Read tetala Ezekiyele 20 Bible Online

Ezekiyele 20 - tetala bible

Ezekiyele 20

¹Lʼeleku kʼesambeli, lu lushi la dikumi la ngondo ka tanu, dihanga-mendi Jimotshi dia Isariyele wakayi dia ndjumbula Latuyalaka, wakayudjase la ntundu kami.

²Diui dia Latuyalaka diakayi le mi ati:

³Onʼa untu, uteli dihangamendi dia Isariyele wati: Khumadiondjo Latuyalaka kambula ati: Undi, dia ndjumumbula nkuyenyu? Uku wemi la lumu! dimi haletawo dia nyu mumbulami, mbata Khumadiondjo Latuyalaka.

⁴We onʼa untu, alumbuya, alumbuya! alimbitshiya akambu wa wononyi a washewo.

⁵Uwateli wati: Khumadiondjo Latuyalaka kata ati: Lushi lakamasonola Isariyele, dimi lakatshibela khumbu ka Jakoba. Lamʼakamayaenya le wo lʼEdjibitu, dimi lakatshibela nti: Dimi keli Latuyalaka, Unyashungu anyu.

⁶Lushi lako, dimi lakatshibela dia mba-tundja uma lu kete ya Edjibita, la mbaela uya lu kete yakamasonwela, kete yuludi too lʼawele la usanga, yuleki kete tshe lutumbu.[34]

⁷Dimi lakawatela nti: Nyu tshe untu lʼuntu anya akambu wa wononyi uma la ntundu kandi. Tanyuyalanyaki la dikishi dia lʼEdjibitu. Dimi keli Latuyalaka, Unyashungu anyu.

⁸Keli vo wakantombokwela; vo kumbukelami. Vo tshe untu lʼuntu kuminya diango dia wononyi uma la ntundu kandi. Vo konseka dikishi dia Edjibitu. Ku dimi lakasanguya nti: Dimi layatshulwela kele kami, dia nshidiya kele kami lʼatei a kete ya Edjibitu.

⁹Keli dimi lakayakimela ne dia lukumu la lukumbu lami, diaha lo monywama la ntundu ka wedja waki lene akamayaenya le wudja ami, dia mbatundja uma lu kete ya Edjibitu.

¹⁰Okone dimi lakatundja uma lu kete ya Edjibitu, lakalombola utsha lʼusui wa shenga.

¹¹Dimi lakawadjela elembe ami, lakalimbitshiya adjangu ami wahumba untu lʼuntu nama dia ndi numba loko.[35]

¹²Dimi lakawasha nshi yami ya mumuya dia yo ndjala djimbitelu lʼasami la wo,[36] dia vo mbeya vati: Dimi keli Latuyalaka, lambakidia.

¹³Keli khumbu ka Isariyele wakantombokwela lʼusui wa shenga. Vo kundjela elembe ami, wakatuni adjangu ami wahumba untu nama, dia ndi numba loko.[37] Vo wakaleki nanya nshi yami ya mumuya. Ku dimi lakasanguya lʼutema nti: Dimi layatshulwela kele kami lʼusui wa shenga dia mbashila ushiki.

¹⁴Keli dimi lakayakimela ne dia lukumu la lukumbu lami, diaha lo monywama la ntundu ka wedja waki lene akamatundja.

¹⁵Dikambu dikina, dimi lakatshibela lʼusui wa shenga diaha mbaela uya lu kete yakamalaki, kete yuludi too lʼawele la usanga,[38]

¹⁶ne dia vo wakatuni adjangu ami, kundjela elembe ami, ndu wakalanya nshi yami ya mumuya. Etema awo wakatshu lu dikishi diawo.

¹⁷Keli dimi lakawauki ketshi, kumbadiaka kuyanga mbashila ushiki lʼusui wa shenga.

¹⁸Dimi lakatela anʼawo lʼusui wa shenga nti: Tanyuyelaki elembe a washenyu, tanyulamaki adjangu awo, kuyanga ndjalanya la dikishi diawo.

¹⁹Dimi leli Latuyalaka, Unyashungu anyu: nyuyeli elembe ami, nyulami adjangu ami, nyuwatshaki.

²⁰Nyolemia nshi yami ya mumuya dia yo ndjala djimbitelu lʼasami la nyu, dia nyu mbeya nyati: Dimi keli Latuyalaka, Unyashungu anyu.

²¹Keli anʼawo wakantombokwela, kundjela elembe ami, kuyanga nama adjangu ami dia mbatsha, wahumba untu lʼuntu ndjela dia ndi numba loko. Vo wakalanya nshi yami ya mumuya. Ku dimi lakasanguya nti: Layuwatshulwela kele kami dia nshidiya udukuduku ami lʼusui wa shenga.

²²Keli dimi lakanya lunya, lakakambela lukumu la lukumbu lami ulimu, diaha lo monywama la ntundu ka wedja waki lene akamatundja.

²³Dikambu dikina, dimi lakatshibela lʼusui wa shenga dia mbahandjula lʼatei a wedja, la mbadianganya lʼatei a waulelu,[39]

²⁴ne dia vo kundjela adjangu ami. Vo wakatuni elembe ami, wakalanya nshi yami ya mumuya, la wakediya ashu awo le dikishi dia washewo.

²⁵Dimi lakawadjela ndu elembe waha ololo, la adjangu wakiwo kumbeya numba loko.

²⁶Dimi lakasanya uma lʼelambu awo, ne dia vo waketsha yata kundu yawo tshe lu dja. Diako mbakamatshiki anyanya, dia vo mbeya vati: Dimi keli Latuyalaka.

