Read tetala 2 Petero 2 Bible Online

2 Petero 2 - tetala bible

2 Petero 2

¹Keli amvutshi wa kashi wakatumbi lʼatei wʼantu, uku embetsha wa kashi wukuyala lʼatei anyu, wayuya la akambu wa tamu wʼelanyelu lu usheshe. Vo wayanguna ndu Khumadiondjo lakatshungula, wayulanyema esadi.

²Antu efula wayuyela akambu awo a mindu. Dia dikambu diawo, mbayuwonyola mbuka kʼakambu wa mete.

³Ne dia okomiya mbayuwengonya la nyu ushinga la aui wa nyimbiya. Dianyelu diawo diakawanyema edjedja, hatshimbatshimba; elanyelu kawo hetama djo.

⁴Naka Unyashungu kunshimbela andjelo lamʼakawatshi kolo, keli akawakadja lu luwinga la dja, akawadji lu afuku wa udjima, dia vo ndjala loko edja ndu elumbwelu;

⁵naka ndi kunshimbela antu wa ntundu, keli akashimbela Noa, umvutshi wʼakambu wʼololo, la antu akina esambeli, lamʼakandatumi elula ka wuki le antu wa kolo waki la kete;[2]

⁶naka ndi akahiluya esumba wa Sodoma la Ngomora, wakayala eduwu,[3] akawamia la dihandjwelu, akawete uku djimbitelu le antu wayutshaka akambu wa kolo,

⁷ku akahandja Lota, untu ololo, lamʼakandahenyahenyama la akambu wa mindu wakatshaka antu wa kolo[4]

⁸(ne dia untu ololo uku lakadjaseka lʼatei awo, lamʼakandenyi ndu lamʼakanduki akambu wa kolo awo, akambu ako wakanyangiaka utema andi wʼololo la lushi la lushi).

⁹Ku Khumadiondjo mbeyaka wuhu wa nshimbela antu wʼololo uma lʼehimba, la mbete antu wa kolo lu asui edja ndu lushi lʼelumbwelu.

¹⁰Keli ndi ambuleka ntshela antu watokendakendaka lu saki yʼakambu wa kolo wa dimba, la watonyolaka waulelu osoku. Vo weko la etema wa wulu, weko la lunyu, hawudidima lamʼatengawo akambu wa lutumbu.

¹¹Keli andjelo mbaleka waki la wulu, hawasongwela la diui dia lotengo la ntundu ka Khumadiondjo.

¹²Keli vo weko uku nyama yaha la yimba, yakuto dia ndjinda la ndjidiaka, watotengaka antu lu tkambu wahaweyi. Vo wayulanyema lu elanyelu kawo mete mete,

¹³wayusuwa uku difutu diʼakambu wa kolo awo. Antu ako watalaka engenongeno awo, dia vo ntsha akambu awo wa kolo lu yanyi, weli uku awadi la fu. Vo watolaka la kesu yawo lamʼalewo la nyu alambu.

¹⁴Ashu awo wambulula too la munanyi. Vo haweyi nkimo kolo, watuhimbaka akanga wʼetema a weodu. Etema awo wambekela nkomiya diango; vo weko uku ana wʼakanga a mananu.

¹⁵Vo wakaseke mbuka kʼololo, wakanganela, wakâyeli mbuka ka Balama, onʼa Beore, lakalangi difutu diʼakambu wa kolo,

¹⁶keli ndi akatshumwama dia uhedia andi. Punda ka lumi akateketa diui uku untu, akashimbi umvutshi wʼenginya.[5]

¹⁷Vo weko uku teko diambuma, weko uku wangi wasukuyama la ngimbi, wambakitshiya udjima a tshududu,

¹⁸Ne dia uma lʼaui wʼutaku watuwutaka wutata, ndu uma lu saki ya dimba la yʼakambu wa mindu, mbatuwuhimbaka wane wayanga mpanda uma le waku watokendakendaka lu akambu wa kolo.

¹⁹Vo watalakaka etshungwelu, keli vame weko fumbi ya akambu wa kolo wʼelanyelu; ne dia naka untu ambolembiama le engo kemotshi, ndi ndjalaka fumbi kʼengo kako.

²⁰Naka vo wambuhanda akambu wa kolo wa la kete ne dia vo wakalimbitela Khumadiondjo, Ushimbedi Jesu Kristu, la naka vo wayudingitana, ndu wayolembiama ntu lu akambu ako, ku ekumelu kawo kayuleka etatelu kawo kolo.

²¹Utuleka ololo, utunduyala vo kumbeya mbuka kʼakambu wʼololo, la lamʼakawakieyi, dia vo mumo uma lʼelembe wʼekila wakawalungula.

²²Dio diambuyala uku wela a mete le wo ati: Fo ambukalula lu tuwoki yato,[6] sumbu ambushila mboka, ambuyakitula lu loteke ntu.