Read tetala Walelu 29 Bible Online

Walelu 29 - tetala bible

Walelu 29

¹Kanyuyalaki la lusanganya lʼekila lu lushi la ntundu la ngondo kʼesambeli. Tanyutshaki ulimu uku ukambi. Lushi lako kaluyalaki lushi lʼedelu kʼamama lʼatei anyu.

²Kanyulambulaki osongo a ngombe wʼumi, okoko wʼumi, esongo wʼekoko esambeli waha la ekomo, weki eleku otoi ulambu wa lutshumba, dia ndjala diowo dia ngenyangenya Latuyalaka.

³Ndu kanyulambulaki ndu ulambu awo wa shima ka pudipudi, kosohanyemi la iso okone: tenyi satu dia dikumi dia efa lu osongo lʼosongo wa ngombe wʼumi, tenyi pendi dia dikumi lu okoko wʼumi,

⁴etenyi otoi ka dikumi lu osongo lʼosongo wʼekoko esambeli.

⁵Kanyulambulaki wumbi a mbudi ulambu wa kolo, dia nyutungela ekesanelu.

⁶Ulambu ako wayuyala ladiku diʼulambu wa talelu ta ngondo, la ulambu awo wa shima, ndu ladiku diʼulambu wa lutshumba wa la lushi la lushi la ulambu awo wa shima, ndu ulambu wa dinono uku elembe, dia ndjala diowo dia ngenyangenya, ulambu wa nambula lu dja le Latuyalaka.

⁷Kanyuyalaki la lusanganya lʼekila lu lushi la dikumi la ngondo kʼesambeli, kanyuyatshumuyaki;[58] tanyutshaki ulimu.

⁸Keli kanyulambulaki ulambu wa lutshumba le Latuyalaka, dia ndjala diowo dia ngenyangenya: osongo a ngombe wʼumi, okoko wʼumi, esongo wʼekoko esambeli weki eleku otoi. Vo kawuyali le nyu, waha la ekomo.

⁹Kanyulambulaki ndu ulambu awo wa shima ka pudipudi, kosohanyemi la iso okone: tenyi satu dia dikumi dia efa lu ngombe kʼumi, tenyi pendi lu okoko wʼumi,

¹⁰etenyi otoi ka dikumi lu osongo lʼosongo wʼekoko esambeli.

¹¹Kanyulambulaki ndu wumbi a mbudi, dia ndjala ulambu wa kolo, ladiku dia ulambu wa kolo wʼekesanelu, ndu diʼulambu wa lutshumba wa la lushi la lushi la ulambu awo wa shima, ndu diʼelambu awo wa dinono.

¹²Kanyuyalaki la lusanganya lʼekila lu lushi la dikumi lʼatanu la lu ngondo kʼesambeli, tanyutshaki ulimu uku ukambi. Kanyuyalaki la lushi la wuki le Latuyalaka nshi esambeli.[59]

¹³Kanyulambulaki ulambu wa lutshumba, ulambu wa nambula lu dja, dia ndjala diowo dia ngenyangenya Latuyalaka: esongo wʼekoko a waumi dikumi la enei weki eleku otoi. Vo kawuyali waha la ekomo.

¹⁴Kanyulambulaki ndu ulambu awo wa shima ka pudipudi, kosohanyemi la iso, tenyi satu dia dikumi dia efa lu otoi lʼotoi lʼatei a ngoihbe ya waumi dikumi la shatu, tenyi pendi dia dikumi lu otoi lʼotoi lʼatei wʼekoko a waumi ehendi,

¹⁵etenyi otoi ka dikumi lu otoi lʼotoi lʼatei wʼesongo wʼekoko dikumi la enei.

¹⁶Kanyulambulaki ndu wumbi a mbudi ulambu wa kolo, ladiku diʼulambu wa lutshumba wa la lushi la lushi, diʼulambu awo wa shima ndu diʼulambu awo wa dinono.

¹⁷Lu lushi la hendi, kanyulambulaki esongo wa ngombe a waumi dikumi la ehendi, ekoko a waumi ehendi, la esongo wʼekoko a waumi dikumi la enei weki eleku otoi, waha la ekomo,

¹⁸kame la ulambu wa shima ndu la elambu wa dinono ne dia ngombe ya waumi, dia ekoko a waumi, ndu dia esongo wʼekoko urna lu efula kawo ndu uku didjangu;

¹⁹ndu wumbi a mbudi ulambu wa kolo, ladiku diʼulambu wa lutshumba wa la lushi la lushi, diʼulambu awo wa shima, ndu dia elambu awo wa dinono.

