Read tetala Euhwelu kʼElembe 24 Bible Online

Euhwelu kʼElembe 24 - tetala bible

Euhwelu kʼElembe 24

¹Naka pami ayosa umuntu dia mbutshuka, ku ndi hayongenangena umuntu ako, ne dia ndi ambuwushula la dikambu dimotshi dia sonyi, kufundeli mukanda wa ndjaka diwala,[128] kawushawo, kukaluya lakawo.

²Lamʼayundutumba uma lu luudu landi, ndi mbeyaka ntshukama le pami kekina.

³Naka umendi la hendi ambosela, ambufundela mukanda wa ndjaka diwala, ambuwushawo, la ambukaluya lakawo; kana naka umendi la lʼokongo lakawose wadi ambuvo

⁴umendi la ntundu lakukimo, tutshukaki ntu lʼokongo a ndi ambushila ndjala mindu. Dikambu diako dieko wononyi le Latuyalaka, tanyufutanyaki kete yakanyusha Latuyalaka, Unyashungu anyu, ukito.

⁵Lamʼayutshuka pami wadi lʼuyuyu, ndi tatshokaki lu ta kuyanga ndjala la okende wa dikambu dimotshi. Ndi katshikali lakawo eleku kʼutundu, kangenyangenyaki umuntu lambundutshuka.

⁶Untu tosaki etuli la ukanda, kuyanga ukanda utu okole, ne dia oso eli uku untu losa lumu la unyandi okole.

⁷Naka wayena untu lakavi onangu, usi Isariyele, la ndi ambulunga fumbi kana ambusundja, uvi ako ayudiakema.[129] Osoku mbayunyunya kolo uma lʼatei anyu.

⁸Kanyewoki kandji ka sudi. Kanyulamaki elembe tshe wayunyetshaka elombedi wʼasi Lewi lu dikambu diako. Kanyutshaki elembe tshe wakamawadjangela.[130]

⁹Kanyuhoki dikambu diakatshela Latuyalaka, Unyashungu anyu, Miriyama[131] lamʼakanyayayakaka lu mbuka uma lʼEdjibitu.

¹⁰Naka we ayosondja unyaye engo kemotshi, totoki lu luudu landi dia ntunda okole.

¹¹Kemali lʼandja, ku one lukuleye dibasa kakela okole lʼandja.

¹²Naka ndi eli usi wula, tulalaki la okole andi.

¹³Kukaluya okole andi lamʼayudja unya, dia ndi mbetama lu dihondo diandi la nkotshokola. Ku dikambu so diayuyala ololo la ntundu ka Latuyalaka, Unyashungu aye.[132]

¹⁴Tusuyaki usi ulimu leli usi wula la uhumbi usikanyu, kana ongendangenda wudjashi lu kete yanyu mbendi.

¹⁵Kufutaki difutu diandi la lushi la lushi ntundu ka unya atadji (ne dia ndi eko usi wula, ndu atukumbulaka dia dilungula); ne dia naka ndi ayukulelela le Latuyalaka, ku dikambu so diayuyala kolo le ye.[133]

¹⁶Tawudiakaki ambutshi lu dihuli diʼanʼawo, kuyanga ana lu dihuli dia ambutshi awo. Untu tshe ayudiakema ne dia kolo kandi ndame.[134]

¹⁷Tanyudimaki ongendangenda kana onʼetshiki sambu kʼololo, tanyosaki dihondo dia wadi aki udu okole.

¹⁸Kanyuhoki nyati: nyu nyaki fumbi lu Edjibitu, ku Latuyalaka, Unyashungu anyu, akanyutshungula. Diako mbamumunyudjangela dikambu ne.[135]

¹⁹Lamʼayuyunaka dinela lu ekambo kaye, naka we ambuhela ekanda kemotshi lu ekambo, tukalulaki latukiosa. To kayali ka ongendangenda, ka onʼetshiki, kana ka wadi aki udu, dia Latuyalaka, Unyashungu anyu, nyotshokola lu elimu wʼanya anyu.

²⁰Lamʼayuyunyinginya utamba aye wa mbeli, tokoholaki elua wambutshikala. Vo kawuyali wa ongendangenda, wa onʼetshiki, kana wa wadi aki udu.

²¹Lamʼayuyumba elua uma lʼekambo kaye, tokoholaki ene wambutshikala. Vo kawuyali wa ongendangenda, wa onʼetshiki, kana wa wadi aki udu.[136]

²²Kanyuhoki nyati: Nyu nyakifumbi lu kete ya Edjibitu. Diako mbamumunyudjangela dikambu ne.