Read tetala Enyelo 15 Bible Online

Enyelo 15 - tetala bible

Enyelo 15

¹Dimi lakenyi djimbitelu kina ya wuki la ya mamba lʼulungu, andjelo esambeli wakembe asui esambeli. Asui aso weko wa ndjihelu, ne dia kele ka Unyashungu kambushila.

²Dimi lakenyi uku ashi a wuki wa talatala wosohanyi la dja; ndu wane watolembiaka nyama kako ndu efanelu kato, ndu numero ka lukumbu lato wemadi lʼumamu wʼashi a wuki wa talatala, waki la sese ya Unyashungu.

³Vo wakimbi usambu a Mose,[136] ukambi a Unyashungu, ndu usambu wa Ona-Okoko, wata vati: Khumadiondjo Unyashungu, Kanga-Wulu-Tshe, Ndi etsha aye waki ndu mamba li! We Khumʼekanga ka wedja tshe, Mbuka yaye yeko ololo la mete!

⁴Khumadiondjo, akona ahukuka woma, Ndu ahutumbula lukumbu laye na?[137] Ne dia weme utu keli ekila. Wedja tshe wayuya, wayukotemola,[138] Ne dia etsha aye wʼololo wambenama.

⁵Lʼokongo wʼakambu aso, dimi lakenyi lamʼakawadihula etemwelo ka luudu la dipema lʼomenyi[139] lʼulungu,

⁶andjelo ako esambeli wakatumbi uma lʼetemwelo wayembe asui esambeli, wolotshi ahondo wa linene lʼololo wa ngaingai, ndu eya wa paunyi lu tulu yawo.

⁷Nyama kemotshi uma lʼatei a nyama nyei kakasha andjelo esambeli akoho esambeli wa paunyi wuludi too la kele ka Unyashungu, keli la lumu la pundju pundju.

⁸Etemwelo kakaluli too lʼedinga[140] wa lutumbu la Unyashungu, ndu uma lu wulu andi. Nduku untu akeyi mboto lʼetemwelo, edja ndu asui esambeli wa andjelo esambeli wambushila.