Read tetala 1 Timote 6 Bible Online

1 Timote 6 - tetala bible

1 Timote 6

¹Antu tshe weli lu lokoho la fumbi, walemiaki akhumewo, ne dia watu-kotenga lukumbu la Unyashungu, ndu dietshelu.

²Wane weli la akhumewo weli embetawudi, vo tawuwaonyolaki, ne dia anyawo mbewo. Keli waleki mbakambela ulimu, ne dia wane wakimanyiawo weko embetawudi, elangimi.

³Naka untu ayetsha antu dietshelu dikina, la hetawo aui wa mete, aui wa Khumesu Jesu Kristu, la dietshelu diedimi la olemielo a Unyashungu,

⁴keti ndi ambuyambiya; ndi heyi nduku dikambu, keli ambukumbula mumbwana la mbidjana tamu. Okone kandjema, la ta, la tengo, la tukanyi ta mamanyia, wambutumba uma loko,

⁵ndu ditsha-nelu diʼantu wambulanyema lu yimba, waha la akambu wa mete, watukaraxa vati: Olemielo a Unyashungu eko eku-ndjelu ka waho.

⁶Keli olemielo a Unyashungu la ongenongeno weko waho a wuki,

⁷ne dia shu kundja ndu ku lʼengo la kete nye, ku hateyi ntola nduku engo uma la kete.

⁸Keli lamʼayutuyala la diango dia nde ndu la diango dia ndota, shu tayuyala la ongenongeno lu diango diako.

⁹Keli wane wakomiya ndjala engonyi, wayoko lu uhimba la lu djunga ndu lu saki ya dinginya yatutshelaka antu kolo, yayuditsha antu lu elanyelu la eshishwelu.

¹⁰Ne dia saki ka ukundji eko udiu a wehu tshe wʼakambu wa kolo. Amotshi wakadiyangi, waketola uma lu mbuka ka mbetawo, wakayatshatsha la nyangu ya wulu efula.

¹¹Keli we, untu a Unyashungu, ulawo akambu ane. Uyeli akambu wʼusimbwi, la ololo tshe, la mbetawo, la ngandji, la kolamelu, la memakana.

¹²Olo ta diʼololo dia mbetawo, ukimeli lumu la pundju, lakayetama loko, uku akayetawo lʼetawelu kʼololo lu ashu wʼemenyi efula.

¹³Dimi lambukokokomiya lu ashu a Unyashungu, latushaka diango tshe lumu, ndu wa Kristu Jesu, lakamati dikambu diandi ololo lu ashu a Potiyo Pilata,

¹⁴dia we nkitanyia olembe one, aha la vadi, aha lʼunungu edja ndu lamʼayene Khumesu Jesu Kristu.

¹⁵Ndi ayene lʼetena kandi; ndame keli Umbuledi wʼetshoko, Khumʼekanga ka khumi ya dikanga, ndu Khumi ka wakhumi.

¹⁶Ndame kaha la nyoi, katuyalaka lu yanyi yaheyi antu nsukana la yo. Nduku untu akawenyi, nduku untu leya mbena. Ndi ayali la kenemo la wulu pundju! Ayali osoku!

¹⁷Ewuli akanga wʼengonyi wa lʼetena kene, dia vo tawutakulaki, ndu tawulu-ngamelaki efumbofumbo kʼongonyi, keli walungameli Unyashungu, latutushaka diango tshe ushasha ne dia ntongenyange-nya;

¹⁸dia vo ntshela akina ololo, la dia vo ndjala engonyi wa lu elimu wʼololo, la dia vo ndjala la lukahu, ndu wuki akina ketshi.

¹⁹Vo wayaumbeli tshina diʼololo dia luudu lʼetena kayuya, ne dia vo nkimela lumu la mete.

²⁰We Timote, ulamaki dikambu dia-kawakutela, oseke etekeiateketa wa kolo la aui wa tamu uma le antu waha la yimba ya mete.

²¹Antu amotshi waketawo akambu ane, wakanganela uma lu mbuka ka mbetawo. Ngandji ka mamba kayali la ye!