Read tetala Enyelo 6 Bible Online

Enyelo 6 - tetala bible

Enyelo 6

¹Dimi lakenyi lamʼakadihula Ona-Okoko djimbitelu motshi ya lu tulimbitelu esambeli, ku lakuki nyama kemotshi uma lu nyama nyei kahangohango uku dikhungula dia mvula, kata ati: Yaka!

²Dimi lakendi, menyi ku falasa ka wema kenea,[56] la one lakakiahami aki la uta. Wakawusha dembo dia kusu, ku ndi akatshu atalembia, ndu dia ntolembia.

³Lamʼakandadihula djimbitelu ya hendi, dimi lakuki nyama ka hendi kata ati: Yaka!

⁴Ku falasa kekina ka tilili[57] kakatumbi. Wakasha one lakakiahemi wulu wa minya ki uma la kete, ndu dia vo ndjakana. Wakawusha yombo ya wuki.

⁵Lamʼakandadihula djimbitelu ya satu, dimi lakuki nyama ka satu kata ati: Yaka! Dimi lakendi, menyi ku falasa ka tshududu kene;[58] one lakakiahemi aki la yediko ya mbedika wutshu lu lunya landi.

⁶Dimi lakuki diui uku dia untu lʼatei a nyama sho nyei, diata ati: Yediko otoi yʼepunga wa menge yeko denariyo otoi; tediko tusatu ta epunga wa yelela denariyo otoi, keli tulanyaki iso la wanu!

⁷Lamʼakandadihula djimbitelu ya nei, dimi lakuki diui dia nyama ka nei diata ati: Yaka!

⁸Dimi lakendi, menyi ku falasa kʼekesekese kene. Lukumbu la one lakakiahemi laki Nyoi; Udimu a Pengandu akatuyelaka. Wakawasha wulu wa mbulela etenyi ka nei ka kete, dia vo mbadiaka la yombo, la ndjala ka kasha, la elandu, ndu le nyama ya lʼukunda ya la kete.[59]

⁹Lamʼakandadihuli djimbitelu ya tanu, dimi lakenyi nyumu ya wane wakadiakema la tshina diʼediakelu, ne dia diui dia Unyashungu, ndu dia diui diakawakimela.

¹⁰Vo wakawana la diui dia wulu, wata vati: Yee! Khumadiondjo ka ladiku kʼekila la ka mete, edja ndu etena kakona kayuyulumbuya ndu kayuyosomboya dikila diasu le wa la kete nye?

¹¹Vo wakasha untu la untu ukutu a wema; wakawatela vati: Nyutukumuya etenyi, edja ndu lamʼayuwudiaka anyanyu ekambi la anengenyu, lamʼayuwushidiya lutumu lawo.

¹²Dimi lakenyi lamʼakandadihula djimbitelu ya samalu, kete yakadidima efula.[60] Unya akayala tshududu[61] uku dikuniya dia diosa, utundu a ngondo akayala uku dikila.[62]

¹³Toto ta lʼulungu takako la kete, uku atololololoka elua uma lʼutamba a fingu weki apepe, lamʼasutshasutshamawo la loheledi la wulu.

¹⁴Ndu ulungu wakanyema; wakawombe uku atowombaka wombo wa buku;[63] ndu ekungu tshe ndu asenga wakanyema uma lʼahuli awo.[64]

¹⁵Ndu khumi ya dikanga ya la kete, ndu antu a waki, ndu embuledi wʼalimbi, ndu akanga wʼengonyi, ndu akanga a wulu, ndu fumbi tshe, ndu wudjasedi tshe, wakashama lu weuku wʼave wa lʼekungu;[65]

¹⁶wa tela ekungu la ave vati: Nyutukungweli, nyutushe[66] uma lu ashu wa one latudjaseka lu kiti ka diulelu, ndu uma lu kele ka Ona-Okoko,

¹⁷ne dia lushi la wuki la kele kawo lambukuka. Akona eya memala?[67]