Read tetala Malaki 3 Bible Online

Malaki 3 - tetala bible

Malaki 3

¹Enda, dimi lambutuma dikendji diami. Ndi ayolongosola mbuka la ntundu kami.[6] Khumadiondjo latunyuyangaka, ayuya shashimuya lu etemwelo kandi. Nyendi, dikendji dia sheki yatunyulangaka ambuya, mbata Latuyalaka Kanga lulimbilimbi.

²Keli untu akona ayeya mbidjase lu lushi lʼeyelu kandi? Ndu akona ayemala lamʼayundene?[7] Ne dia ndi eko uku dja yʼombedishi a mbulu, ndu uku umandja wʼusudi wʼahondo,

³ndi ayudjase uku ondelodi, la ombedishi wa fesa. Ndi ayedia ana apami wa Lewi, ayalelola uku paunyi la fesa. Okone vo wayulambula Latuyalaka elambu wʼololo.

⁴Ku ulambu wa Juda la Jerusalema wayongenyangenya Latuyalaka uku lu nshi ya ntundu, lu deku diʼedjedja.

⁵Dimi layusukana lasuki la nyu lu elumbwelu. Dimi layusamanya dia ndjala omenyi lu dikambu dia akanga wʼaloka, dia akanga wa munanyi, dia atshibi wa lu kashi, dia wane watukimelaka afutu wʼasi ulimu, watusuyaka wadi waki edu la ana wa ditshiki, dia wane watukadimulaka sambu kʼololo uma le ongendangenda, ndu wahatumbukaka woma, mbata Latuyalaka Kanga lulimbilimbi.

⁶Ne dia dimi, Latuyalaka, hatukadimoka, diako mbahanyalanyema, nyu ana wa Jakoba!

⁷Uma lu nshi ya washenyu, nyu nyaketola uma lu adjangu ami, aha mbalama. Nyukaluli uya le mi, ku dimi layukalula uya le nyu, mbata Latuyalaka Kanga lulimbilimbi. Keli nyu mumbulaka nyati: Ukundi ayutukalula?

⁸Undi, untu mbeyaka mvua Unyashungu? Keli nyu nyatumvuaka. Ku nyu mumbulaka nyati: Lu na akatakuvi? Lu tenyi dia dikumi la elambu.

⁹Nyu nyakasuyama la mananu, ne dia nyu nyatumvuaka, nyu wudja one tshe.

¹⁰Nyela tenyi dia dikumi tshe lu luudu lʼeumbelu,[8] dia mbu ya nde ndjala lu luudu lami. Nyumpimbi kakiane, mbata Latuyalaka Kanga lulimbilimbi, naka dimi halunyudihwela adidishi wa lʼulungu dia nyutshulwela otshoko, wuhu wahaweyi nkuka lu luudu.

¹¹Dimi layuhangwela undeshi lu dikambu dianyu, ku ndi hulanya elua wa kete yanyu. Kuyanga elua wa vinyo yanyu hawolololo uma lu dikambo dianyu, mbata Latuyalaka Kanga lulimbilimbi.

¹²Wedja tshe wayunyeta vati: Amenyi olo, ne dia nyu nyayuyala kete yʼongeno-ngeno, mbata Latuyalaka Kanga lulimbilimbi.

¹³Aui anyu wakayala wulu le mi, mbata Latuyalaka. Keli nyu mumbulaka nyati: Kakona kakatakoteketela?

¹⁴Nyu nyakati nyati: Eko anyanya dia ntemola Unyashungu. Waho akona weko, wakatahumbi nama okende andi, ndu wakatahumbi nkendakenda la ntundu ka Latuyalaka Kanga lulimbilimbi?

¹⁵Kakiane, shu tambeta akanga wʼutaku shati: Amenyi olo; wane watutshaka kolo wambediama; wane watuhimbaka Unyashungu wambuhanda.

¹⁶Ku wane wakuki Latuyalaka woma, wakatanela; Latuyalaka akahukama, akuki. Ku buku diʼeuhwelu diakafundama la ntundu kandi lu dikambu dia wane wakuki Latuyalaka woma, ndu waketawo lukumbu landi.

¹⁷Vo wayuyala wami, mbata Latuyalaka Kanga lulimbilimbi, wami hita lu lushi lamumolongosola. Dimi layuwaumba uku atumbaka untu onʼandi lukambela ulimu.

¹⁸Ku nyu nyayukalula ntu, nyayuyutshikitanya untu ololo la untu a kolo, one latotemolaka Unyashungu la one lahatotemolaka.