Read tetala Mika 5 Bible Online

Mika 5 - tetala bible

Mika 5

¹Kakiane, nyu nyambudinigama lʼeheli. Vo wambutolosha. Vo wambokomola umbuledi Wa Isariyele ohelela lu tama.

²Keli we Betelehema, Efarata, Leli tshitshe lʼatei a wauhu wa Juda, Uma le ye kayutumba one layuyala Umbuledi lu Isariyelea[7] dikambu diami, Ndi akatongo umaka nshi yʼediedja, umaka mombokombola.

³Diako mbayundakimo edja ndu lʼetena kayuta one latata lono. Ku atshikadi wʼanangu wayukalula le asi Isariyele.

⁴Ndi ayunela, ayulesha ekoko andi lu wulu wa Latuyalaka, Lu lutumbu la lukumbu la Latuyalaka, Unyashungu andi. Vo wayulumba, ne dia ndi ayuyala wuki, Edja ndu lu kuma ya kete.

⁵Untu oso ayuyala ki kasu. Lamʼayuya usi Asuriya lu kete yasu, Lamʼayundeteta lu mvudu ya khumʼekanga, Shu tayosonwela alami wʼekoko esambeli La antu a waki enanei dia vo ndo la ndi.

⁶Vo wayulanya kete yʼasi Asuriya la yombo, Ndu kete yʼasi Nimirode[8] lu aotwelo ayo. Vo wayututshungula uma le asi Asuriya. Lamʼayuwuya lu kete yasu, Lamʼayuwokendakenda lʼulelu asu.

⁷Ku atshikadi wa Jakoba wayuyala lʼatei a wedja efula, Uku dihohe diʼuma le Latuyalaka, Uku apopo wʼashi ladiku dia adiyu, Wahatutshimbatshimbaka dikambu dia antu, Kuyanga nkunga dikambu dia ana wʼantu.

⁸Atshikadi wa Jakoba wayuyala lʼatei a wedja efula, Uku tambwe lʼatei a nyama ya lʼukunda, Uku osongo a tambwe lʼatei a nyimba yʼekoko. Lamʼatuwetaka lʼatei awo vo watuwendaka, Watuwatshatshaka, ku nduku untu lashimba.

⁹Edia lunya laye ladiku dia atunyi aye. Wane tshe watukuhetshaka, washili ushiki.

¹⁰Latuyalaka kata ati: Lushi loso, dimi layushila punda yeli lʼatei a wudja aye ushiki, Layulanya pusupusu yaye ya ta.

¹¹Dimi layulanya esumba tshe wa lu kete yaye, Layunyukula tangelu diaye tshe.

¹²Dimi layushila alanga wʼaloka uma lʼanya aye ushiki. We huyala la akanga wʼaloho ntu.

¹³Dimi layulanya difanelu diaye dia losela, La dimeta dieli lʼatei aye. We hayotemola elimu wʼanya aye ntu.

¹⁴Dimi layunya WaAshera anyu uma lʼatei aye, Ndu layulanya esumba aye.

¹⁵Dimi layosomboya wedja waki kunkitanyia diui diami. Lu kele kami la ududu ami.