Read tetala 2 Tesalonika 1 Bible Online

2 Tesalonika 1 - tetala bible

2 Tesalonika 1

¹Paulu, la Silivano, la Timote, Le ekelizia ka la Tesalonika[1] keli le Unyashungu Shesu la le Khumadiondjo Jesu Kristu:

²Ngandji ka mamba kayali la nyu, ndu ki kʼuma le Unyashungu Shesu, la uma le Khumadiondjo Jesu Kristu!

³Anyasu, dieli la su dia mbuka Unyashungu lusaka nshi tshe dikambu dianyu. Dikambu diako dieko ololo, ne dia mbetawo kanyu katulaka otekoya, la ngandji kukananyu kambuyala efula.

⁴Okone shame tambuyatumbula dikambu dianyu lʼekelizia wa Unyashungu, dia etetemalu kanyu la mbetawo lu asui anyu tshe la lu fono kambunyukike.

⁵Akambu aku mbeli djimbitelu yʼelumbwelu kʼololo ka Unyashungu, ne dia nyu mbalema ololo wakuka mboto lu diulelu dia Unyashungu, diako diasuwanyu —

⁶naka dieko ololo dia Unyashungu nsuya wane watunyusuyaka,

⁷la dia nyu wane wasuyama wumuya la su lu enelo ka Khumadiondjo Jesu uma lʼulungu la andjelo andi a wulu lu lumbi la dja,

⁸ndi ayosomboya wane waheyi Unyashungu, la wahakitanyia lukumu lʼololo la Khumesu Jesu.

⁹Vo wayusuwa, wayunyema pundju uma lʼelundji ka Khumadiondjo la uma lu lutumbu la wulu andi

¹⁰lamʼayunduya dia ndjutumbwama le ekilami andi, la dia ndjambiya le wane tshe wakawetawo, ne dia ndjutumbwama le ekilami andi, la dia ndjambiya le wane tshe wakawetawo, ne dia nyu nyaketawo diui diasu lushi lako.

¹¹Dia dikambu ne, mbatutunyolombelaka nshi tshe shati: Unyashungu asu anyali ololo wedimi la leta lanyu, ndu anyuludia la saki tshe kʼololo la ulimu a mbetawo, la wulu

¹²dia lukumbu la Khumesu Jesu ntumbwama lʼetema anyu; la dia nyu ntumbwama lʼutema andi, uku eli ngandji ka mamba ka Unyashungu asu la ka Khumadiondjo Jesu Kristu.