Read tetala Enyelo 10 Bible Online

Enyelo 10 - tetala bible

Enyelo 10

¹Dimi lakenyi ondjelo ukina a wulu ayahulo uma lʼulungu, olotshi dingi. Ndi aki la ngulu lʼote andi; elundji kandi kaki uku unya; ekulu andi waki uku dikundju dia dja.

²Ndi aki la wombo wa buku wa tshitshe wufulwami lu lunya landi. Ndi akahe lukulu landi la pami ladiku dia ashi a wuki, la lukulu la lomoso la kete.

³Ndi akahangohango wulu uku atudikitaka tambwe. Lamʼakandahangohango, akhungula esambeli wakakhungula.

⁴Lamʼakakhungula akhungula esambeli ako, dimi lakayangi nfunda. Ku dimi lakuki diui uma lʼulungu diata ati: Ufule akambu aku wakati akhungula esambeli, tuwafundaki.

⁵Ondjelo wakamenyi emadi lʼashi a wuki la lu kete, akedia lunya landi la pami utsha lʼulungu.

⁶Ndi akatshibi lu lukumbu la one leli la lumu pundju pundju, lakatungi ulungu la diango dieli loko, ndu kete la diango dieli loko, ndu ashi a wuki la diango dieli loko, ati: Etena hayala ntu,

⁷keli lu nshi ya diui dia ondjelo wʼesambeli, lamʼakandayangi mvuda, ku akambu wa Unyashungu wushami wakashili, uku lukumu lʼololo lakandatela ekambi andi amvutshi.[92]

⁸Diui diakamuki uma lʼulungu, lakadiuki ntu diamvutela ati: Tshoka, utose wombo wa buku wufulwami lu lunya la ondjelo wemadi ladiku diʼashi a wuki la dia kete.

⁹Ku dimi lakatshu utsha le ondjelo, lakawutela nti: Umbisha wombo wa buku ako wa tshitshe. Ndi akamvutela ati: Uwose, uli. Vo wayuyala ululu lu dikundju diaye, keli vo wayuyala mpe lʼunyo aye uku usanga.

¹⁰Ku dimi lakose wombo wa buku wa tshitshe uma lu lunya la ondjelo ako, lakuli. Vo waki mpe uku usanga lʼunyo ami. Lamʼakamuli, dikundju diami diakayala ululu.[93]

¹¹Ku vo wakamvutela vati: Dieli la ye dia mvuta dikambu diʼantu efula, ndu dia wedja, ndu diʼeteketa, ndu dia khumi ya dikanga.