Read tetala 2 Koreto 4 Bible Online

2 Koreto 4 - tetala bible

2 Koreto 4

¹Okone, dia shu ndjala la ulimu one wʼuma lu ketshi ka Unyashungu, shu hatuheko.

²Keli shu tambutuna akambu wushami wa sonyi, shu hatutshi lu akambu wa doho, kana hatukesi antu la diui dia Unyashungu, keli tambushula akambu wa mete. Okone tambuyaenyanya le khumʼutema kʼuntu lʼuntu lu ashu a Unyashungu.

³Naka lukumu lʼololo lasu leli la dihondo diʼekumbamelu, lo lambukumbama paka le wane washisho.

⁴Etemolatemola ka la kete nye ambete waku wahetawo uku tutshungu lu tukanyi tawo, ne dia usasi a lukumu lʼololo la lutumbu la Kristu, leli efanelu ka Unyashungu tawahetelaki.

⁵Ne dia shu hatuyasambisha, keli shu tambusambisha Kristu Jesu uku Khumadiondjo, la shu shame uku ekambi anyu lu dikambu dia Jesu.

⁶Ne dia Unyashungu akati ati: Usasi wayoheta uma lu udjima,[11] vo wamboheta lʼetema asu, ne dia ntusha usasi wa mbeya lutumbu la Unyashungu lʼelundji ka Jesu.

⁷Keli shu teko la diango ne dia mumba lu dikitshelu dia kete, ne dia wuki a wulu utamanya ayali uma le Unyashungu, aha uma le su shame.

⁸Shu tabusuyama lu beke tshe, keli tatahinama; tambukanana, keli tataheko;

⁹tambusuyama, keli tatasekama; tambumbama la kete, keli tatadiakema.

¹⁰Nshi tshe, shu tatembaka djimbitelu va nyoi ka Jesu lu dimba, ne dia lumu la Jesu lenami lu alimba asu.

¹¹Ne dia shu wane weli la lumu, tatukimomaka dia mvo lu dikambu dia Jesu, ne dia lumu la Jesu lenami lʼalimba asu wa nyoi.

¹²Okone nyoi ambukamba ulimu lʼatei asu, keli lumu lʼatei anyu.

¹³Keli shu teko la utema a mbetawo kame, uku diui diakafundama ati: Dimi laketawo, okone mbakamateketa,[12] ndu shu tambetawo, okone ndu shu tamboteketa;

¹⁴ne dia shu mbeyaka shati: One lakulula Khumadiondjo Jesu ayutulula ndu shu kame la Jesu, ayutemadia kame la nyu la ntundu kandi.

¹⁵Ne dia akambu tshe weko dikambu dianyu, ne dia ngandji ka mamba kafuli le antu wuleki efula, la eukelu ka lusaka afuli utsha lu lutumbu la Unyashungu.

¹⁶Okone shu hatuheko. Keli kuyanga dimba diasu diatuvokaka, utema asu atuyalaka uyuyu la lushi la lushi.

¹⁷Ne dia asui asu wa tshitshe wa kakiane wambutamanya ntutungela lutumbu la wuki pundju.

¹⁸Ne dia shu hatendi diango dienama, tatendaka diango diahenama, ne dia diango dienama dieko dia kakiane, keli diango diahenama dieli pundju.