼusumba; Elongo wʼapami wambukimo mimba esambu awo.

¹⁵Ongenongeno ambushila lʼetema asu; Wenye asu wʼongenongeno wambukadimo wenye wʼutanda.

¹⁶Dembo dia kusu diambumo uma lʼote asu; Mananu keko le su, ne dia shu takatshi kolo.

¹⁷Ne dia dikambu ne, etema asu wambokomo; Ne dia akambu ane, ashu asu waya lungi;

¹⁸Ne dia ukungu wa Siona waya tongo; Mbulu yetetaka ladiku diawo.

¹⁹Keli we Latuyalaka atulelaka pundju. Kiti kaye ka diulelu katuyalaka lu lolonga la lolonga.

²⁰Dikambu kuna diambuyutuhela pundju? Ukundi wambuyutoseka edja okone?

²¹Latuyalaka li, utukaluya le ye, ku shu tayukalula mete. Ufudia nshi yasu uku nshi yʼedjedja,

²²Undi, we ambututuna pundju? We ambutuka kele kuleki wulu?