Read tetala Habakuka 1 Bible Online

Habakuka 1 - tetala bible

Habakuka 1

¹Enelo kakenyi umvutshi Habakuka.

²Latuyalaka li, edja ndu kaandi ayumulela ekimanyelu, Ku we hambukela? Dimi lambukulelela dia akambu wa ngala, Keli we hatushimbela.

³Dikambu kuna dia menyaye uhedia, ndu dia menyaye kolo? Elanyelu la akambu wa ngala weko la ntundu kami. Ta dieko, tamu tambufulanela.

⁴Okone elembe wambukitshakitshama, Sambu kʼololo hutumba pundju. Antu wa kolo wambudinga untu ololo; Diako mbatutumbaka sambu kʼololo kolo.

⁵Nyendi lʼatei a wedja, nyushishimi, nyambi wulu. Dimi latukambaka ulimu lu nshi yanyu, Wahanyalangi mbetawo kuyanga mbanyutelawo.[1]

⁶Enda, dimi lambunyia asi Kaladiya,[2] Wudja uku wa ngala ndu watudjaka luwangu; Dia vo ntenanya kete lu wuki ayo, La dia vo nkita adjaselu weli kema wawo.

⁷Vo weli mamba ndu woma. Elumbwelu kawo la diulelu diawo watuyakaka uma le wo vame.

⁸Ndu falasa yawo ndeka koi luwangu, Ndu ndeka ndjaundu ya dikolo ngala. Ambahemi awo wa falasa watokendakendaka lʼutaku. Ambahemi wa falasa ako watuyakaka uma lʼetali. Vo watufumboka uku pungu katasamanya dia ntole.

⁹Vo tshe watuyakaka dia ndjutsha akambu wa ngala, Watediyaka dundji diawo utsha la ntundu. Vo watusanganyaka fumbi uku losenga.

¹⁰Vo watosokaka khumi ya dikanga, La ewandji weli engo ka tola le wo. Vo watolaka wembe wa ta tshe, Ne dia vo watomotshaka ditshu, watudiosaka.

¹¹Ku vo wayeta leko esadi uku lopepe, wayuyala la unungu. Wulu awo weli etemolatemola kawo!

¹²Aha we keli lʼEkila lami, Latuyalaka, Unyashungu ami, Umaka mombokombola? Shu hatuvo. Latuyalaka, we akadjanga dia mbalumbuya. We, Dive, akashikike dia mbasuya.

¹³We kanga ashu wa Dudipudi kuleki Dia menda kolo, uheyi menda kolo. Dikambu kuna diatuyendaka wane watutshaka lakesu, Diatuyolembohalaka ki lamʼatomenaka Untu a kolo untu luleki ololo?

¹⁴Dikambu kuna diatuyeteka antu uku nsi ya lu ashi a waki, Uku diango diayakutula dieli kema la umbuledi?

¹⁵Vo watuwandaka, vo tshe la yodi; Vo watuwandaka lʼotei awo; Vo watuwandaka la dingoi diawo. Okone vo watuyalaka la ongenongeno, Watongenangenaka otekoya.

¹⁶Diako mbatuwulambulaka otei awo ulambu, Mbatuwushumbelaka dingoi diawo malashi, Ne dia uma loko katuweaaka olo, Katuyalaka ma diawo dimena efula.

¹⁷Undi, vo wayutetemala mombola otei awo, La ndjakaka wedja tena tshe udiakadiaka?