Read tetala Etsha wa Atumami 14 Bible Online

Etsha wa Atumami 14 - tetala bible

Etsha wa Atumami 14

¹Lamʼaki Paulu la Baranaba lʼIkoniyo, vo wakoto lʼetemwelo kʼasi Juda, ku vo wakati diui wuhu wakeyi ului a wuki wʼasi Juda la asi Ngirika mbetawo.

²Keli asi Juda, wane waki kumbetawo, wakatombosha etema wʼasi wedja dia vo mpetsha anyasu.

³Ku vo wakatshikala leko edja, wateketa la dihunga lu wulu wa Khumadiondjo, ako lakati diui dia ngandji kandi ka mamba, laketawo dia tulimbitelu la akambu wa mamba ntshama lʼanya awo.

⁴Keli asi usumba wakatana: amotshi lu leke lʼasi Juda, akina lu leke la atumami.

⁵Lamʼakasangana asi wedja la asi Juda la embuledi awo, dia mbatshela kolo, la dia mbauka ave,

⁶Paulu la Baranaba wakeyi dikambu diako. Ku vo wakalawo utsha la Lustera la Derebe, esumba wa Lukaoniya, la lʼutshimba a leke lako.

⁷Vo wakasambisha lukumu lʼololo leko.

⁸La Lustera kaki pami kemotshi, kanga ekulu wodu, nyangu akawuti ekhusi, konkendakendaka.

⁹Ndi akuki Paulu ateketa. Paulu akawendi tee. Lamʼakandenyi ati: Ndi ambetawo dia nkono,

¹⁰ndi akati la diui dia wulu ati: Emala too lʼekulu aye. Ku ndi akunela esadi, akakendakenda.

¹¹Lamʼa-kenyi antu akambu wakatshi Paulu, vo wakahangohango la diui dia wulu lʼoteketa wa Lukaoniya vati: Ditemolatemola diambutuhulwela lu difanelu diʼantu!

¹²Vo waketi Baranaba vati: Zeu;[107] ku Paulu vati: Hereme,[108] ne dia ndi aki oteketshi a wuki.

¹³Etemwelo ka Zeu kaki lʼeotwelo kʼusumba. Olombedi wa Zeu akela ngombe la alembo lu asuku; ndi la antu wakalangi mbadiakela nyama yako.

¹⁴Keli lamʼakuki atumami Bara naba la Paulu dikambu diako, vo wakati ahondo awo, wakalawo lʼatei wʼului wʼantu, watahangohangovati:

¹⁵Wayone, okoko wana wambunyutsha okone? Ndu shu mbeli antu, wakatungama uku nyu. Shu tambunyela lukumu lʼololo, dia nyu nkadimo uma lʼakambu ane wʼanyanya utsha le Unyashungu a lumu, lakatungi ulungu la kete ndu ashi a wuki la diango tshe dieli loko.

¹⁶Lu nshi yaketi, ndi akakimo wedja tshe dia Vo nkendakenda lu mbuka yawo.

¹⁷Keli ndi kundjatshika aha la djimbitelu, ne dia ndi akatshela ololo; akanyoloshiya mvula uma lʼulungu, la deku dia nludia mbu ya nde, akalutsha etema anyu la mbu ya nde la ongenongeno.

¹⁸Lʼaui aso mbakawahimbi uhimbahimba dia nshimba antu, diaha vo mbadiakela nyama.

¹⁹Asi Juda amotshi wakayi uma lʼAtiyoka la Ikoniyo, waketawuya antu, wakuki Paulu ave, wakukutula uma lʼusumba, wakana vati: Ndi ambuvo.

²⁰Keli lamʼakudingi ambeki, ndi aketo, akatshu lʼusumba. La wedi a pindju, ndi akatshu la Baranaba utsha la Derebe.

²¹Lamʼakawasambisha lukumu lʼololo lʼusumba ako, ndu lamʼakawete antu efula ambeki, vo wakakalula la Lustera, lʼIkoniyo ndu lʼAtiyoka.

²²Vo wakakikitsha etema wʼambeki, wakakokomiya dia ntshikala lu mbetawo, vati: Lʼatei wʼasui, kahumbasu mboto lu diulelu dia Unyashungu.

²³Lamʼakawasonwela dikumanyi lu ekelizia tshe, lamʼakawalombe ndu lamʼakawakili mbu ya nde, vo wakatshiki le Khumadiondjo, lakawetawo.

²⁴Vo waketi la Pisidiya, wakakumi la Pamufuliya.

²⁵Lamʼakawati diui la Perenga, vo wakatshu lʼAtaliya.

²⁶Uma leko, vo wakateho utsha lʼAtiyoka, lene akawakimwama lu ngandji ka mamba ka Unyashungu dia ulimu wakawashidiya.

²⁷Lamʼakawakumi, vo wakasanganya ekelizia, wakasanyia akambu tshe wakatshela Unyashungu, ndu okone akandadihwela asi wedja lukuki la mbetawo.

²⁸Ku vo wakatshikala la ambeki edja.