Read tetala Joani 1 Bible Online

Joani 1 - tetala bible

Joani 1

¹Diui diaki lʼetatelu; Diui diaki kame la Unyashungu; Diui diaki Unyashungu.

²Dio diaki kame la Unyashungu lʼetatelu.

³Ndi kakatungi diango tshe; nduku engo kakatungama, kakindi kuntunga.

⁴Le ndi kaki lumu; lumu lako mbakayala yanyi yʼantu.

⁵Yanyi yatohetaka lu udjima, ku udjima kundjitshutsha.

⁶Untu omotshi akayi, lakatumama uma le Unyashungu, lukumbu landi Joani.[1]

⁷Ndi akayi uku omenyi, dia ndjumanya antu yanyi fundudia vo tshe wetawo diui diandi.

⁸Ndi taki yanyi, keli ndi akayi dia ndjumanya antu yanyi fundu.

⁹Yanyi ya mete yakiko, yatohetelaka untu tshe laya lʼandja.

¹⁰Ndi aki lʼandja; andja wakatungama uma le ndi, keli wa lʼandja kumbeya.

¹¹Ndi akayi le asikandi, keli asikandi knmbulungula.

¹²Ku ndi akasha wane wakulungula, ndu watetawoka lukumbu landi wulu wa vo ndjala ana wa Unyashungu;

¹³wane waki kumbuto uma lu dikila kana uma lu lulangu la dimba, kuyanga uma lu lulangu lʼuntu, keli uma lu lulangu la Unyashungu.

¹⁴Diui diakahilo untu, diakayala lʼatei asu, diakaluh la ngandji ka mamba la mete. Shu takenyi lutumbu landi; lo laki uku lutumbu lʼOna etoi lutwi uma le Shi. (

¹⁵Joani akayala omenyi lu dikambu diandi; akahangohango ati: Ndʼako kakamati nti: One layayi lʼokongo ami, keli la ntundu, ne dia ndi aki la ntundu kami.)

¹⁶Ku uma lu elulelu kandi, mbakatalungula ngandji ka mamba ladiku dia ngandji ka mamba, shu tshe.

¹⁷Ne dia elembe wakakimwama uma le Mose, ku ngandji ka mamba la mete wakayi uma le Jesu Kristu.

¹⁸Nduku untu lakenyi Unyashungu; tshikima Ona etoi, leli lu tulu ka Shi, kambuweyanya.

¹⁹Diui dia Joani ne. Lamʼakatumi asi Juda elombedi a waki la asi Lewi le ndi uma la Jerusalema, dia ntuwumbula vati: Wena?

²⁰Ku ndi aketawo, kumanguna; aketawo ati: Dimi kema Kristu.

²¹Vo wakawumbula vati: Ya we na? Elidja keye?[2] Ndi akati ati: Dimi laha ndi. Umvutshi mbeye?[3] Ndi akâkaluya diui ati: Kema.

²²Ku vo wakawumbula vati: Akona eye na? dia shu nkaluya diui le wane wakatutumi. Kayataye na?

²³Ndi akati ati: Dimi leko diui dia untu lahangohango lʼusui ati: Nyusimbuli mbuka ka Khumadiondjo! uku akati umvutshi Isaya.[4]

²⁴Wane wakatumama uma lʼatei wʼAfarise,

²⁵wakawumbula vati: Naka we oso aha Kristu, aha Elidja, aha umvutshi, ku ya ukundi atuyubatizaka?

²⁶Joani akâkaluya diui ati: Dimi latubatizaka lʼashi. Lʼatei anyu kemadi one lahanyeyi.

²⁷Ndi kayayi lʼokongo ami. Dimi kema ololo wukukimi nkelekula okodi a lusabata landi.

²⁸Akambu aso wakatshama la Betaniya la wedi wa Jorodana, lene akabatizaka Joani.

²⁹La wedi a pindju, Joani akenyi Jesu ayayi le ndi, akati ati: Nyendi Onʼa-Okoko a Unyashungu, latunyaka kolo ya wa la kete!

³⁰Ndi kakamataka nti: One layayi lʼokongo ami, keli la ntundu kami, ne dia ndi aki la ntundu kami.

³¹Dimi kumbeya, keli ne dia mbeyanya le Isariyele, dikambu so mbakamayi, mbabatizami lʼashi.

³²Joani akati ati: Dimi lakenyi Nyuma ayahulo uma lʼulungu uku fudu ka inga, ku to kakawahema.

³³Dimi kumbeya. Keli lakantumi dia ndjubatiza lʼashi, kakamvutela ati: Untu tshe layuyena Nyuma ayahulo le ndi, la ambutshikala le ndi, ndi katubatizaka la Nyuma kʼOlolo.

³⁴Dimi lakenyi dikambu so, ku lakasanyia antu nti: Onʼa Unyashungu one.

³⁵Ntu, la wedi a pindju, Joani akemala ndi la ambeki andi ahendi.

³⁶Ndi akendi Jesu tee lamʼakandatakendakendaka, akati ati: Nyendi Onʼa Okoko a Unyashungu!

³⁷Ambeki ako ahendi wakawuki ateketa, wakayeli Jesu.

³⁸Jesu akasikiso, akawaenyi wayuyeli, akawambula ati: Ayanganyu na? Ku vo wakawumbula vati: Rabi (nkadimula ati: Umbetsha), lendi uhangiye na?

³⁹Ndi akawatela ati: Nyuyi, nyayena. Ku vo wakatshu, wakenyi lene akandahangi. Vo wakahangi la ndi lushi loso, unya aki lasuki lʼeshidi enei wa dikolo.

⁴⁰Lʼatei wʼahendi wakuki Joani ateketa, ndu wakuyeli, omotshi aki Andere, onangu Simona Petero.

⁴¹Ndi akatayangi Simona onangu, akawutela ati: Tambena Mesiya (nkadimula ati: Kristu).

⁴²Ndi akayi la ndi le Jesu. Jesu akawendi, akati ati: We eli Simona, onʼa Joani. Wayuketa Kefasi (nkadimula ati: Petero).

⁴³La wedi a pindju, Jesu akayangi ntsho la Ngalili. Ndi akenyi Filipo, akawutela ati: Undjeli.

⁴⁴Filipo aki usi Betesayida, usumba wa Andere la Petero.

⁴⁵Filipo akenyi Natanyele. Ndi akawutela ati: Tambena one lakafundi Mose lu elembe ndu amvutshi, Jesu yʼusi Nazareta, onʼa Josefu.

⁴⁶Ku Natanyele akawumbula ati: Engo kʼololo mbeyaka ndja uma la Nazareta uka? Filipo akawutela ati: Yaka yendi.

⁴⁷Jesu akenyi Natanyele ayayi le ndi, akati dikambu diandi ati: Enda, usi Isariyele mete, laha la lukesu!

⁴⁸Natanyele akawumbula ati Uma lendi akayambeyi na? Jesu akûkaluya diui ati: La ntundu ka Filipo ataketi, lamʼakiye la tshina dia utamba a fingu, dimi lakakenyi.

⁴⁹Natanyele akukiluya diui ati: Umbetsha, Onʼa Unyashungu keye! Khumʼekanga ka Isariyele keye!

⁵⁰Jesu akûkaluya diui ati: We ambetawo, ne dia diui diukutedimi nti: Lakakenyi la tshina diʼutamba a fingu? We ayena akambu wuleki ane.

⁵¹Ndi akawutela ati: Mete, mete, kanyutelami nti: Nyayena ulungu ambudihwama, la andjelo wa Unyashungu wambela la wahulo[5] ladiku dia Onʼa untu.