Read tetala 1 Samuele 27 Bible Online

1 Samuele 27 - tetala bible

1 Samuele 27

¹Davidi akati lʼutema andi ati: Dimi layulanyetna lushi lomotshi lu anya wa Saulu. Nduku dikambu aia yuleka ololo le mi uku dia dimi ndawo utsha lu kete yʼasi Filistiya. Ku Saulu ayukimo nyangami lu beke tshe dia Isariyele. Osoku mbayumuhanda uma lu lunya landi.

²Ku Davidi akunela, ndi la apami kama shamalu waki kame la ndi. Vo waketi laka Akishi, onʼa Maoka, khumʼekanga ka Ngata.

³Davidi la alimbi andi wakatshiknla la Ngata, laka Akishi. Vo tshe untu Lʼuntu aki la khumbu kandi. Ndu Davidi aki la wadiendi ahendi, Ahinoama, usi Jezerele, la Abingayili, usi Karamele, wadi aki Nabala.

⁴Wakatutela Saulu vati: Davidi akalawo la Ngata, ku ndi akakimo mbuyanga.

⁵Davidi akatela Akishi ati: Naka lakahumo lukulu lʼolo lu ashu aye, antu aye wambisha dihuli dia dimi mbidjase lʼusumba omotshi wa lu kete yanyu. Ukundi ukuki ukambi aye mbidjase la ye kame lʼusumba wa khumʼekanga na?

⁶Ku lushi lako, Akishi akawusha Zikilange. Diako mbakayala khumi ya dikanga ya Juda akanga wa Zikilange edja ndu elo.

⁷Davidi akadjase lu kete yʼasi Filistiya eleku otoi la ngondo nyei.

⁸Davidi la alimbi andi wakatshokaka dia ntumba asi Ngeshure, asi Ngezere, la asi Amaleka. Wedja ako mbakadjashi ntundutundu lu kete yako, uma la wedi wa Shura edja ndu lu kete ya Edjibitu.

⁹Davidi akalanya kete yako, kuntshika nduku untu la lumu, ndu apami ndu amantu. Ndi akose ngombe, punda, ka-melo, eloto, ku ndi akakalula, akatshu utsha laka Akishi.

¹⁰Lamʼakambula Akishi ati: Asi na wakanyatumba elo? Davidi ututa ati: Shu takatumba Nengebe ka la Juda, kana Nengeb kʼasi Jeramele, kana ati: Nengebe kʼasi Kene.

¹¹Davidi kuntshika nduku untu la lumu, ndu apami ndu amantu, dia mbaela la Ngata. Ndi akakani ati: Vo mbeyaka ntuta dikambu diasu vati: Okone la okone mbakatshi Davidi. Osoku mbakandatshaka nshi tshe yakandadjashi lu kete yʼasi Filistiya.

¹²Akishi akayala la mbetawo le Davidi; akati ati: Ndi ambuyaete engo ka wononyi le wudja andi Isariyele. Okone ndi ayuyala ukambi ami pundju.