Read tetala Zekariya 13 Bible Online

Zekariya 13 - tetala bible

Zekariya 13

¹Lu lushi loso, ushima wayuyala hwe ne dia khumbu ka Davidi, ndu dia asi Jerusalema mbaedia uma lu kolo ndu uma lu mindu.

²Latuyalaka Kanga lulimbilimbi kata ati: Lushi lako, dimi layunya kumbu ya dikishi uma lu kete, diaha yo mbuhwama ntu. Dimi layunya ndu amvutshi la odienge uma lu kete.

³Naka untu omotshi ayumuta akambu wahatayi, ku shi la nyangu, wane wakawuti, wayuwutela vati: We huyala la lulumbi! ne dia ve mvutaka aui wa kashi lu lukumbu la Latuyalaka. Shi la nyangu, wane wakawuti, wayutundutunduya dihumo lamʼatandi akambu wahatayi.

⁴Lushi lako, lamʼayuta amvutshi akambu wahatayi, untu lʼuntu ayutshama sonyi diʼenelo kandi. Vo hawolota akoti wa diosa ntu dia nkesa antu.

⁵Keli untu lʼuntu ayuta ati: Dimi kema umvutshi, ukambi wʼekambo mbemi, ne dia dimi leli kangayo umaka nshi yami ya dikenda.

⁶Naka untu omotshi ayuwumbula ati: Na puta ku yeli lu anya aye? Ku ndi ayukaluya diui ati: Yo yeli puta yakamahumo lu luudu lʼengenyi ami.

⁷Yombo, emo dia ndo lʼulami ami wʼekoko, Dia ndo lʼuntu lemadi lasuki la mi! Mbata Latuyalaka Kanga lulimbilimbi. Udiaki ulami wʼekoko, dia ekoko mpandjwama.[27] Dimi layusimbula lunya lami, Dia ndo la wane wuleki tshitshe.

⁸Latuyalaka kata ati: Lu kete tshe, Tenyi pendi dia satu diayudiakema, diayushila ushiki, Keli etenyi otoi ka satu kayutshikala la lumu.

⁹Dimi layudja etenyi otoi ka satu lu dja, Layuwaedia uku atuwediaka fesa. Dimi layahimba uku atuwuhimbaka paunyi. Vo wayetaka lukumbu lami, ku dimi layuwaukelaka. Dimi layutaka nti: Vo weko wudja ami! Ku vo wayutaka vati: Latuyalaka keli Unyashungu asu!