Read tetala Jashua 1 Bible Online

Jashua 1 - tetala bible

Jashua 1

¹Lʼokongo wa nyoi ka Mose, ukambi wa Latuyalaka, Latuyalaka akatela Jashua, onʼa Nuna, ukimanyidi wa Mose, ati:

²Ukambi ami Mose ambuvo. Ka-kiane uneli, uteho Jorodana nye, we la wudja one tshe utsha lu kete yamumuwa-sha, vo asi Isariyele.

³Ahuli tshe wayukamela ekulu anyu mbayumunyusha, uku akamatela Mose.

⁴Kete yanyu yayuyala uma lʼusui wa shenga lu leke la diku dia kushi, la ukungu uku wa Lebanona pulu ndu lu ndjali ka wuki kʼEyufarate, kete tshe yʼasi Hiti, pulu ndu lʼAshi a waki a Mediteraneya, lu leke lʼedjelu ka unya.

⁵Nduku untu ayuyala la wulu wa memala la ntundu kaye[1] lu nshi tshe ya lumu laye. Dimi layuyalaka la ye, uku akimi la Mose; dimi halukutshika, halukoseka.[2]

⁶Ukikitali, uyali la dihunga,[3] ne dia we kayukumia wudja one lu Kete yakamatshibela washewo, dia mbasha ukito.

⁷Dikambu otoi, ukikitali, uyali la dihunga efula, dia nama elembe tshe wakakutela ukambi ami Mose ololo. Tetolaki lu lunya la pami kana lu lunya la lomoso, mbayuyuhumo lukulu lʼolo lu akambu tshe lu ahuli tshe wayuyutatshokaka.

⁸Aui wʼuma lu buku ne diʼelembe, tawumoki uma lʼunyo aye. Ukanaki la wo yimba ndu la yanyi ndu lʼutshu, dia we nkitanyia aui tshe wufundami loko. Osoku mbayuyuluwanya elimu aye ndu mbayuyuhumo lukulu lʼolo lu akambu tshe wayuyutshaka.

⁹Dimi kunkutela? Ukikitali, uyali la dihunga. Tateki asulu, tukaki woma, ne dia Latuyalaka, Unyashungu aye, ayutayalaka la ye lu ahuli tshe wayuyutatshokaka.

¹⁰Ku Jashua akatela elombodi wʼantu ati:

¹¹Nyukinduli lu pangu, nyuteli antu nyati: Nyuyalongoswele pamba ya lokendo, ne dia lʼokongo wa nshi shatu, nyu nyayuteho Jorodana nye, dia ntukita kete yambunyusha Latuyalaka, Unyashungu anyu, ukito.

¹²Jashua akatela asi Rubena, asi Ngada, la etenyi ka hendi ka diuhu dia Manase ati:

¹³Nyuho diui diakanyutela Mose, ukambi a Latuyalaka, ati: Latuyalaka, Unyashungu anyu, ambunyukundjiya dihuli dia ki, ayunyusha kete nye.

¹⁴Wadienyu, anʼanyu wa tshitshe la dungalunga dianyu wayutshikala lu kete yakanusha Mose lu wedi one wa Jorodana. Keli nyu apami tshe, akanga a dihunga, kanyuteho nyukimedi dihumo dianyu la ntundu kʼanengenyu, dia nta-kimanyia,

¹⁵edja ndu Latuyalaka ambusha anengenyu mumuya uku nyu, dia ndu vo ndjala la sangu dia kete yambuwasha Latuyalaka, Unyashungu anyu. Okone nyu nyayukalula utsha lu kete ya sangu dianyu, ku nyu nyayutuyisangula, kete yakanyusha Mose, ukambi wa Latuyalaka, la wedi wa Jorodana, lu leke lʼehutwelu ka unya.[4]

¹⁶Ku vo wakakaluya Jashua diui vati: Shu tayutsha uku ambuyututela, ndu tayutsho lu ahuli tshe wayuyututuma.

¹⁷Shu tayukukitanyia lu akambu tshe, uku akatakitanyiaka Mose. Dikambu otoi, Latuyalaka, Unyashungu aye, ayalaki la ye, uku akindi la Mose.

¹⁸Lntu tshe layuhendula aui aye, kana layuhedia olembe tshe wayuyuwudjela, ayudiakema. Dikambu otoi, ukikitali, uyali la dihunga.