Read tetala Walelu 31 Bible Online

Walelu 31 - tetala bible

Walelu 31

²Utasombweyisha asi Isariyele le asi Midiyana, ku lʼokongo diku we ayuyela washo.

³Ku Mose akatela antu ati: Nyusha apami tshe dihumo dia ta, dia vo ntolo la asi Midiyana, dia nshidiya esombweyo ka Latuyalaka le asi Midiyana.

⁴Kanyutumi antu kinunu uma lu diuhu la diuhu, lʼatei a wauhu tshe wa Isariyele.

⁵Osoku lʼatei wʼasi Isariyele nunu nunu, vo wakose antu kinunu, kinunu uma lu diuhu la diuhu, antu nunu dikumi la pendi wukimedi dihumo dia ta.

⁶Mose akatumi antu kinunu uma lu diuhu la diuhu utsha lu ta, kame la Finehasi, onʼa olombedi Eleazara, lakatembaka diango diʼulimu dia etemwelo la amama wakawatadaka.

⁷Vo wakalo lʼasi Midiyana, uku akadjangela Latuyalaka Mose, wakadiaki apami tshe.

⁸Vo wakadiaki khumi ya dikanga ya Midiyana kame la antu awo, Evi, Rekeme, Zura, Hura, la Reba, khumi ya dikanga tshanu yʼasi Midiyana. Vo wakadiaki ndu Balama, onʼa Beore, la yombo.

⁹Asi Isariyele wakandi amantu wʼasi Midiyana la anʼawo fumbi. Vo wakambi ngombe yawo, dungalunga diawo la diango diawo tshe.

¹⁰Wakatshumbi esumba awo tshe, lu ahuli wakawadjashi, ndu pangu yawo tshe.

¹¹Vo wakose diango tshe dia lohotola, ndu diango tshe dia dimbu, ndu antu ndu nyama.

¹²Ku vo wakayi la fumbi, diango dia lohotola, ndu diango dia dimbu le Mose, le olombedi Eleazara, la le ului wʼasi Isariyele, lu pangu lu mandja ya Moaba, yeli lʼukidi wa Jorodana, lasuki la Jeriko.

¹³Mose la olombedi Eleazara, la ewandji tshe wʼelui wʼantu wakatumbi dia ntuhumana la wo lʼandja a pangu.

¹⁴Mose akuki elombodi wʼalimbi, elombodi wʼantu nunu nunu, ndu elombodi wʼantu kama kama, kele lamʼakawakalula uma lu ta.

¹⁵Mose akawambula ati: Nyakatshiki amantu tshe la lumu?

¹⁶Nyendi, amantu ane mbakanganyia asi Isariyele uma lu aui wa Balama, dia mpedia Latuyalaka lu dikambu dia Peore.[61] Ku sui diakayala lʼatei wʼului wʼantu wa Latuyalaka.

¹⁷Okone, nyudiaki ana apami aku tshe kakiane, ndu amantu tshe wakeyana lʼapami.

¹⁸Keli kanyuyatshikeli ana amantu tshe wahateyana lʼapami.

¹⁹Kanyulali nshi esambeli lʼandja a pangu. Nyu tshe, untu lʼuntu lʼatei anyu, lakadiaki untu kana lakananda udu wʼuntu lakadiakema, kanyuyaedia lushi la satu la lushi lʼesambeli kame la fumbi yanyu.

²⁰Kanyedia ndu eloto tshe: engo tshe kakatshama lʼekuhu, engo tshe kakatshama la diosa dia mbudi, ndu engo tshe kakatshama lʼutamba.

²¹Olombedi Eleazara akatela andoshi wa ta wakatshu lu ta ati: Didjangu diakadjangela Latuyalaka Mose ne.

²²Paunyi, fesa, ohotela, luwulu, tumi ta mbulu, la akedi,

²³engo tshe kukuki ntshikala lu dja, kanyukietsha lu dja, ku to kayediama. Keli to mbeyaka mbediama ndu lu ashi wʼedielo. Kanyedia engo tshe kahakuki ntshikala lu dja lʼashi.

²⁴Kanyusuli ahondo anyu lushi lʼesambeli, ku nyu nyayuyala pudipudi. Lʼokongo diku nyu nyayukalula lu pangu.

²⁵Latuyalakaakatela Mose ati:

²⁶Ali efula ka diango dia dimbu diakanyambi: ndu antu ndu nyama, we la olombedi Eleazara la ete wa khumbu yʼului wʼasi Isariyele.

²⁷Ukahanya diango dia dimbu lu elui ehendi: omotshi le andoshi wa ta wakatshuka lu ta, la ukina le ului tshe wʼantu.

