Read tetala 1 Koreto 14 Bible Online

1 Koreto 14 - tetala bible

1 Koreto 14

¹Nyuyelaki ngandji; nyuleki mbuka eshasha wa Nyuma saki, djekaleka ku lu nsambisha.

²Ne dia one latoteketaka lolendo, ndi hateketa le antu, keli le Unjishungu, ne dia nduku untu luka diui diandi. Keli lu Nyuma, katundutaka akambu wushami.

³Keli untu lasambisha antu lʼoteketa weyawo, atutelaka antu akambu wa mbaudia, wa mbakikitsha, la wa mbasamba.

⁴Untu latoteketaka lolendo, ambuyaudia. Keli one lasambisha antu lʼoteketa weyawo, ambudia ekelizia.

⁵Dimi nangaka nyu tshe nteketaka lolendo, keli lambuleka nanga nyu nsambisha antu lʼoteketa weyawo. Untu lasambisha antu lʼoteketa weyawo, ambuleka untu latoteketaka lolendo wuiti, tshikima ndi kukadimudi aui, ne dia ekelizia wudiami.

⁶Anyasu, naka dimi layuya le nyu lateketa lolendo, waho akona wayumunyukundjiya, naka dimi halateketa la nyu dia eshwelu, kana ewu, kana esambishelu, kana wetshelu?

⁷Ndu diango diaha la lumu, kana pungi kana losese, lamʼateketawo, naka vo hawutshikitanya oteketa, ukundi weya untu oteketa awo?

⁸Naka pungi ayudama la diui diaheyama, untu akona ayuyalongosola dia ndo ta?

⁹Okone ndu nyu, naka nyu hanyoteketa wukawo esadi, ukundi wayeya antu akambu watanyu? Ne dia nyu nyayoteketa la lopepe.

¹⁰Lʼatei wʼeteketa tshe weli la kete, nduku otoi weko, waha la kitshimudi yandi.

¹¹Okone, naka dimi haleyi kitshimudi yʼoteketa, ku layuyala uku osendji le untu lateketa; la untu lateketa ayuyala uku osendji le mi.

¹²Okone ndu nyu, amangamedi a eshasha wa Nyuma, nyutamanya nyanga mbudia ekelizia.

¹³Okone one latoteketaka lolendo, alombe dia nui nkadimula aui.

¹⁴Naka dimi layolomba lu lolendo, utema ami ambolomba, keli yimba yami hayoto elua.

¹⁵Kayumutsha? Dimi layolomba lʼutema, layolomba ndu lu yimba. Dimi layimba limbu lʼutema, layimba ndu lu yimba.

¹⁶Dikambu dikina, naka we ayotshokola lʼutema utu, ukundi ayuta untu lahuki ati: Ayali osoku! lu etshokwelo kaye, lamʼahandeyi okone wataye?

¹⁷Mete, we ambuka lusaka ololo, keli untu ukina hudiama.

¹⁸Dimi lambuka Unyashungu lusaka, ne dia lambunyuleka tshe nteketa lolendo.

¹⁹Keli le ekelizia, dimi nangaka nteketa aui atanu la yimba yami dia dimi ndakanya akina, ambuleka nteketa aui nunu dikumi lu lolendo ololo.

²⁰Anyasu, tanyuyalaki uku akenda lu yimba. Nyuyali uku ana wʼashashi lu kolo, keli nyuyali uku dikumanyi lu yimba.

²¹Ambufundama lu elembe ati; Layoteketa le antu ane lu eteketa wʼantu wahaweyi, la lu enyo wʼantu wʼangendangenda; kuyanga osoku, vo hawumbukela, mbata Khumadiondjo.[60]

²²Okone nendo yaha uku djimbitelu le embetawudi, paka le wane wahetawo. Keli esambishelu keli djimbitelu le embetawudi, aha le wane wahetawo.

²³Okone, naka ekelizia tshe wambusangana kame, la tshe wamboteketa nendo, naka antu wayoto waheyi, kana waha embetawudi, vo hawuti vati: Akanga wʼaladi mbenyu uka?

²⁴Keli naka vo tshe wambusambisha, ku lamʼayoto untu laha umbetawudi, kana laheyi, ndi ayutshumwama, ayulumbuyama le wo tshe.

²⁵Akambu wushami lʼutema andi, wayusho, ku ndi ayukhusama, ayotemola Unyashungu; ayuta ati: Unyashungu eko lʼatei anyu mete.

²⁶Ya ukundi, anyasu? Lamʼayunyusangana kame, untu lʼuntu eko la usambu, kana wetshelu, kana enyelo, kana lolendo, kana ekadimwelu ka lolendo. Akambu tshe watshami dia mbudia antu.

²⁷Naka untu ayoteketa lolendo, ololo ahendi, ahendi watekete, talekaki asatu. Untu lʼuntu katekete lʼetena kandi, ku untu omotshi ayukadimula.

²⁸Keli lamʼayuyala kema ukadimudi, ndi alembohali lʼatei wʼekelizia; ndi ayateketele, atekete le Unyashungu.

²⁹Amvutshi watekete kana ahendi ahendi, kana asatu asatu, akina washihudia.

³⁰Keli naka dikambu diambenyama le untu ludjashi loko, untu a ntundu alembohali.

³¹Ne dia nyu tshe mbeyaka mvutanela diui untu lʼuntu, dia nyu tshe mbeya, la dia nyu tshe nkikitshama.

³²Nyuma yʼamvutshi yambolembiama le amvutshi;

³³ne dia Unyashungu aha Unyashungu wa ufutanu, keli eko Unyashungu wa ki. Uku lu ekelizia tshe wʼekilami,

³⁴amantu walembohali lu ekelizia, ne dia hawetawoma dia vo nteketa, keli vo wakitshakitshami, uku wata ndu elembe.

³⁵Naka vo nangaka mbeya dikambu, wambuli waumewo lu ngelu yawo, ne dia eko dikambu dia sonyi dia umuntu nteketa lu ekelizia.

³⁶Ya ukundi? Uma le nyu mbakatshu diui dia Unyashungu? watshami la dimena ndu uluwanyi.

³⁷Naka untu omotshi ambuyakana ati: Umvutshi mbemi; kana ati: Kanga Nyuma kemi, ndi alimbiteli akambu wamumunyufundela nti: Vo weli uku olembe wa Khumadiondjo.

³⁸Keli naka untu heyi, ndi atshikali la heyi kandi.

³⁹Okone nyu anyami, nyuleki ndjala la saki ka nsambisha, tanyusikeki antu nteketa nendo.

⁴⁰Keli akambu tshe watshami la dimena ndu uluwanyi.