Read tetala Jashua 3 Bible Online

Jashua 3 - tetala bible

Jashua 3

¹Jashua aketo kʼolomo la pindju, akunela uma la Shitime, ndi la asi Isariyele tshe. Vo wakakumi la Jorodana, wakatulala leko la ntundu watasaho.

²Lʼokongo wa nshi shatu, elombodi wa ta wakakindula lu pangu.

³Wakatela antu vati: Lamʼayunyena elombedi wʼasi Lewi watembe oshete wa sheki wa Latuyalaka, Unyashungu anyu, kanyuneli uma lʼahuli wenyu, kanyuyeli.

⁴Kanyutshikaneli lʼoshete tshalula ya kubita nunu pendi. Tanyusukanaki lasuki la wo. Vo wayutanyenyaka mbuka kahumbanyu mbeta, ne dia nyu nyateti lu mbuka kako.

⁵Jashua akatela antu ati: Nyuyakidia, ne dia lui, Latuyalaka ayutsha akambu wa mamba lʼatei anyu.

⁶Jashua akatela elombedi ati: Nyembe oshete wa sheki, nyeti ntundu kʼantu. Ku vo wakembe oshete wa sheki, waketi la ntundu kʼantu.

⁷Latuyalaka akatela Jashua ati: Dimi layutatela nkedia elo, dia vo mbeya vati: Dimi layuyalaka la ye, uku akimi la Mose.

⁸Kuteli elombedi watembe oshete wa sheki wati: Lamʼayunyukuma lʼumamu wʼashi wa Jorodana, kanyutemali kʼatei wa Jorodana.

⁹Jashua akatela asi Isariyele ati: Nyusukani, nyuyuki aui wa Latuyalaka, Unyashungu anyu.

¹⁰Jashua akawatela ati: Lu dikambu ne, mbayunyeya nyati: Unyashungu a lumu eko lʼatei anyu, la ndi kayutatshanyaka asi Kanana, asi Hiti, asi Hiwi, asi Perizi, asi Ngiringashe, asi Amora lʼasi Jebuse uma la ntundu kanyu.

¹¹Enda, oshete wa sheki wa Khumi ka kete tshe wutsha mbeta la ntundu kanyu kʼatei wa Jorodana.

¹²Okone nyosonole apami dikumi la ahendi uma lu wauhu wa Isariyele, pami otoi uma lu diuhu la diuhu.

¹³Ku lamʼayukuma ekulu wʼelombedi watembe oshete wa Latuyalaka, Khumi ka kete tshe, lʼatei wʼashi wa Jorodana, ashi wayemala, hawokela. Ku ashi la diku wayemala lukingi.

¹⁴Lamʼakunela antu uma lu mvudu yawo yʼapema dia nteho Jorodana, elombedi wakatembaka oshete wa sheki, waketi la ntundu kawo.

¹⁵Lamʼakakumi elombedi wakatembaka oshete lu Jorodana kamʼakawambia ekulu awo lʼashi (ne dia Jorodana atuyalaka la elula lu nshi ya dinela),

¹⁶ashi wʼuma la diku wakemala tshalula, wakayala lukingi lʼusumba wa Adama, weli lasuki la Zaretana. Ku wane wakahulo utsha lʼuduwa wa Araba wetawo vati: Uduwa a Leho, wakahembo pi, ku antu wakateho lu welelo wa Jeriko.

¹⁷Elombedi wakatembaka oshete wa sheki wa Latuyalaka wakatushikike ekulu awo lu kete yʼufumbu kʼatei wa Jorodana. Ku asi Isariyele tshe waketi lu kete yʼufumbu, edja ndu lamʼakateho wudja tshe Jorodana.