Read tetala 2 Koreto 13 Bible Online

2 Koreto 13 - tetala bible

2 Koreto 13

¹Etena ka satu kene kayamayi uya le nyu. Diui tshe diayushikikala lʼenyo wʼemenyi ehendi kana esatu.[36]

²Dimi lakanyutela ntundu, ndu lambunyutela kakiane, uku lamʼakimi laawo lʼetena ka hendi, kakiane lamʼahami laawo, lambutela wane wakatshi kolo la ntundu, ndu akina tshe, nti: Naka dimi layuya ntu, haluwauka ketshi.

³Ne dia nyu nyambuyanga djimbitelu ya dikambu dia Kristu, one lateketa lʼutema ami; one laha wodu le nyu, keli ndi eko la wulu lʼetema anyu.

⁴Ne dia ndi akadiakema lu utamba a mpeketanya lu wodu, keli ndi eko la lumu uma lu wulu a Unyashungu. Shiu teko la ndi weodu, keli shu tayuyala la lumu kame la ndi uma lu wulu a Unyashungu le nyu.

⁵Nyuyaunganeli nyame, kana nyu la mbetawo; nyuyaediki nyame. Nyame hanyeyi nyati: Jesu Kristu eko lʼetema anyu? Naka kema, keti anyanya mbenyu.

⁶Keli dimi lambulungamela nti: Nyu nyayeya nyati Shu kema anyanya.

⁷Shu tambolomba Unyashungu shati: Nyu tanyutshaki dikambu dia kolo. Aha ne dia shu ndjala uku wane wetawonyu, keli dia nyu ntsha akambu wʼamena, kuyanga shu tayuyala uku antu wʼanyanya.

⁸Ne dia shu kema la wulu a ntsha dikambu diutshikitanyi la akambu wa mete, paka dia mbudia akambu wa mete.

⁹Shu tambongenangena lamʼesu la wodu, la lamʼenyu la wulu. Shu tambunyolombela ndu dikambu so, dia nyu ndjala ololo tshe.

¹⁰Dia dikambu so mbafundami akambu ane lamʼahami laawo, ne dia dimi ntukuyala la dikambu dia nyutshela la ngala lamʼayumuyala la nyu, uku wulu wakambisha Khumadiondjo dia nyudia, aha dia nyuhandjula.

¹¹Lu ndjihelu, anyasu, moyo. Nyuyali ololo tshe; nyukikitshami; nyuyali la kanyi otoi; nyudjase ki. Ku Unyashungu a ngandji la ki ayuyala la nyu.

¹²Nyushani moyo la ononanelu wʼekila.

¹³Ekilami tshe wambunyutela moyo.

¹⁴Ngandji ka mamba ka Khumadiondjo Jesu Kristu, la ngandji ka Unyashungu, la ekesanelu ka Nyuma kʼOlolo, wayali la nyu tshe!