Read tetala 1 Samuele 5 Bible Online

1 Samuele 5 - tetala bible

1 Samuele 5

¹Lamʼakahotola asi Filistiya oshete wa Unyashungu, vo wakawembe uma la Ebene-Ezere utsha la Ashidode.

²Asi Filistiya wakatole oshete, wakatuwotshiya lu luudu la etemolatemola kawo Dangona, wakatukitsha lasuki la Dangona.

³La wedi a pindju, lamʼaketo asi Ashidode, watani ku Dangona akakwe ekhukhumadi lu kete, la ntundu kʼoshete wa Latuyalaka. Wakose Dangona, wakaweme lu dihuli diandi ntu.

⁴La wedi a pindju ukina, lamʼakaweto la kesekese, watani ku Dangona akakwe ekhukhumadi lu kete, la ntundu kʼoshete wa Latuyalaka. Watani ku ote wa Dangona lʼanya wakahimbwi, wukalemi lu kete. Paka utundu wa Dangona utu mbakatshikala.

⁵Diako mbahatukamelaka elombedi wa Dangona la wane tshe watotoka lu luudu la Dangona ukingo la Ashidode edja ndu elo.

⁶Keli lunya la Latuyalaka lakayala wulu le asi Ashidode. Ndi akahenyahenya, akasuya asi Ashidode la wa lu leke luku tshe lʼatshutshu wa wulu.

⁷Lamʼakenyi asi Ashidode dikambu so, vo wakati vati: Oshete wa Unyashungu wa Isariyele tawutshikalaki lʼatei asu, ne dia lunya la Unyashungu awo lambuyala wulu le su ndu le etemolatemola kasu Dangona.

⁸Vo wakatumi diui dia nteta ewandji tshe wʼasi Filistiya, wakasangana la wo. Ku wakawambula vati: Kayututsha la oshete one wa Unyashungu wa Isariyele? Vo wakakaluya diui vati: Watole oshete wa Unyashungu wa Isariyele utsha la Ngata. Ku vo wakotole utsha leko.

⁹Lamʼakawashili ntola oshete ako, lunya la Latuyalaka lakayala wulu lʼusumba, lakasuya wulu. Ndi akahenyahenya asi usumba, ndu dikumanyi ndu akenda, ku vo wakayala lʼatshutshu.

¹⁰Ku vo wakatumi oshete wa Unyashungu utsha la Ekerona. Lamʼakakumi oshete ako la Ekerona, asi Ekerona wakadi tukuku vati: Vo wambutola oshete one wa Unyashungu wa Isariyele dia ndjutumana kai.

¹¹Vo wakatumi diui dia nteta ewandji tshe wʼasi Filistiya. Vo wakawatela vati: Nyukaluya oshete wa Unyashungu wa Isariyele. Vo wakaluli utsha lu dihuli diawo, watukutushila shu tshe. Asi usumba tshe wakuki woma efula, ne dia lunya la Latuyalaka lakayala wulu leko.

¹²Antu waki kumvo, wakasuwi wulu lʼatshutshu. Ku alelu wʼuma lʼusumba wakakumi pulu ndu lʼulungu.