Read tetala Jashua 8 Bible Online

Jashua 8 - tetala bible

Jashua 8

¹Latuyalaka akatela Jashua ati: Tukaki woma, tateki sulu, eti andoshi wa ta tshe, nyutshu la ntolo la Ai. Enda, dimi lambukimo khumʼekanga ka Ai, antu andi, usumba andi ndu kete yandi, lu anya aye.

²Kutsheli Ai la khumʼekanga kawo uku akayatshela Jeriko la khumʼekanga kawo. Paka diango diawo la dungalunga diawo tu, mbayunyuyaosela uku diango dia dimbu. Nyutukitshiya usumba lalu la wedi awo.

³Okone Jashua akunela, ndi la andoshi wa ta tshe, dia ntsho la ntolo la Ai. Ndi akasonola apami a wulu nunu akumi asatu, akatumi lʼutshu.

⁴Ndi akawatela ati: Nyutuyaleli usumba lalu la wedi awo. Tanyumoki etali efula uma lʼusumba, nyutuyakunge nyu tshe.

⁵Keli dimi la antu ane tshe weli kame la mi, tayusukana lʼusumba. Ku lamʼayuwutumba dia ndjolo la su, uku akawatshi etena ka ntundu, shu tayalawo.

⁶Ku vo wayuyelana la su, edja ndu lamʼayutakutula tshalula uma lʼusumba. Vo wayuta vati: Vo wambulawo uku akawatulawo etena ka ntundu. Shu tayalawo osoku!

⁷Etena kako, kanyutumbi uma lu lalu, kanyundi usumba, ne dia Latuyalaka, Unyashungu anyu, ayukimo lʼanya anyu.

⁸Lamʼayunyunda usumba, kanyutshumbi, kanyutshi uku akati Latuyalaka. Nyulungi, osoku mbamumunyudjangela.

⁹Jashua akatumi, ku vo wakatuyala lalu lʼasa Betele la Ai, lu leke lʼedjelu ka unya ka Ai. Keli Jashua aketama lʼutshu uku lʼatei a wudja.

¹⁰Jashua aketo kʼolomo la pindju, akasanganya antu, ndi la dihangamendi dia Isariyele. Vo wakatshu la ntolo la Ai.

¹¹Andoshi wa ta tshe wakatshu; wakasukana lʼusumba, wakatuhanga lu leke la ngelʼa kushi la Ai; luwinga laki lʼasawo la Ai.

¹²Ndi akose lasuki lʼantu nunu tanu, akakitsha lalu lʼasa Betele la Ai, lu leke lʼedjelu ka unya lʼusumba.

¹³Antu tshe wakatani ahuli awo amotshi lu leke la ngelʼa kushi lʼusumba, ku akina wakayala lalu lu leke lʼedjelu ka unya lʼusumba. Ku Jashua akayutshikala utshu tshe lʼukidi.

¹⁴Lamʼakenyi khumʼekanga ka Ai dikambu diako, ndi la antu andi tshe, asi usumba, wakasamanya, wakahulo esadi utsha lʼAraba, dia ntuhumana la Isariyele lu ta. Keli khumʼekanga kumbeya ati: Wakakitshisha lalu la wedi wʼusumba.

¹⁵Ku Jashua la Isariyele tshe wakadimbiya nemba la ntundu kawo, wakalawo lu mbuka kʼutsha lʼusui wa shenga.

¹⁶Asi usumba tshe wakamote dia mbatshanya. Vo wakayelana la Jashua. Ku vo wakakutwama etali uma lʼusumba.

¹⁷Nduku pami ka la Ai kana ka la Betele kaki kundjelana lʼasi Isariyele. Vo wakatshiki usumba awo hwe, wakayelana la Isariyele.

¹⁸Latuyalaka akatela Jashua ati: Utshumi dikonga diukimeye utsha la Ai. Dimi lutsha mbukimo lʼanya aye. Jashua akatshumi dikonga diaki lu lunya landi utsha lʼusumba.

