Read tetala 1 Tesalonika 5 Bible Online

1 Tesalonika 5 - tetala bible

1 Tesalonika 5

¹Anyasu, lu dikambu dia tena la deku, nyu hanyuhumbi untu nyufundela.

²Ne dia nyame nyambushihudia ololo nyati: Lushi la Khumadiondjo layuya uku atuyakaka uvi lʼutshu.[10]

³Lamʼata antu vati: Eko ki la lutui tshitshi, ku elanyelu ka shashimuya kayuya le wo, uku atuyakaka lono le umuntu leli la diemi; vo hawuhanda nduku yema.

⁴Keli nyu, anyasu, nyaha lu udjima, okone lushi lako halunyutana uku uvi.

⁵Ne dia nyu tshe nyeko ana wa usasi, la wa yanyi. Shu taha wa utshu, kuyanga wa udjima.

⁶Okone tatulalaki djo uku akina, keli tosene, tuyali ki.

⁷Ne dia wane walala djo, watulalaka lʼutshu; la wane watudjoka, watudjoka lʼutshu.

⁸Keli shu, lamʼesu wa yanyi, tuyali ki, tolote engawo ka mbetawo la ngandji; tulimbe dembo dia kusu la elungamelu ka panda.[11]

⁹Ne dia Unyashungu kuntosonola dia ntusuya la kele, keli dia ntusha panda le Khumesu Jesu Kristu,

¹⁰lakatuvwela, ne dia shu ndjala kame la ndi, lamʼesu lu nsena, kana lamʼesu lu djo.

¹¹Okone nyukikitshanya, ndu nyudianya, uku watshanyu.

¹²Anyasu, tambunyosengasenga dia nyu mbeya wane watutshaka ulimu lʼatei anyu, weli ladiku dianyu le Khumadiondjo, watunyewulaka.

¹³Nyalemia otekoya la ngandji, dia ulimu watshawo. Nyuyali la ki, lʼatei anyu.

¹⁴Anyasu, tambunyosengasenga ntu shati: Nyewuli akanga wʼefutanu, nyukikitsha akanga wʼetema a weodu, nyusukeli wane weli weodu, nyuyali la memakana le antu tshe.

¹⁵Nyewo, untu tasomboyaki akina kolo kandi, keli nyuyelaki akambu wʼololo nshi tshe, untu la unyandi untu la unyandi. Nyutshelaki antu tshe ololo.

¹⁶Nyongenangenaki nshi tshe;

¹⁷nyutetemalaki nomba;

¹⁸nyukaki lusaka lu akambu tshe, ne dia osoku mbeli lulangu la Unyashungu le nyu le Kristu Jesu.

¹⁹Tanyudimaki Nyuma;

²⁰tanyonyolaki aui wʼamvutshi.

²¹Nyedikaki akambu tshe: nyukimeli weli ololo;

²²nyukimo wehu tshe wʼakambu wa kolo.

²³Unyashungu wa ki ndameanyukidia tshe! Nyumu yanyu, la etema anyu ndu alimba anyu walamami ololo ndu aha la unungu lʼeyelu ka Khumesu Jesu Kristu!

²⁴One lanyeta, eko la kolamelu, ndi ayutsha wuhu ako.

²⁵Anyasu, nyutolombelaki.

²⁶Nyusha anyasu tshe moyo la ononanelu wʼekila.

²⁷Dimi lambunyutshibia le Khumadiondjo dia nyu mbalela anyasu tshe mukanda one.

²⁸Ngandji ka mamba ka Khumesu Jesu Kristu, kayali la nyu!