Read tetala Amose 6 Bible Online

Amose 6 - tetala bible

Amose 6

¹Mananu kayali le amenyi olo wa la Siona, Ndu le wane weli la lutui tshitshi lʼukungu wa Samariya, Le antu a waki wa lu wudja wuleki wedja, Wako watuyakaka khumbu ka Isariyele le wo.

²Nyeti la Kalane, nyutendi; La uma leko, nyuteti la Hamata ka wuki, Ku nyu ntuhulo utsha la Ngata kʼasi Filistiya. Undi, vo ndeka waulelu ane ololo? Kana kete yawo ndeka kete yanyu wuki,

³Nyu wane watanganyaka lushi la kolo etali. Ku nyatusukanyaka akambu wa ngala dia vo ndjala suki?

⁴Mananu kayali le wane wetami lu tangi yʼewanga, Watuyakokolaka lu mbetu yawo; Watolekaka esongo wʼekoko wʼuma lu limba, La esongo wa ngombe wʼuma lʼukutu.

⁵Vo watimbaka esambu otekoya la akembi, Watuyatshelaka dihumahuma uku Davidi.

⁶Vo watonokaka wanu lu dikoho dia wuki, Watuyashinulaka biso diʼushinga a wulu, Keli vo hawutunyangaka dia elanyelu ka Josefu.

⁷Okone vo wayutatela ntsho lu fumbi, Kame la wane watatshu lu fumbi, Ndu ongenongeno a waku watuyakokolaka wayushila.

⁸Khumadiondjo Latuyalaka akayatshibi ndame (Latuyalaka, Unyashungu Kanga lulimbilimbi kata) ati: Dimi mbukaka utaku wa Jakoba wononyi otekoya, Dimi latuhetshaka mvudu yandi ya khumʼekanga. Dimi layukimo usumba la kene tshe keli loko.

⁹Naka antu dikumi wayutshikala lu luudu otoi, vo wayuvo.

¹⁰Lamʼayosa one luto lʼuntu untu lambuvo dia mbutshumba, lamʼayundutundja weka uma lu luudu, ndi ayumbula one leli lʼetei a luudu ati: Untu omotshi eko kame la ye ntu? Ku untu ako ayukaluya diui ati: Nduku untu. Ku ukina ayuwutela ati: Uyali ki! ne dia shu hateyi nyimula lukumbu la Latuyalaka.

¹¹Nyulungi, ne dia Latuyalaka ambudjanga, Ndi ayete luudu la wuki weshu weshu, La mudu la tshitshe elonge elonge.

¹²Undi, nyu wane watukadimulaka sambu kʼololo lolengo, La ulua wʼakambu wʼusimbwi ululu, Falasa udawoka ladiku dia dive? Untu nkendjakendjaka ngombe la lungu ladiku diadio?

¹³Nyu wane watongenangenaka lu engo kʼanyanya. Watutaka nyati: Uma lu khudu kasu, Mbakatakundja wulu asu.

¹⁴Diako mbayumunyiya wudja omotshi, Dia vo ndo la nyu, nyu khumbu ka Isariyele. Vo wayunyusuya umaka eotwelo ka Hamata Edja ndu lu kyoko ya Araba, Mbata Latuyalaka, Unyashungu Kanga lulimbilimbi.