²⁷Okone we onʼa untu, uteli khumbu ka Isariyele wati: Khumadiondjo Latuyalaka kata ati: Washenyu wakadimula lukumbu lami udimuladimula lamʼakawapedia.

²⁸Lamʼakamakumia lu kete yakamatshibi dia mbasha, vo wakedia ashu utsha lu dikuna tshe diʼutali, utsha lʼutamba tshe wa pukaa. Vo wakalambulaka elambu awo leko, wakambukia kele la elambu awo. Vo wakalambulaka elambu awo wa malashi ndu elambu awo wa lutela.

²⁹[Ku dimi lakawambula nti: Dunga diku diatunyutshokaka leko, dieli na? Dikambu so mbatuwetaka dihuli diako vati: Bama (kitshimudi ati: Dunga), edja ndu elo].

³⁰Okone uteli khumbu ka Isariyele wati: Khumadiondjo Latuyalaka kambula ati: Ndu nyu nangaka ndjasanya uku akayasanya washenyu? Nyu nangaka nsokami la ndjela akambu awo wa wononyi?

³¹Lamʼatunyulambulaka elambu anyu, ndu lamʼatunyutshumbaka anʼanyu wʼapami, nyu nyatuyasanyaka la dikishi dianyu tshe edja ndu elo. Undi, ololo dimi mumbwania le nyu, nyu khumbu ka Isariyele? Uku wemi la lumu! dimi haletawo dia nyu mumbulami, mbata Khumadiondjo Latuyalaka.

³²Nyu nkanaka nyati: Shu tayuyala uku wedja ekina, uku khumbu ya waulelu, dia ntemola etamba la ave. Keli kanyi yako hayushidiyama.

³³Khumadiondjo Latuyalaka kata ati: Uku wemi la lumu! dimi layunyulela la lunya la wulu ndu lʼusimbwi. Layunyutshulwela ududu ami.

³⁴Dimi layunyutundja uma lʼatei a wedja, layunyusanganya uma lʼatei a waulelu tshe wakamanyuhandjula la lunya la wulu ndu lʼusimbwi. Layunyutshulwela ududu ami.

³⁵Dimi layunyolombola utsha lʼusui lʼatei wʼasi wedja. Leko kayumutunyulumbuya lu elundji lʼelundji.

³⁶Uku akamalumbuya washenyu lʼusui wa shenga, lu kete ya Edjibitu, wuhu ako mbayumunyulumbuya ndu nyu, mbata Khumadiondjo Latuyalaka.

³⁷Dimi layunyetsha lʼesi a danga dia walelu, ndu layunyela lu lukanu la sheki.

³⁸Dimi layutundja atomboki la wane wakampedia uma lʼatei anyu. Dimi layuwatundja uma lu kete yudjashiwo. Keli vo hawoto lu kete ya Isariyele, dia nyu mbeya nyati: Dimi keli Latuyalaka.

³⁹Khumadiondjo Latuyalaka kata ati: Nyu khumbu ka Isariyele, nyutshu, nyutotemole untu lʼuntu dikishi diandi; ndu lu nshi yayayi pupu, naka nyu hanyulangi mbukelami. Keli nyu hanyusanya lukumbu lami lʼekila ntu la eshasha anyu, ndu la dikishi dianyu.

⁴⁰Khumadiondjo Latuyalaka kata ati: Khumbu tshe ka Isariyele, vo tshe, wayotemola lu kete, lʼukungu ami wʼekila, ukungu wʼutali wa Isariyele. Leko kayuwaetawo, ndu leko kayumunyutshutshiya dia nyu nkimo elambu anyu, elonga wa eshasha anyu, kame la eshasha anyu wʼekila tshe.

⁴¹Lamʼayumunyutundja uma lʼatei a wedja, ndu lamʼayumunyusanganya uma lu beke tshe lene akanyadianganyema, dimi layukidiama uma le nyu lu ashu a wedja.

⁴²Ku nyu nyayeya nyati: Dimi keli Latuyalaka, lamʼayumunyukumia lu kete ya Isariyele, leke la-kamatshibi dia mbisha washenyu.

⁴³Nyu nyaytituho ditshelu dianyu leko, ndu ditshelu dianyu tshe diakanyafutanya. Nyu nyayuyahetsha, ne dia kolo yanyu tshe yakanyatshaka.

⁴⁴Nyu khumbu ka Isariyele, nyayeya nyati: Dimi keli Latuyalaka, lamʼayumudjase lʼatei anyu dikambu dia lukumbu lami, aha uku etsha anyu wa kolo, kuyanga uku ditshelu dianyu dia mindu, mbata Khumadiondjo Latuyalaka.

⁴⁵Diui dia Latuyalaka diakayi le mi ati:

⁴⁶Onʼa untu, ediya elundji kaye utsha la diku dia kushi, otekete utsha lu leke la diku dia kushi. Uti akambu wahatayi lu dikambu dia ukunda wa la Nengebe.

⁴⁷Uteli ukunda wa Nengebe wati: Uki diui dia Latuyalaka. Khumadiondjo Latuyalaka kata ati: Enda, dimi lutsha mpetsha dja lʼatei aye. Yo yayutshumba utamba aye tshe wʼuyuyu, ndu wa wumu. Lumbi la dja hudimala, la diango tshe diʼuma lʼulelu wa la diku dia kushi pulu ndu la ngelʼa kushi diayulu-ngula.

⁴⁸Antu tshe wayulimbitela vati: Dimi Latuyalaka kakayihetsha, yo hayudimalaki.

⁴⁹Ku dimi lakati nti: Ai! Khumadiondjo Latuyalaka, vo wayutaka dikambu diami vati: Aha umbuki a wela mbendi uka?