Read tetala Jona 3 Bible Online

Jona 3 - tetala bible

Jona 3

¹Diui dia Latuyalaka diakayi le Jona lʼetena ka hendi ati:

²Unela, utshu lʼusumba a wuki uku wa Niniva. Utasambishaka esambishelu keku kakamakudjangela.

³Ku Jona akunela, akatshu la Niniva uku diui dia Latuyalaka. Mete, Niniva aki usumba a wuki waheyama, yediko ya lokendo la nshi shatu.

⁴Jona akatatela mboto lʼusumba lokendo la lushi otoi, akahangohango, akati ati: Nshi akumi anei tshu mbambutshikala dia Niniva nanyema.

⁵Asi Niniva waketawo Unyashungu. Vo tshe, wa waki ndu wa tshitshe, wakakili mbu ya nde, wakalote akutu.[3]

⁶Lukumu lako lakakumi le khumʼekanga ka Niniva. Ku ndi akunela uma lu kiti kandi ka diulelu. Ndi akakulula dihondo diandi, akalote dikutu, akadjase lʼutuku.

⁷Ndi akati diui dia mbidja umbeka la nyanganya lukumu la Niniva, uma lu didjangu dia khumʼekanga la dihangamendi diandi ati: Untu kuyanga nyama, ngombe kuyanga okoko, tawunganelaki nduku yango. Vo tawolekaki ma kuyanga no ashi.

⁸Keli ndu antu ndu nyama walote akutu, waleleli Unyashungu wulu. Vo tshe, untu lʼuntu akaluli uma lu mbuka kandi ka kolo, ndu uma lu akambu wa ngala weli lʼanya andi.

⁹Akona eya kana Unyashungu hukadimo, holemba utema ndu humo kele kandi ka wulu, diaha shu mvo?

¹⁰Unyashungu akenyi etsha awo uku akawakalula uma lu mbuka kawo ka kolo. Ndi akalembe utema lu kolo kakandati dia mbatshela, ndi kunkitsha.