Read tetala Mateu 6 Bible Online

Mateu 6 - tetala bible

Mateu 6

¹Nyewo, tanyutshaki akambu anyu wʼololo la ntundu kʼantu dia menama le wo.[56] Ne dia naka nyu nyayutsha osoku, keti nyu hanyuyala la difutu le Shenyu leli lʼulungu.

²Okone lamʼashanyu antu diango la ketshi, tanyudaki pungi la ntundu kanyu, uku atutshaka akanga a lukesu lu temwelo la lu esese, wambulungulaka difutu diawo.

³Keli we, lamʼashaye antu diango la ketshi, lunya laye la lomoso taleyaki okone wutshi lunya laye la lupami.

⁴Okone ushaki antu diango la ketshi lu usheshe. Ku Sho latenaka lu usheshe, ayukufuta.

⁵Lamʼayunyolomba, tanyuyalaki uku akanga a lukesu. Ne dia vo watulangaka nomba wemadi lu temwelo ndu lu asanga wʼesese, dia vo menama le antu.[57] Mete kanyutelami ndi: Vo wambulungulaka difutu diawo.

⁶Keli we, lamʼayuyolomba, oto lu luudu laye, udihi lukuki, olombe Sho leli lu usheshe. Ku Sho latenaka lu usheshe, ayukufuta.

⁷Lamʼayunyolomba tanyufudiaki aui wʼanyanya lu alombelo anyu, uku atutshaka asi wedja. Ne dia vo watukanaka vati: Wayuwaukela ne dia efula kʼaui awo.

⁸Tanyuyalaki uku vo, ne dia Shenyu mbeyaka diango diahumbanyu la ntundu nyatolombe.

⁹Nyolombaki okone nyati: Shesu le lʼulungu, Lukumbu laye lalemiami.

¹⁰Diulelu diaye diayi. Lulangu laye latshami La kete uku atshamslo lʼulungu.

¹¹Utusha mbu ya nde ya la lushi la lushi elo.

¹²Utudimanyia kolo yasu, Uku adimanyiyasu wane watutshela kolo.

¹³Tutukumiaki lu ehimba, Keli utushimbeli uma lu kolo, [58] Ne dia we keli kanga diulelu, Wulu la lutumbu pundju. Ayali osoku!

¹⁴Ne dia naka nyu nyambudimanyia antu kolo yawo, ndu Shenyu leli lʼulungu ayunyudimanyia.

¹⁵Keli naka nyu hanyudimanyia antu kolo yawo, keti nju Shenyu leli lʼulungu hunyudimanyia kolo yanyu.[59]

¹⁶Lamʼayunyukila mbu ya nde, tanyulingalingaki uku akanga a lukesu. Ne dia vo watulanyaka dundiji diawo dia menama le antu, ati: Mbu ya nde mbukatiwo. Mete kanyutelami ndi: Vo wambulungulaka difutu diawo.

¹⁷Keli we lamʼayuyukila mbu ya nde, ukati iso lʼote, otsha elundiji;

¹⁸dia antu tawukenaki gati: Mbu ya nde mbukidiye, keli Sho leli lu u sheshe, ayukena. Ku Sho latenaka lu usheshe ayukufuta.

¹⁹Tanyuyaunibelaki dianga la kete, lene ukuki tumumbu la matadi dilanya,[60] lene ukuki evi mbula mvudu la diva.

²⁰Keli nyuyaumbeli diango lʼulungu, lene aheyi tumumbu kana matadi dilanya, lene aheyi evi mbula mvudu la diva.

²¹Ne dia lenʼeli diango diaye, kayuyala ndu utema aye.

²²Su dieli tala dia dimba. Okone naka su diaye dieko ololo, dimba diaye tshe diayulula too la usasi.

²³Keli naka su diaye dieko kolo, dimba diaye tshe diayulula too la udjima. Okone naka usasi weli lʼutema aye weko udjima, ndi efula kayuyala udjima li!

²⁴Nduku undi leya nkamuela ewandiji ehendi ulimu. Ne dia ndi ayuhetsha omotshi, avulanga ukina, kana ayekela omotshi, ayonyola ukina. Nyu hanyeyi nkambela Unyashungu la ukundiji ulimu.

²⁵Diako mbanyutelami ndi: Tanyuyakananyaki dia nyumu nyati: Ayutole na? kana, ayutono na? kana dia alimba anyu nyati: Ayutolota na: Lumu haluleki mbu ya nde? dimba hadiuleki ahondo?

²⁶Nyendi okone weli fudu ya lʼulungu, yo hayutuneka, hayutunaka, hayutumbaka diango lu apenge, keli Shenyu leli lʼulungu atuyileshaka. Nyu hanyuyilek ushinga a wilu uka?

²⁷Untu akona lʼatei anyu, lamʼayunduyakananya, ku ndi ayeya mbudia utali andi kubita otoi?

²⁸Ya ukundi ayakananyanyu dia ahondo? Nyendi alembo wa lʼusui uku ulawo. Vo hawutukambaku ulimu kuyanga mtitsha ahondo.

²⁹Keli dimi lambunyutela ndi: Kuyanga Solomona lu lutumbu landi tshe[61] kondiota uku dembo dimotshi dia lʼatei awo.

³⁰Keli naka Unyashungu atolotshaka adiyu wa lʼusui, weli la lumu elo, ku lui wayukadjema lu atshuka wa dja, undi, ndi huleka nyolotsha nyu akanga a mbetawo ka tshitshe?

³¹Okone tanyuyakananyaki nyati: Ayutole na? kana, avutono na? kana, ayutolota na?

³²Ne dia asi wedja watuyangaka diango so tshe. Shenyu leli lʼulungu mbeyaka ati: Nyu dihumbaka dio tshe.

³³Keli ntundu nyutayangi diulelu la ololo wa Unyashungu, ku diango so tshe diayuyala dianyu.

³⁴Okone tanyuyakananyaki dia lui, ne dia lui ayuyakananya. Lushi la lushi leko la akambu alo.