Read tetala Walelu 30 Bible Online

Walelu 30 - tetala bible

Walelu 30

¹Mose akatela ete a wauhu wʼasi Isariyele ati: Didjangu diambudjanga Latuyalaka ne.

²Lamʼayutshika pami dokoloko le Latuyalaka kana etshibelu dia ndjakimo usungi, ndi takadimulaki diui diandi. Dieli la ndi dia ntsha tshe uku akandati.[60]

³Lamʼayutshika usekaseka a umuntu dokoloko le Latuyalaka lamʼekindi lu luudu la shi, ndu lamʼayundutshiba dia ndjakimo usungi,

⁴ku naka shi ambuka dokoloko diandi la etshibelu kandi kambunduyakimo usungi, ku ndi ambolembohala, dokoloko diandi tshe diayushikikala, ndu etshibelu kandi tshe kambunduyakimo usungi kayushikikala.

⁵Keli naka shi ayuhangwela lushi lako kʼamukindi dikambu, nduku dokoloko, kana etshibelu kambunduyakimo usungi, kayushikikala. Latuyalaka ayudimanyia, ne dia shi akuhangwedi.

⁶Naka umuntu lutshukami ambutshika dokoloko, kana ambuyakimo usungi lu aui andi,

⁷ku naka umendi ayolembohala lushi lako, aha mbutela nduku diui lamʼukandi dikambu, dokoloko diandi diayushikikala, ndu etshibelu kambunduyakimo usungi kayushikikala.

⁸Keli naka umendi ayuyuhangwela kamʼamukandi dikambu, ku ndi ayusapwema la dokoloko lu aui andi wutundjatundja ndu etshibelu kambunduyakimo usungi. Ku Latuyalaka ayudimanyia.

⁹Keli dokoloko dia wadi aki udu kana umuntu losekiwo, ndu etshibelu kakandayakimo usungi, wayutshikala le ndi.

¹⁰Keli naka ndi akatshiki dokoloko kana akatshibi dia ndjakimo usungi ndi eki laka umendi,

¹¹keli umendi akalembohala lamʼakanduki dikambu, ndi kumbuhangwela, ku dokoloko diandi diayushikikala, ndu etshibelu kakandayakimo usungi, kayushikikala.

¹²Keli naka umendi akawaete anyanya, akusapwelawo lushi lakanduki akambu ako, aui tshe wakandatundja dikambu dia dokoloko diandi kana wʼetshibelu kandi, hawushikikala. Umendi akasapula, ku Latuyalaka ayudimanyia.

¹³Okone umi mbeyaka nshikike dokoloko tshe la etshibelu kakayakimo wadendi usungi, kana mbusapula.

¹⁴Keli naka umendi ayolembohalaka lushi la lushi, ku ndi ayushikike alokoloko andi la tshibelu diandi tshe diatunduyakimoka usungi. Umendi ambashikike, ne dia ndi akalembohala lamʼakanduki akambu ako.

¹⁵Keli naka umendi ambuwaete anyanya, ambasapula lʼokongo wa lushi luku lakandawauki, ndi ndame ayemba kolo ka wadendi.

¹⁶Oso eli olembe wakadjangela Latuyalaka Mose, wa lʼasa umi la wadi, ndu wa lʼasa shi la onʼandi a umuntu, lamʼekindi usekaseka lu luudu la shi.