¹⁹Kamʼakandasimbula lunya, an u wakawakitshama lalu wakatumbi shashimuya uma lu dihuli diakiwo, wakakunguso utsha lʼusumba; wakoto lʼusumba, wakolembia, wakasamanya mbutshumba.

²⁰Lamʼakewo asi Ai; wenyi ku dinga diʼusumba diambumbela utsha lʼulungu. Vo kumbeya ndawo nduku leke. Ku antu wakatalawoka utsha lʼusui wa shenga, wakakadimo dia mbatshanya.

²¹Lamʼakenyi Jashua la Isariyele tshe vati: Wane waki lu lalu wambolembia usumba, la dinga diʼusumba diumbela, vo wakakadimo, wakadiaki apami wʼasi Ai.

²²Ku asi Isariyele akina wakatumbi uma lʼusumba dia ndo la wo. Okone asi Isariyele wakadingi kwi, wakadiaki. Nduku otoi akatshikala la lumu, kuyanga ndawo.

²³Vo wakandi khumʼekanga ka Ai, wakayi la ndi le Jashua.

²⁴Lamʼakashili Isariyele ndjaka asi Ai lu ta lʼusui wa shenga, lene akawatayelaka, lamʼakawashili ndjakema vo tshe la tombo, Isariyele tshe wakakalula utsha lʼAi, wakatudiaka wane wakatshikala la tombo.

²⁵Efula kʼantu kakadiakema lushi lako, ndu apami ndu amantu, aki antu nunu dikumi la pendi, asi Ai tshe.

²⁶Jashua kunkitsha lunya lakandatshumi la dikonga, edja ndu lamʼakashili asi Ai ushiki.

²⁷Tshikima dungalunga la diango dikina diakawambi lʼusumba, mbakose asi Isariyele, uku akatela Latuyalaka Jashua.

²⁸Jashua akatshumbi Ai, akakite elanyelu ketu. Osoku mbeto edja ndu elo.

²⁹Ku ndi akahane khumʼekanga ka Ai lʼutamba edja ndu dikolo. Lamʼakadji unya, Jashua akawatela dia vo mpanula udu andi lʼutamba. Vo wakawukadja lʼeotwelo kʼusumba, wakeme ului wʼave ladiku diawo. Vo weko edja ndu elo.

³⁰Ku Jashua akatshela Latuyalaka, Unyashungu wa Isariyele, ediakelu lʼUkungu a Ebale.

³¹Ediakelu kako kakatshama la ave wʼetundu waki konkolongama la luwulu,[14] uku akadjangela Mose, ukambi wa Latuyalaka asi Isariyele, ndu uku akafundama lu buku diʼElembe dia Mose. Vo wakalambula Latuyalaka elambu wa lutshumba ndu elambu wa ki loko.

³²Ku Jashua akose elembe wakatafundji Mose, akesangula lu ave ako la ntundu kʼasi Isariyele.[15]

³³Isariyele tshe, angendangenda uku ana a luta, dihangamendi diawo, elombodi awo wa ta la embadi awo, wakemala wedi ehendi wʼoshete la ntundu kʼelombedi wʼasi Lewi, wakatembaka oshete wa sheki wa Latuyalaka. Etenyi ka hendi kawo wakemala lu welelo wʼUkungu a Ngarizime, la etenyi ka hendi kekina lu welelo wʼukungu a Ebale, uku akadjanga Mose, ukambi wa Latuyalaka, ntundu dia vo ntshokola asi Isariyele.

³⁴Lʼokongo diku, Jashua akali aui tshe wʼuma lʼelembe, etshoko ndu mananu, uku akawafundama lu buku diʼelembe.

³⁵Nduku diui diakati Mose, diaki Jashua kumbala la ntundu kʼului tshe wa Isariyele, amantu, ana, la angendangenda wakadjashi lʼatei awo.[16]