Read tetala Amose 8 Bible Online

Amose 8 - tetala bible

Amose 8

¹Khumadiondjo Latuyalaka akamenya enelo kene. Menyi ku saka diʼelua wa lʼowo ne.

²Ku ndi akamumbula ati: Amose, kakona kenaye? Dimi lakûkaluya diui uti: Saka diʼelua wa lʼowo. Ku Latuyalaka akamvutela ati: Ekumelu kambuya lu wudja ami Isariyele; Dimi haluwadimanyia ntu pundju.

³Esambu wa lʼetemwelo wayuyala alelu lushi lako, Edu wʼantu wayuyala efula; Antu wayuwekadja la ki lu ahuli tshe, Mbata Khumadiondjo Latuyalaka.

⁴Nyulungi dikambu ne, nyu wane watomenaka uhumbi esudia. Ndu watuhumuyaka usi wula la la kete lakulu lʼengeno.

⁵Nyatumbulaka nyati: Etena kakona kayeta yʼalelu ya ngondo, Dia shu nsundja epunga. Ndu lushi la mumuya, dia shu nsundja wehu asu, Dia shu nkitshakitsha yediko ya saka, La mvudiya ushinga, la nkadimula kilo ya lukesu?

⁶Dia shu nsumba usi wula la fesa, La uhumbi la lukulu la sabata, Ndu nsundja puhudi yʼepunga?

⁷Latuyalaka akatshibi lʼukhumu wa Jakoba ati: Dimi hambuhelaki nduku otoi wa etsha awo.

⁸Undi, kete hayudidima lu dikambu ne, Ndu wane tshe wudjashi loko hawuyala lʼutanda? Yo hayunela yo tshe uku Nile, Yo hayohenyahenyama, ndu hayukitakita Uku Nile ka lu Edjibitu?

⁹Khumadiondjo Latuyalaka kata ati: Lushi lako, dimi layudje unya lʼatei ote. Dim layete kete udjima la yanyi yʼekumbikumbi.

¹⁰Dimi layukadimula nshi yanyu ya waki utanda, La kimbu yanju tshe delu. Dimi layunyolotsha akutu lu kindi tshe, Layunyete awandji lʼete tshe. Dimi layete wudja lʼutanda uku wa ona pami etoi, La ekumelu kawo uku lushi lʼokei.

¹¹Nyulungi, nshi yayuya, Yayumutuma ndjala ka kasha lu kete, Aha ndjala ka mbu ya nde, kuyanga pusa ka ashi, Keli ka eukelu kʼaui wa Latuyalaka.

¹²Vo wayekeko uma lʼashi a wuki utsha lʼashi a wuki. Uma lu leke la ngelʼa kushi pulu ndu lʼehutwelu ka unya. Vo wayutalawolawoka lene la lene Lu ntayangi diui dia Latuyalaka, Keli vo hawudishula.

¹³Lushi lako, esekaseka wa dimuma wʼamena La elongo anyu wʼapami wayuvo pusa kʼashi.

¹⁴Wane watutshibaka Ashima wa la Samariya, Ndu watutaka vati: Uku eli etemolatemola kaye la lumu! we Dane, Ndu uku eli mbuka kʼasi Bere-Sheba la lumu! Vo wayoko, hawunela ntu pundju.