Read tetala Etsha wa Atumami 3 Bible Online

Etsha wa Atumami 3 - tetala bible

Etsha wa Atumami 3

¹Petero la Joani wakatatshokaka utsha lʼetemwelo lʼushidi wa dombelo, aki lʼeshidi esatu.

²Untu lakuto eldiusi aki leko. Antu wakawembaka, wakukitshaka la lushi la lushi lu suku dia etemwelo, diakawetaka vati: Dimena, dia ndi nombaka wane watotoka lʼetemwelo diango.

³Lamʼakandenyi Petero la Joani wayanga mboto lʼetemwelo, ndi akalombe engo.

⁴Petero akawendi tee, ndu Joani, wakati vati: Utendi.

⁵Ndi akawaukela, alungamela ati: Dimi layulungula engo.

⁶Keli Petero akati ati: Dimi kema la fesa kuyanga paunyi, keli layukusha keli la mi. Lu lukumbu la Jesu Kristu yʼusi Nazareta, okendekende.

⁷Ku ndi akukimeia lu lunya la pami, akawunyia. Kemʼedja, akaka andi la tokolongonyo tandi wakakikitala.

⁸Ndi akunela esadi, akemala, akatatela nkendakenda. Ndi akoto la wo lu etemwelo atakendakenda, atalimbolimbo, atandula Unyashungu.

⁹Antu tshe wakawenyi akendakenda, andula Unyashungu,

¹⁰wakaweyi vati: Ndʼone lakadjaseka alomba diango la Suku dia Dimena dia etemwelo. Vo wakatamanya mamba dia akambu wakawutshela.

¹¹Lamʼakamamema kanga ekhusi Petero la Joani, antu tshe wakakungutanela lu mbalasa, ketawo vati: Ka Solomona, wakambi efula.

¹²Lamʼakenyi Petero dikambu so, ndi akambula antu ati: Nyu asi Isariyele, okoko wana wambanyu dia dikambu ne? Okoko wana watendanyu tee okone, uku shu mbokendjikendjisha la wulu asu, kuyanga la ololo asu?

¹³Unyashungu wa Abarahama, wa Isaka, wa Jakoba, Unyashungu a watshesu,[20] ambutumbula ukambi andi Jesu; lakanyakimo, lakanyanguna lu ashu wa Pilata, lamʼakandasanguya mbutshungula.

¹⁴Keli nyu nyakatuni One lʼEkila la Ololo, nyakalombe undjakanyi dia vo nyushandi.[21]

¹⁵Nyu nyakadiaki Uwandji a lumu. Unyashungu akawulula uma lu nyoi. Shu teko emenyi wa dikambu diako.

¹⁶Uma lu mbetawo lukumbu landi, lukumbu landi lambukikitsha untu one lendanyu ndu leyanyu. Mete, mbetawo kʼuma le ndi kambuwusha wulu one tshe lu ashu anyu, nyu tshe.

¹⁷Anyasu, kakiane dimi mbeyaka nti: Nyu nyakatshi dikambu so ne dia nyu kudieya, uku akatshi ndu embuledi anyu.

¹⁸Okone Unyashungu akashidiya akambu wakandati lʼenyo wʼamvutshi tshe ati: Kristu kami ayusuwa.

¹⁹Okone nyukadimuli etema, nyusikiso dia kolo yanyu nyimanyiama, dia deku dia nyodia ndja uma la ntundu ka Khumadiondjo.

²⁰Ndi ayunyutumela Kristu lakandanyosonwela, Jesu ndame.

²¹Dieli la ndi dia ntshikala fulungu, edja ndu etena ka ekalwelu kʼakambu tshe wakati Unyashu ngu lʼenyo wʼamvutshi andi wʼekila waki umaka etatelu.

²²Mete kakati Mose ati: Khumadiondjo Unyashungu anyu ayunyia umvutshi uma lʼatei wʼanyanyu uku dimi. Kanyuwukeli lu akambu tshe wayundunyutela.[22]

²³Dikambu so diayuyala, dia untu tshe lahetawo umvutshi ako ndjakema lʼatei wʼantu.[23]

²⁴Mete, amvutshi tshe wakateketaka, uma le Samuele la wane wa! i lʼokongo andi, wakati dia nshi nye.

²⁵Tukanula mvutshi mbenyu, la ta sheki yakadjela Unyashungu watshenyu, lamʼakandatela Abarahama ati: Wedja tshe wa la kete wayotshokwama uma le tukanula taye.[24]

²⁶Unyashungu akulula ukambi andi, akanyutumelandi ntundu dia nyotshokola lamʼayundunyunya uma lu kolo yanyu.