Read tetala Enyelo 8 Bible Online

Enyelo 8 - tetala bible

Enyelo 8

¹Lamʼakadihula Ona-Okoko djimbitelu yʼesambeli, ki kakayala lʼulungu etenyi ka ushidi a tangu.

²Dimi lakenyi andjelo esambeli watemalaka la ntundu ka Unyashungu; wakawasha pungi esambeli.

³Ku ondjelo ukina akayi, akemala lʼediakelu,[75] aki la donga dia paunyi dia dja. Wakawusha tsho efula ya ndi nsanganya la dombelo diʼekilami tshe ladiku diʼediakelu ka paunyi[76] kaki la ntundu ka kiti ka diulelu.

⁴Dinga dia tsho la dombelo diʼekilami wakambela la ntundu ka Unyashungu uma lu lunya la ondjelo.

⁵Ku ondjelo akose donga diako dia dja, akadiludia la dja yʼuma lʼediakelu, akadihumanya la kete.[77] Ku dikhungula ndu aui, ndu angadimu wa ndjadi, ndu edidimelu ka kete[78] wakayala lʼolongo.

⁶Andjelo ako esambeli waki la pungi esambeli, wakayalongosola dia mvuda.

⁷Ondjelo a ntundu akadi, ku mboko ya mvula la dja[79] yosohanyi la dikila yakalo la kete. Etenyi ka satu ka kete kakalungula, ndu etenyi ka satu kʼetamba kakalungula, ndu adiyu wʼeyuyu tske wakalungula.

⁸Ondjelo a hendi akadi, ku engo uku ukungu a wuki, kakahetaka dja, kakatambiyama lu ashi a wuki. Etenyi ka satu kʼashi a wuki kakahilo dikila.

⁹Etenyi ka satu ka diango tshe diaki la lumu lu ashi a wuki, kakavu; ndu etenyi ka satu ka watu kakalanyema.

¹⁰Ondjelo a satu akadi, ku yoto ya wuki ya dja, yakahetaka uku uwa, yakako uma lʼulungu[80] ladiku dia etenyi ka satu kʼetundu wʼashi, ndu lu teko diʼashi.

¹¹Lukumbu la yoto sho leko Ululu. Etenyi ka satu kʼashi kakayala ululu. Antu efula wakavu ne dia ashi wakayala ululu.[81]

¹²Ondjelo a nei akadi, ku etenyi ka satu ka unya, ndu etenyi ka satu ka ngondo, ndu etenyi ka satu ka toto wakakomama, ne dia etenyi kawo ka satu kayali udjima,[82] ndu yanyi tahetaki etenyi ka satu, ndu utshu pupu.

¹³Dimi lakenyi, lakuki pungu kemotshi kafumbo lʼulungu, ata la diui dia wulu ati: Fono, fono, fono le wa la kete, ne dia aui akina wa pungi wa andjelo asatu wayanga mvuda!