²⁰Lu lushi la satu, kanyulambulaki ngombe ya waumi dikumi la otoi, ekoko a waumi ehendi, esongo wʼekoko a waumi dikumi la enei weki eleku otoi, waha la ekomo,

²¹kame la ulambu wa shima ndu la elambu wa dinono ne dia ngombe ya waumi, dia ekoko a waumi, ndu dia esongo wʼekoko uma lu efula kawo, ndu uku didjangu;

²²ndu wumbi a mbudi ulambu wa kolo, ladiku diʼulambu wa lutshumba wa la lushi la lushi, diʼulambu awo wa shima, ndu diʼulambu awo wa dinono.

²³Lu lushi la nei, kanyulambulaki ngombe ya waumi dikumi, ekoko a waumi ehendi, esongo wʼekoko a waumi dikumi la enei weki eleku otoi, waha la ekomo,

²⁴kame la ulambu wa shima ndu la elambu wa dinono ne dia ngombe ya waumi, dia ekoko a waumi, ndu dia esongo wʼekoko uma lu efula kawo ndu uku didjangu;

²⁵ndu wumbi a mbudi ulambu wa kolo, ladiku diʼulambu wa lutshumba wa la lushi la lushi, diʼulambu awo wa shima ndu diʼulambu awo wa dinono.

²⁶Lu lushi la tanu, kanyulambulaki ngombe ya waumi divwa, ekoko a waumi ehendi, esongo wʼekoko a waumi dikumi la enei weki eleku otoi, waha la ekomo,

²⁷kame la ulambu wa shima ndu la elambu wa dinono ne dia ngombe ya waumi, dia ekoko a waumi, ndu dia esongo wʼekoko, uma lu efula kawo ndu uku didjangu,

²⁸ndu wumbi a mbudi ulambu wa kolo, ladiku diʼulambu wa lutshumba wa la lushi la lushi, diʼulambu awo wa shima, ndu diʼulambu awo wa dinono.

²⁹Lu lushi la samalu, kanyulambulaki ngombe ya waumi enanei, ekoko a waumi ehendi, la esongo wʼekoko a waumi dikumi la enei weki eleku otoi, waha la ekomo,

³⁰kame la ulambu wa shima, ndu la elambu wa dinono, ne dia ngombe ya waumi, dia ekoko a waumi, ndu dia esongo wʼekoko uma lu efula kawo ndu uku didjangu,

³¹ndu wumbi a mbudi ulambu wa kolo, ladiku diʼulambu wa lutshumba wa la lushi la lushi, diʼulambu wa shima, ndu diʼelambu awo wa dinono.

³²Lu lushi lʼesambeli, kanyulambulaki ngombe ya waumi esambeli, ekoko a waumi ehendi, esongo wʼekoko a waumi dikumi la enei weki eleku otoi, waha la ekomo,

³³kame la ulambu wa shima ndu la elambu wa dinono ne dia ngombe ya waumi, dia ekoko a waumi, ndu dia esongo wʼekoko uma lu efula kawo ndu uku didjangu,

³⁴ndu wumbi a mbudi ulambu wa kolo, ladiku diʼulambu wa lutshumba wa la lushi la lushi, diʼulambu awo wa shima, ndu diʼulambu awo wa dinono.

³⁵Lu lushi lʼenanei, kanyuyalaki la lusanganya la lukumu, tanyutshaki ulimu uku ukambi.

³⁶Keli kanyulambulaki ulambu a lutshumba, ulambu a nambula lu dja, dia ndjala diowo dia ngenyangenya Latuyalaka: ngombe kʼumi, okoko wʼumi, esongo wʼekoko a waumi esambeli weki eleku otoi, waha la ekomo,

³⁷ndu ulambu a shima la elambu wa dinono ne dia ngombe kʼumi, okoko wʼumi, la esongo wʼekoko uma lu efula kawo ndu uku didjangu,

³⁸ndu wumbi a mbudi ulambu wa kolo, ladiku diʼulambu wa lutshumba wa la la lushi la lushi, diʼulambu awo wa shima ndu diʼulambu awo wa dinono.

³⁹Oso eli elambu wayunyulambulaka le Latuyalaka lu nshi yanyu ya waki yakawashikike, ladiku diʼelambu anyu wa nshidiya daka, ndu diʼelambu anyu wa lulangu ne dia elambu wa lutshumba, diʼelambu anyu wa shima, diʼelambu anyu wa dinono, ndu diʼelambu anyu wa ki.

⁴⁰Mose akatela asi Isariyele akambu tshe pupu, uku akawudjangela Latuyalaka.