Read tetala Zekariya 3 Bible Online

Zekariya 3 - tetala bible

Zekariya 3

¹Ndi akamenya Jashua, olombedi a ladiku,[4] lakemadi la ntundu ka ondjelo wa Latuyalaka, la Satana emadi lu lunya landi la pami dia mbulunda.[5]

²Latuyalaka akatela Satana ati: Satana, Latuyalaka akuhangweli![6] Latuyalaka, lakasonola Jerusalema, akuhangweli: Undi, untu one aha efuki kakatumbi uma lu dja kendi?

³Laso ku Jashua emadi la ntundu ka ondjelo, olotshi ahondo wa mindu.

⁴Ondjelo akahula diui, akatela wane wakemadi la ntundu kandi ati: Nyukululi ahondo aku wa mindu. Ku ndi akatela Jashua ati: Ulungi, dimi lambukunyia kolo kaye. Dimi layukolotsha eloto wʼushinga a wulu.

⁵Dimi lakati nti: Wulimbe; lufula la pudipudi lʼolombedi lʼote andi Osoku vo wakulimbe lufula la pudipudi lʼolombedi lʼote andi, wakolotsha ahondo. Ondjelo wa Latuyalaka akemadi leko.

⁶Ondjelo wa Latuyalaka akakokomiya Jashua ati:

⁷Latuyalaka Kanga lulimbilimbi kata ati: Naka we ayokendakendaka lu mbuka yami, ndu naka we ayulama okende ami, ku we ayulumbuya wa lu luudu lami, ndu we ayuyala la okende am Dimi layukusha wulu wa we memala lʼatei a wane wemadi leko.

⁸Kakiane we Jashua, olombedi a ladiku, ulungi we la engenyi aye wudjashi la ntundu kaye, ne dia vo weko djimbitelu yʼololo. Ulungi, dimi layela ukambi ami Lukuno.[7]

⁹Nyendi dive diʼushinga a wulu, diakamakitsha la ntundu ka Jashua, ashu esambeli weko lu dive diako diame. Dimi layufunda efundelu kadio, ndu dimi layunya kolo ka kete nye lushi lame, mbata Latuyalaka Kanga lulimbilimbi.

¹⁰Lushi lako, nyu nyayetama untu lʼuntu la unyandi la tshina dia okodi wa vinyo, ndu la tshina diʼutamba wa fingu,[8] mbata Latuyalaka Kanga lulimbilimbi.