Read tetala Zekariya 11 Bible Online

Zekariya 11 - tetala bible

Zekariya 11

¹Lebanona, udihuli asuku aye Dia dja ntshumba esasi aye.

²Utamba a woto li!, uleli, ne dia usasi wamboko, Ndu ne dia etamba wʼamena wambulanyema. Elungu wa la Bashana li! nyuleli, Ne dia ukunda a wulu wambunyukwama.

³Tukuku tʼalelu tʼalami wʼekoko toso! Ne dia lutumbu lawo lambulanyema. Dikita dia esongo wa tambwe so! Ne dia utaku wa Jorodana wambukitshakitehama.

⁴Latuyalaka, Unyashungu ami, kata ati: Ulesha limba lʼekoko wakasonwama dia ndjakema.

⁵Wane watesumbaka, wetediakaka aha la unungu; wane watesundjaka, watutaka vati: Latuyalaka atumbwami! ne dia shu tambuyala akanga wʼengonyi; alami awo hita, hawuweuki ketshi.

⁶Dimi haluka wane wudjashi lu kete ku ketshi ntu, mbata Latuyalaka. Dimi layukimo untu lʼuntu lu lunya la unyandi, lu lunya la khumʼekanga kandi. Vo wayulanya kete, keli dimi haluwatshungula nduku otoi uma lʼanya awo.

⁷Osoku dimi lakalesha limba lʼekoko wakasonwama dia ndjakema, mete ekoko weli la pa wa lʼatei a limba. Dimi lakose alanga ahendi: lakole dimotshi nti: Ngandji ka Mamba, la dikina nti: Kame. Ku dimi lakalesha limba lʼekoko.

⁸Lu ngondo otoi, dimi lakadiaki alami wʼekoko asatu, ne dia utema ami aki la uhasuhasu dikambu diawo; ndu etema awo wakampetsha.

⁹Ku dimi lakati nti: Dimi haluyala ulami anyu: one wahumba mvo, wavu; one wahumba ndjakema, wadiakemi; ndu ene wambutshikala, okoko lʼokoko ali umunyi wa unyandi.

¹⁰Dimi lakose danga diami “Ngandji ka Mamba”, lakadiokola tenyi pendi, dia dimi nanya sheki yami, yakamadji la wedja tshe.

¹¹Dio diakokwama lu lushi lako; ku amenyi fone wa lu limba lʼekoko watumambalaka, wambulimbitela vati: Dio diaki diui dia Latuyalaka.

¹²Dimi lakawatela nti: Naka nyu nangaka, nyumbisha difutu diami; keli naka kema, nyukimeli. Ku wakambisha difutu diami toshekele ta fesa akumi asatu.

¹³Latuyalaka akamvutela ati: Utudji lu eumbelu — ushinga wʼololo wakamafutama uma le wo. Ku dma lakose toshekele ta fesa akumi asatu,[25] lakatudji lu eumbelu, lu luudu la Latuyalaka.

¹⁴Ku dimi lakokola danga diami dikina “Kame”, dia dimi mpimbula uwuto lʼasa Juda la Isariyele.

¹⁵Latuyalaka akamvutela ati: Umosa dihumo diʼulami wʼekoko wʼenginya.

¹⁶Ulungi, dimi layutundja ulami wʼekoko omotshi la kete, lahenda wako wambudiakema, kuyanga nyanga wako wakahandiwama, kana nkonoya ene wambuhumo, kuyanga ndesha ene weli la wulu. Keli ndi ayole emunyi wʼekoko weli la wata; ayatshatsha sanga yawo betshi betshi.

¹⁷Mananu kayali le ulami wʼekoko wʼanyanya Latutshikaka limba lʼekoko. Yombo yakote lunya landi, Ndu yakote su diandi dia lunya la pami. Lunya landi lumi tu, Su diandi dia lu lunya la pami diayali tshungu tshu.