Read tetala Hosea 7 Bible Online

Hosea 7 - tetala bible

Hosea 7

¹Lamʼakamalangi nkaluya ongonyi wa wudja ami, Lamʼakamalangi nkonoya Isariyele, Uhedia wa Efarayima la ditshelu dia kolo dia Samariya diakene, Ne dia vo watutshaka la lukesu, Uvi atotoka leko, la opotodi watudingaka lʼandja.

²Vo hawutukanaka lʼetema awo vati: Dimi mbuhoka etsha awo tshe wa kolo. Kakiane etsha awo wambadinga. Vo ene waya la ntundu kami.

³Vo watongenyangenyaka khumʼekanga la kolo yawo, Ndu ewandji la kashi yawo.

⁴Vo tshe weli atemodi wa dikishi. Vo weli uku tshuka diambohetsha ukatshi. Ndi hatatshutshiyaka dja Umaka kʼasohanyandi shima la edya, Edja ndi to kambuda.

⁵Lu lushi la khumʼekanga kasu Ewandji wakayaukia kandji lʼenwelo ka wanu. Khumʼekanga akasimbula lunya dia no kame la amonyodi.

⁶Etema awo wakalumbalumba la lukesu aku tshuka. Kele kakahete utshu tshe, Ku to kakatundo la pindju uku lumbi la dja.

⁷Vo tshe watohetaka uku tshuka, Watushilaka embuledi awo ushiki. Khumi ya dikanga yawo tshe yambolemba, Nduku otoi lʼatei awo atumbetaka.

⁸Efarayima ambuyasohanya la wedja. Efarayi na eli uku ukati wakiwo kunkadimula.

⁹Asi wedja wambushila wulu andi, Keli ndi heyi dikambu diako. Ndi ambutumba ndjui atoi, keli ndi heyi.

¹⁰Utaku wa Isariyele wambuyala omenyi lu dikambu diawo. Vo hawukalula le Latuyalaka, Unyashungu awo, Kuyanga mbuyanga lu akambu aso tshe.

¹¹Efarayima eli uku inga kʼenginya, kaha la ewu, Vo watosengasengaka Edjibitu; Watutshokaku utsha la Asuriya.

¹²Lamʼayuwutsho, dimilayuwamba otei, Layuwanda uku atuwundaka fudu ya lʼulungu. Dimi layasuya uku weli etsha awo wa kolo.

¹³Mananu kayali le wo ne dia vo wakandawo. Elanyelu kayali le wo, ne dia vo wakampendwela. Dimi lutshimbela, Keli vo watutaka aui wa kashi lu dikambu diami.

¹⁴Vo hawutundelelaka lʼutema otoi, Keli watukiyanaka lu mbetu yawo, Watusanganaka dia nkundja epunga la ashi wʼelua; Vo watontombokwelaka.

¹⁵Kuyanga dimi lakawaetsha ndu lakakikitsha anya awo, Vo watukanaka dia ntshelami kolo.

¹⁶Vo watukadimoka utsha le Bala; Vo weko uku uta wa lukesu. Ewandji awo wayudiakema la yombo Uma lʼaui awo woteketateketa. Dikambu so diayuwaete engo ka dionyo lu kete ya Edjipitu.