Read tetala 1 Timote 4 Bible Online

1 Timote 4 - tetala bible

1 Timote 4

¹Nyuma kata ati: Lu nshi yʼekumelu, antu amotshi wayoseka mbetawo kawo, wayukela djimu dia lukesu, ndu wetshelu wʼedienge,

²uma lu lukesu lʼantu watutaka aui wa kashi weli la khumʼutema kutshumbami uku la luwulu lakawahetsha.

³Wayusike ntshukana, wayuwadjela olembe vati: Tanyolekaki diango dimotshi, diakatungi Unyashungu dia antu weli la mbetawo la ambeyi wa akambu wa mete nungula la mbuka lusaka.

⁴Ne dia diango tshe diakatungi Unyashungu dieko ololo, nuu nduku engo kayosekama, naka to kambulungwa-ma lu eukelu ka lusaka;

⁵ne dia diango ne diambukidiama uma lu diui dia Unyashungu la dombelo.

⁶Naka we ayuhula anyasu akambu ane, keti we ayuyala ukambi wʼololo a Kristu Jesu, ayuleshamaka la aui wa mbetawo, ndu wa dietshelu diʼololo diakayayelaka.

⁷Keli oseke ekondo wʼanyanya ndu wʼamonyodi. Uyasutsha-sutshaki lu akambu wʼololo tshe.

⁸Ndja-sutshasutsha ka dimba eli la waho tshitshe, keli ololo a Unyashungu eli la waho lu akambu tshe. Vo weko la daka dia lumu leli kakiane, ndu dia lumu layayi.

⁹Diui dia kolamelu ne, ndu diakuka antu tshe mbetawo.

¹⁰Dia dikambu ne mbatshasu ulimu, ndu mbatetemalasu le dia shu teko la elunga-melu kasu le Unyashungu wa lumu, leli Ushimbedi wʼantu tshe, djekaleka le wane wetawo.

¹¹Utaki akambu ane, uwaetshaki.

¹²Untu tonyolaki nshi yaye yʼolongo a pami. Keli uvali djimbitelu le wane wetawo, lu aui, ndu lu ditshelu, ndu lu ngandji, ndu lu mbetawo, ndu lu pudipudi kʼutema.

¹³Utetemali lu mbala walelu wa mikanda lu ulakelu ndu lu wetshelu edja ndu lamʼayumuya.

¹⁴Tukaleki usha-sha weli lʼutema aye, wakawakusha uma lu aui wʼamvutshi, ndu lʼahelu kʼanya wa dikumanyi.

¹⁵Utetemali lu akambu aso; uyakimo lʼutema aye tshe loko, ne dia uhamelu aye wenami le antu tshe.

¹⁶Uyalamaki, ulamaki ndu wetshelu aye. Utetemalaki lu akambu aso. Ne dia lamʼayuyutsha osoku, we ayuya-shimbela, ndu we ndu wane wuka aui aye.