Read tetala Amose 2 Bible Online

Amose 2 - tetala bible

Amose 2

¹Latuyalaka kata ati: Ne dia ehedia esatu, ee, enei wa Moaba,[9] Dimi halukaluya sui diami, Ne dia vo wakatshumbi weka wa khumʼekanga Ka Edome lu khuka ka dja.

²Dimi layutuma dja lu Moaba, Ku yo yayutshumba mvudu ya khumʼekanga ya la Keriyote. Moaba ayuvo lʼatei a lufungusu, La tukuku, ndu a lundju lʼamama.

³Dimi layunya umbuledi uma lʼatei awo, Layudiaka ewandji andi tshe kame la ndi, Mbata Latuyalaka.

⁴Latuyalaka kata ati: Ne dia ehedia esatu, ee, enei wa Juda, Dimi halukaluya sui diami, Ne dia vo wakaseke elembe ami, dimi Latuyalaka. Vo kunama adjangu ami; Kashi yawo yakayelaka washewo, yakawanganyia.

⁵Dimi layutuma dja lu Juda, Ku yo yayutshumba mvudu ya khumʼekanga Ya la Jerusalema.

⁶Latuyalaka kata ati: Ne dia ehedia esatu, ee, enei wa Isariyele, Dimi halukaluya sui diami, Ne dia vo wakasundja untu ololo dia nkundja fesa, La usi wula dia nkundja lukulu la sabata.

⁷Vo watukumbulaka mena ditshu dia kete lʼote wʼusi wula, Watetoyaka mbuka ka kanga memakana. Ona pami la shi watutshokaka le usekaseka a umuntu otoi, Dia nanya lukumbu lami lʼekila

⁸Vo watetamaka lasuki lʼediakelu tshe Lu ahondo wakawose okole. Vo wakanokaka wanu, wakawafutshaka antu enungu Lu luudu la Unyashungu awo.

⁹Keli dimi lakadiaki asi Amora,[10] Waki etali uku etamba wʼesasi, Ndu waki la wulu uku etamba wʼelungu la ntundu kawo. Dimi lakalanya elua awo uma ladiku, La ediu awo uma la tshina.

¹⁰Dimi lakanyutundja uma lu kete ya Edjibitu, Lakayanyolombolaka deku akumi anei lʼusui wa shenga, Dia nyu nkita kete yʼasi Amora.

¹¹Dimi lakatundja amvutshi lʼatei wa anʼanyu, La akidiami[11] lʼatei wʼelongo anyu wʼapami. Aha osoku mbedio, nyu asi Isariyele? Mbambula Latuyalaka.

¹²Keli nyu nyakanosha akidiami wanu, Yakadjangela amvutshi nyati: Tanyutaki akambu wahatayi.

¹³Nyulungi, dimi layunyukamela kʼamʼemadinyu aku, Uku atukamelaka pusupusu Kuludi to la diango dia wutshu kete.

¹⁴One latudjaka luwangu heya ndawo, Kanga wulu heya ndjakikitsha, Kuyanga kanga dihunga hushimbela lumu landi.

¹⁵One latukaka uta, hushikikala dia nkimela uta andi; One latudjaka luwangu, huhanda, Ndu umbahemi a falasa hushimbela lumu landi.

¹⁶One leli la utema wulu lʼatei wʼakanga a wulu, Ayulawo utakataka lushi lako, Mbata Latuyalaka.