Read tetala Joele 3 Bible Online

Joele 3 - tetala bible

Joele 3

¹Nyulungi, lu nshi sho, lʼetena keso, lamʼayumukaluya asi Juda la Jerusalema ongonyi,

²dimi layusanganya wedja tshe, layalombola lʼukidi wa Jehoshafata. Leko kayumutalumbuya dikambu dia wudja ami Isariyele, ukito ami, ne dia vo wakawadianganya lʼatei a wedja ndu wakakahana kete yami.

³Wakuki wudja ami uwali, wakakimoka dikenda dia pami tshindu le umuntu kanga luseka, wakasumbaka usekaseka a umuntu wanu, wakanokaka.

⁴Kakona kasami la nyu, we Tura la Sidona,[9] ndu nyu beke tshe dia Filistiya?[10] Undi, nyu nangaka somboyami? Naka nyu nyayosomboya, dimi layukaluya esombweyo kanyu lu ete anyu esadi a wulu.

⁵Nyu nyakose fesa yami la paunyi yami, nyakatole diango diami diʼamena ndu diʼushinga a wulu.

⁶Nyu nyakasundja asi Juda, asi Jerusalema la asi Ngirika, dia nyu mbenya etali uma lu kete yawo.

⁷Diako mtayumuwanya uma lʼahuli wa-kanyasundja, ku dimi layukaluya esombweyo kanyu lʼete anyu.

⁸Dimi layusundja anʼanyu wʼapami la anʼanyu wʼamantu le asi Juda. Ku vo wayasundia le asi Sheba, wudia wʼetali, ne dia Latuyalaka akati osoku.

⁹Nyuti lukumu lone lʼatei a wedja, Nyukungi antu lu ta. Nyemuli ahuka, alimbi tshe wasukani, wayi!

¹⁰Nyutshuli kungu yanyu tombo, La kuwa yanyu ya loho akonga.[11] One leli wodu ati ati: Dimi lay a la wulu.

¹¹Nyusamanya, nyuyi nyu wedja tshe wa lʼutohimba, nyusangani. Latuyalaka li, uhuluya ahuka aye leko!

¹²Wedja wamo, watshu utsha lʼukidi wa Jehoshafata, Ne dia leko kayumutudjase dia numbuya wedja tshe wadingi.

¹³Nyukimeli kuwa ya muna, Ne dia diango diambela[12] Nyuyi, nyohotshahotsha, Ne ata yundja yambulula too.[13] Kenga ya waki yambulula too, ne dia kolo kawo kaya wuki.

¹⁴Elui wʼantu, elui wʼantu, Lʼukidi wʼelumbwelu kʼakambu! Ne dia lushi la Latuyalaka laya sul Lʼukidi wʼelumbwelu kʼakambu!

¹⁵Unya la ngondo waya udjuna utu, toto hatuyoheta ntu.

¹⁶Latuyalaka ambudikita uma la Siona, Ndi ambukia diui diandi uma la Jerusalema,[14] Ulungu la kete wamtusukasuka. Keli Latuyalaka eli tshamelu ka wudja andi, Lungeli lʼasi Isariyele.

¹⁷Ku nyu nyayeya nyati: Dimi keli Latuyalaka, Unyashungu anyu, Ludjashi la Siona, ukungu ami wʼekila. Jerusalema ayuyala ekila, asi weaja haweta leko ntu.

¹⁸Lu lushi loso, ekungu wayusedia ashi wa mpe wʼelua, Akuna wayokedia awele, Tokoko tshe ta uda tayuyala la ashi. Eteko kayutumba uma lu luudu la Latuyalaka, Kayoloya ukidi wa Shitime.

¹⁹Edjibitu ayulanyema, Edome ayuyala usui wa shenga wʼelanyelu, Ne dia akambu wa ngala wakawatshela asi Juda; Ne dia wakatshulula dikila diaha la unungu lu kete yawo.

²⁰Keli antu wayudjaseka pundju la Juda, Ndu la Jerusalema lu lolonga la lolonga.

²¹Dimi layosomboya dikila diahamatasomboya? Ku Latuyalaka ayudjase lu Siona.