Read tetala Euhwelu kʼElembe 27 Bible Online

Euhwelu kʼElembe 27 - tetala bible

Euhwelu kʼElembe 27

¹Mose la dihangamendi dia Isariyele wakatela antu vati: Kanyulamaki elembe tshe wamumunyudjela elo.

²Lamʼayunyuteho Jorodana utsha lu kete yambunyusha Latuyalaka, Unyashungu anyu, kanyeme ave a waki, kanyashinguli pembe.

³Kanyufundi aui tshe wʼolembe one ladiku diawo lushi layunyuteho dia nkuma lu kete yambunyusha Latuyalaka, Linyashungu anyu. Kete yuludi too lʼawele la usanga, uku akanyulaki Latuyalaka, Unyashungu a washenyu.

⁴Lamʼayunyuteho Jorodana, kanyeme ave aso wamumunyutela elo lʼLkungu a Ebala, kanyashinguli pembe.

⁵Kanyutuhikeli Latuyalaka, Unyashungu anvu, ediakelu kʼave leko, tanyakolongaki la luwulu.

⁶Kanyuhikeli Latuyalaka, Unyashungu anyu, ediakelu lʼave waha nkolonga.[146] Kanyulambuli Latuyalaka, Unyashungu anyu, elambu wa lutshumba loko.

⁷Kanyulambulaki elambu anyu wa ki, kanyolekaki leko, kanyongenangenaki la ntundu ka Latuyalaka, Unyashungu anyu.

⁸Kanyufundi aui tshe wʼolembe one lu ave la lononga.[147]

⁹Mose la elombedi wʼasi Lewi wakatela asi Isariyele tshe vati: Isariyele li, nyutali ki, nyuhuki atui! Elo, nyu nyambuyala antu wa Latuyalaka, Unyashungu anyu.

¹⁰Okone nyukitanyiaki aui wa Latuyalaka, Unyashungu anyu. Kanyutshaki elembe andi la adjangu andi wamumunyudjela elo.

¹¹Lushi lako, Mose akakokomiya antu ati:

¹²Lamʼayunyuteho Jorodana, antu ane: Simeyona, Lewi, Juda, Isakara, Josefu, la Bendjamina kawutemali lʼUkungu a Ngarizime, dia ntshokola wudja.[148]

¹³Ku Rubena, Ngada, Ashere, Zebuluna, Dane, la Nafetali, kawemali lʼUkungu a Ebala, dia mbidja mananu.

¹⁴Asi Lewi kawuteli asi Isariyele tshe la diui dia wulu kame vati:

¹⁵Mananu kayali le untu latsha ekishi ka losela kana ka lolelola,[149] engo ka wononyi le Latuyalaka, ulimu wʼanya wʼutshudi ku ndi nkikitsha lu dihuli dia usheshe. Ku wudja tshe wayukitshiya vati: Ayali osoku!

¹⁶Mananu kayali le one lonyola shi kuyanga nyangu![150] Ku wudja tshe wayukitshiya vati: Ayali osoku!

¹⁷Mananu kayali le one lasekola ulelu wa usukanyi andi![151] Ku wudja tshe wayukitshiya vati: Ayali osoku!

¹⁸Mananu kayali le one langanyia kanga tshungu uma lu mbuka![152] Ku wudja tshe wayukitshiya vati: Ayali osoku!

¹⁹Mananu kayali le one ladima ongendangenda, onʼetshiki, la wadi aki udu sambu kʼololo![153] Ku wudja tshe wayukitshiya vati: Ayali osoku!

²⁰Mananu kayali le one leyana la wadi a shi,[154] ne dia ndi ambena utakataka wa shi! Ku wudja tshe wayukitshiya vati: Ayali osoku!

²¹Mananu kayali le one leyana la nyama![155] Ku wudja tshe wayukitshiya vati: Avali osoku!

²²Mananu kayali le one leyana la kadiyendi,[156] lakuto la ndi shi otoi, kana nyangu otoi! Ku wudja tshe wayukitshiya vati: Ayali osoku!

²³Mananu kayali le one leyana la nyangu wadendi![157] Ku wudja tshe wayukitshiya vati: Ayali osoku!

²⁴Mananu kayali le one ladiaka unyandi lu usheshe. Ku wudja tshe wayukitshiya vati: Ayali osoku!

²⁵Mananu kayali le one lalungula weedi dia ndjaka untu laha la unungu! Ku wudja tshe wayukitshiya vati: Ayali osoku!

²⁶Mananu kayali le one lahakeketsha aui wʼolembe one, dia mbatshaka![158] Ku wudja tshe wayukitshiya vati: Ayali osoku!