²⁸Kosele Latuyalaka ulambu uma le andoshi wa ta wakatshu lu ta okone: uma lʼatei wa kama tshanu yʼantu, untu otoi; uma lʼatei a ngombe, otoi; uma lʼatei a punda, otoi; ndu uma lʼatei wʼekoko, otoi.

²⁹Kose ulamba uma lu etenyi kawo ka hendi, kuwasha olombedi Eleazara, dia ndjala ulambu wa lediedia le Latuyalaka.

³⁰Ndu, uma lu etenyi ka hendi kʼasi Isariyele, kuwosele okone: uma lʼatei wa akumi atanu wʼantu, untu otoi; uma lʼatei a ngombe, otoi; uma lʼatei a punda, otoi; ndu uma lʼatei wʼekoko, otoi, uma lʼatei a dungalunga tshe. Kuyisha asi Lewi wane weli la okende wʼetemwelo ka dipema ka Latuyalaka.

³¹Mose la olombedi Eleazara wakatshi uku akatela Latuyalaka Mose.

³²Diango dia dimbu diakayutshikala uma lu diango diakose andoshi wa ta wakatshu lu ta, diaki okone: ekoko nunu kama shamalu la akumi esambeli la etanu,

³³ngombe nunu akumi esambeli la pendi,

³⁴punda nunu akumi asamalu la otoi,

³⁵ndu antu nunu akumi asatu la pendi lu tshe, amantu waki kumbeyana la pami.

³⁶Etenyi ka hendi kakayala le andoshi wa ta wakatshu lu ta, kaki okone: ekoko nunu kama shatu la akumi asatu la esambeli la kama tshanu.

³⁷Ku ulambu wa Latuyalaka wʼuma loko waki ekoko kama shamalu akumi esambeli la etanu.

³⁸Ngombe yaki nunu akumi asatu la shamalu, ku ulambu wa Latuyalaka wʼuma loko waki ngombe akumi esambeli la hyendi.

³⁹Punda yaki nunu akumi asatu la kama tshanu, ku ulambu wa Latuyalaka wʼuma loko waki punda akumi asamalu la otoi.

⁴⁰Antu waki nunu dikumi la samalu, ku ulambu wa Latuyalaka wʼuma loko waki antu akumi asatu la ahendi.

⁴¹Mose akafuti ulambu, waki ulambu wa lediedia wa Latuyalaka, le olombedi Eleazara, uku akadjangela Latuyalaka Mose.

⁴²Uma lu etenyi otoi ka hendi kʼasi Isariyele, kakawanyiya Mose uma lu diango diakela apami wakatshu lu ta —

⁴³etenyi kako ka hendi kʼului, kaki ekoko nunu kama shatu akumi asatu la esambeli la kama tshanu,

⁴⁴ngombe nunu akumi asatu la samalu,

⁴⁵punda nunu akumi asatu la kama tshanu,

⁴⁶antu nunu dikumi la samalu —

⁴⁷uma lu etenyi otoi ka hendi kʼasi Isariyele, kakose Mose otoi otoi uma lu akumi atanu atanu wʼantu ndu wa nyama, akasha asi Lewi, wane waki la okende wʼetemwelo ka dipema ka Latuyalaka, uku diui diakatela Latuyalaka Mose.

⁴⁸Elombodi wa nunu diʼului wʼalimbi, elombodi wʼantu nunu ndu elombodi wa kama wakayi le Mose.

⁴⁹Wakayuwutela vati: Shu ekambi aye takali efula kʼandoshi wa ta wakatshu la su lu ta, ku nduku otoi akashisho.

⁵⁰Shu tambela ulambu wa Latuyalaka, diango diakatani untu lʼuntu, dengalenga dia paunyi, ekoma wʼekulu ndu wʼanya, pete yʼematelu, tungunga tʼatui, la miolola wa lu kingu, dia ntunga ekesanelu kasu la ntundu ka Latuyalaka.

⁵¹Mose la olombedi Eleazara wakalungula paunyi uma le wo, dengalenga dia paunyi ka lutshula.

⁵²Paunyi tshe yʼulambu, yakawalambula le Latuyalaka, yaki uma le elombodi wʼantu nunu la elombodi wa kama, yaki yediko ya toshekele nunu dikumi la samalu kama esambeli la akumi atanu.

⁵³(Andoshi wa ta wakose diango dia dimbu. Untu lʼuntu akayaosela diandi.)

⁵⁴Mose la olombedi Eleazara wakalungula paunyi uma le elombodi wʼantu nunu nunu la elombodi wa kama kama, ku wakayela lu luudu lʼesanganelu la dipema, uku euhwelu dikambu diʼasi Isariyele la ntundu ka Latuyalaka.