Read tetala Ngalatiya 4 Bible Online

Ngalatiya 4 - tetala bible

Ngalatiya 4

¹Dimi lambuta nti: Lamʼeki ukito dikenda, ndi hatshikitana la fumbi, kuyanga uwandji a diango tshe mbendi;

²keli ndi eli lʼokongo wʼalami la ekimanyidi edja ndu lushi lakasonola shi.

³Okone ndu shu lamʼekisu akenda, taki fumbi la tshina dia diango dia ntundu dia lʼandja.

⁴Keli lamʼakakuki yediko ya nshi, Unyashungu akatumi Onʼandi lakuto uma le umuntu, lakuto la tshina diʼelembe,

⁵ne dia ndi ntshungula waku waki la tshina diʼelembe, dia shu nungula ukito wa ana wa luta.

⁶Ne dia ana wa luta mbenyu, Unyashungu akatumi Nyuma ka Onʼandi lʼetema asu, ata ati: Aba, Shesu.

⁷Okone we kema fumbi ntu, ona a luta keye. Naka ona a luta keye, keti ukito mbeye lu dikambu dia Unyashungu.[20]

⁸Keli lʼetena keku nyu kumbeya Unyashungu, nyaki uku fumbi ya diango diaha ditemolatemola.

⁹Keli kakiane nyu nyambeya Unyashungu, la nyambeyama le Unyashungu. Ya ukundi akalulanyu ntu lu ditshelu dia wodu la diʼanyanya? Ukundi alanganyu ndjala fumbi ya ditshelu diku ntu?

¹⁰Nyu nyatuhoka nshi, ngondo, enonyi, ndu deku.

¹¹Dimi lambuka woma nti: Lakanyutshela ulimu utshelatshela undu.

¹²Anyasu, dimi lambunyosengasenga nti: Nyuyali uku dimi, ne dia dimi lambuyala uku nyu. Nyu kuntshelami kolo.

¹³Keli nyu mbeyaka nyati: Ne dia hemo ka dimba, mbakamanyusambisha lukumu lʼololo etena ka ntundu.

¹⁴Nyu koraonyolami, kuntuna engo kaki uhimba le nyu lu dimba diami, keli nyu nyakanungula uku dikendji dia Unyashungu, ndu uku Kristu Jesu.

¹⁵Lendʼeli ongenongeno anyu? Dimi omenyi a dikambu ne nti: Utunduyala nyakeyi ntsha osoku, tshiki nyakakundulu ashu anyu dia mbishami.

¹⁶Okone dimi lainbuyala utunyi anyu, ne dia lakanyutela aui wa mete uka?

¹⁷Vo wambunyuyanga lʼukalanganu, keli aha dia nyutshela ololo. Mete, vo nangaka nyushimba, dia nyu mbayanga lʼukalanganu.

¹⁸Keli eko ololo dia vo nyuyanga lu dikambu diʼololo tena tshe, aha paka lamʼemi la nyu atu.

¹⁹Anʼami wa tshitshe, dimi lambutata lono dikambu dianyu, edja ndu lamʼayuya Kristu lʼetema anyu.

²⁰Keli dimi lakalangi ndjala la nyu etena kene, dia dimi nkadimula diui diami; ne dia lambukanana dia dikambu dianyu.

²¹Nyumvuteli nyu wane walanga ndjala la tshina diʼelembe, nyu hanyuki elembe uka?

²²Ne dia ambufundama ati: Abarahama aki la ana apami ahendi, omotshi uma le ukambi a umuntu,[21] ukina uma le umuntu luyadjasedi.[22]

²³Keli onʼa ukambi a umuntu akutama uku wutama ana tshe; keli onʼa umuntu luyadjasedi akutama uma lu daka.

²⁴Akambu ane weko uku wela, ne dia amantu aso weli uku tuseki tuhendi. Omotshi uma lu Ukungu wa Sinai atutaka ana lu fumbi. Ndi eli Hangara.

²⁵Hangara keli Ukungu a Sinai lu Arabiya. Ndi nfanaka la Jerusalema ya kakiane, ne dia ndi eko lu fumbi kame la anʼandi.

²⁶Keli Jerusalema ya lʼulungu yuyadjasedi, yeli uku nyengesu.

²⁷Ne dia ambufundama ati: Ongenengene we ekumba, lahuti ana; Uhangohango la dielu, we laha la lono la mbuta; Ne dia ana wa umuntu lakasekama, Wambuleka wa kanga umi efula.[23]

²⁸Anyasu, ana wa daka mbesu, uku aki Isaka.

²⁹Keli uku lu nshi ku, one lakuto uku wutama ana tshe akasuya one lakuto uma le Nyuma,[24] osoku mbedio ndu kakiane.

³⁰Keli, ata efundelu na? Ati: Nyutshanya ukambi a umuntu la onʼandi a pami; ne dia onʼa ukambi a umuntu hayala ukito kame la onʼa umuntu luyadjasedi.[25]

³¹Okone, anyasu, shu kema ana wa ukambi a umuntu, keli ana wa umuntu luyadjasedi.