Read tetala 2 Joani 1 Bible Online

2 Joani 1 - tetala bible

2 Joani 1

¹Ekumanyi ambufundela umuntu losonami la anʼandi, waku walangami lu mete. Aha dime kanyulanga, keli ndu wane tshe weya akambu wa mete mbanyulanga;

²ne dia mete keli lʼetema asu, kayuyala la su pundju:

³Ngandji ka mamba, la ketshi, la ki wayuyala la su uma le Unyashungu Shesu, la uma le Jesu Kristu, Onʼa Shesu, lu mete la ngandji.

⁴Dimi lambongenangena efula ne dia lakatani anʼaye amotshi wakendakenda lu mete, uku akatalungula olembe uma le Shesu.

⁵Mama, kakiane dimi lambukosengasenga, aha uku untu lukuki mbedia olembe wʼuyuyu, keli paka olembe waki la su uma lʼetatelu, dia shu mbukana ngandji.[1]

⁶Ngandji keli okone, dia shu nkendakenda uku eli elembe andi. One eko olembe wakanyukaka uma lʼetatelu, dia shu nkendakenda loko.

⁷Ne dia akesanyi efula wambudiangana la kete, wahetawo vati: Jesu Kristu akayi lu dimba. Oso eko ukesanyi, utunyi a Kristu.

⁸Nyuyalami ololo, nyutukushisha akambu wakatatshi, keli dia nyu nungula difutu tshe.

⁹Untu tshe latutshokaka la ntundu ndu lahatshikala lu wetshelu wa Kristu, ndi kema la Unyashungu. Keli untu tshe latutshikalaka lu ditshelu ne, ndi keli la Shesu la Ona.

¹⁰Naka untu omotshi ambuya le nyu, ambela wetshelu waha wetshelu one, tanyulungulaki lu luudu, tanyuwemulaki,

¹¹ne dia untu tshe latuwemulaka, eko umbekesanedi andi lu etsha andi wa kolo.

¹²Kuyanga dimi la akambu efula wanyufundela, halanyufundela la akatshi la ashi a mukanda. Keli dimi lambulungamela dia ndja le nyu dia ndjoteketa la nyu lu elundji la elundji, dia ongenongeno anyu aluli.

¹³Ana wa kadiyeye, osonami, wambukutumela moyo.