Read tetala 1 Koreto 8 Bible Online

1 Koreto 8 - tetala bible

1 Koreto 8

¹Kakiane, dimi lambunyutela dia diango dia nambula dikishi. Shu mbeyaka shati: Shu tshe teko la bewu. Ewu atutakuyaka untu, keli ngandji katuwudiaka.

²Naka untu omotshi nkanaka ati: Dimi lambeya dikambu dimotshi, keti ndi atadieyi uku ahumbandi dieya.

³Keli untu lalanga Unyashungu, untu oso ambeyama le ndi.

⁴Dia diango diakawalambula dikishi, shu mbeyaka shati: Nduku ekishi keli la eungelu ka mete, ndu nduku Unyashungu ukina weko, tshikima otoi.

⁵Diango dieko, dietawo vati: Ditemolatemola kana lʼulungu kana la kete — mete eko “ditemolatemola” ndu “khumadiondjo” efula —

⁶keli le su, eko Unyashungu otoi, Shesu lakatungi diango tshe, ndu shu, la Khumadiondjo otoi, Jesu Kristu. Diango tshe dieko uma le ndi, ndu shu teko uma le ndi.

⁷Kuku antu tshe haweyi dikambu so, keli amotshi watotemolaka dikishi edja ndu kakiane; watolekaka diango diakawalambula dikishi, ku khumʼutema ka wodu kambulanyema.

⁸Keli mbu ya nde hayutusukanya le Unyashungu. Naka shu hatuli, shu hatuleka ndjala kolo dikambu so; ndu naka shu tayole, shu hatuleka ndjala ololo dikambu so.

⁹Keli nyewo, ndjadjasela kanyu kene tayalaki utakanya le wane weli wodu.

¹⁰Naka one leli wodu ayukena, we kanga ewu, udjashi, ale diango lʼetemwelo kʼekishi; ku khumʼutema kandi hakikitala, dia nde diango diakawalambula dikishi uka?

¹¹Okone ne dia ewu kaye, one leli wodu uku ambulana, unyanyu uku lakavu Kristu dikambu diandi!

¹²Okone, lamʼayunyutshela anyanyu kolo, lamʼayunyuhuma khumʼetema yawo ya wodu, keti nyambutshela Kristu kolo.

¹³Okone naka mbu ya nde yayutakanya unyami, keti dimi handjole unatshi pundju, ne dia dimi ntukutakanya unyami.