Read tetala 1 Samuele 9 Bible Online

1 Samuele 9 - tetala bible

1 Samuele 9

¹Untu omotshi akiko lu wudja wa Bendjamina, lukumbu landi Kisha, onʼa Abiyele, ona Zerore, onʼa Bekorata, onʼa Afiya, usi Bendjamina. Ndi aki kanga ongonyi efula.

²Ndi aki la ona pami la dimena, lukumbu landi Saulu. Nduku untu akuleki dimena ndu utali lʼatei wa Isariyele. Vo tshe wakawundaka paka lu diheka.

³Punda ya Kisha, shi Saulu, yakashisho. Ku ndi akatela onʼandi Saulu ati: Ose ukambi omotshi, utshu la ndi la ntuyanga punda.

⁴Vo waketi lu leke lʼakuna wa Efarayima, wakatenanya kete ya Shalisha, keli vo kundjena. Ku vo waketi lu kete ya Shalima, keli vo kundjena. Waketi ndu lu kete ya Bendjamina, keli vo kundjena.

⁵Lamʼakawakumi lu kete ya Zufu, Saulu akatela ukambi andi lakatatshokaka la ndi ati: Yeti, tukaluli, papa atukutshika dikambu dia punda, ku ndi ntulela shu.

⁶Ku ukambi andi akawutela ati: Uki, umvutshi a Unyashungu eko lʼusumba one. Ndi eko kanga nemo; la aui tshe watundutaka ntshamaka. Yeti, tutshu leko. Undu ndi ayututulimbitshiya lokendo lasu lone.

⁷Saulu akambula ukambi andi ati: Keli naka tayutsho, engo kakona kayutotolela umvutshi ako a Unyashungu? Pamba yasu yambushila lu atapa. Shu kema la ushasha wa mbotolela. Keli la su na?

⁸Ku ukambi andi akûkaluya diui ati: Enda, dimi leko la etenyi otoi ka nei ka shekele ya fesa. Dimi layutuwushayo, ku ndi ayutenya mbuka.

⁹Lu nshi ya ntundu, lamʼakalangi untu mumbula Unyashungu, ndi akati ati: Yeti, tutshu le umbeyi wʼakambu wahatayi. Ne dia one latuwetaka nshi nye vati: Umvutshi, wakawetaka lu nshi yʼedjedja vati: Umbeyi wʼakambu wahatayi.

¹⁰Saulu akatela ukambi andi ati: Kawo kate. Eso tutshu! Ku vo wakatshu lʼusumba, lene aki umvutshi a Unyashungu.

¹¹Lamʼakawatawandaka utsha lʼusumba, vo wakahumana la esekaseka wʼamantu wayayi dia ndjuduwula ashi. Wakawambula vati: Umbeu wʼakambu wahatayi eko?

¹²Vo wakakaluya diui vati: Elu, nyusamanya, ndi uku eko leko. Ndi akayi elo, ne dia wudja wayanga nambula elambu lu dihuli dia ladiku.

¹³Lamʼayunyukuma lʼusumba, nyu nyayutana, ntundu ndi atambela utsha lu dihuli dia ladiku ia ntole. Antu hawole ntundu ndi atakumi, ne dia ndi kahumba ntatshokodi ulambu. Lʼokongo diku, wane waketama lu dambu wayudile. Okone nyutshu kakiane, nyayutana.

¹⁴Vo wakawandi utsha lʼusumba. Lamʼakawakumi utsha lʼeotwelo kʼusumba, wakahumana la Samuele ayatumbi dia mumbela utsha lu dihuli dia ladiku.

¹⁵Lushi otoi la ntundu Saulu atakumi, Latuyalaka akatela Samuele ati:

¹⁶Lui, lʼushidi one, dimi layukutumela untu omotshi uma lu wudja wa Bendjamina. Kukiti iso dia ndi ndjala uwandji wa wudja ami Isariyele. Ndi ayushimbela wudja ami uma lʼanya wʼasi Filistiya. Dimi lambuka wudja ami ashu, ne dia alelu awo wakakumi pulu le mi.

¹⁷Lamʼakenyi Samuele Saulu, Latuyalaka akawutela ati: Enda, uku eli pami kakamakutela. Ndi kayulela wudja ami.

¹⁸Ku Saulu akasukana uya le Samuele lʼeotwelo kʼusumba, akosengasenga ati: Unimbitshiya lene eli luudu la umbeyi wʼakambu wahatayi.

¹⁹Samuele akûkaluya diui ati: Dimi keli umbeyi. Yaka uyumbeli la ltundu kami utsha lu dihuli dia ladiku. Nyutuli la mi ma elo. Lui, layutakutedi akambu weli la ye lʼutema, ku dimi nkukimo.

²⁰Tudjaki kanyi yaye ntu lu punda yambushisho nshi shatu, ne dia vo wakayishula. Akona akawalamela kene tshe keli ololo lu Isariyele, aha we la khumbu kanyu tshe?

²¹Saulu akukaiuya diui ati: Aha usi Bendjamina kemi, diuhu diuleki wauhu tshe wa Isariyele tshitshe? Ndu khumbu kami haleki khumbu tshe ya diuhu dia Bendjamina tshitshe uka? Ukundi amvutelaye osoku?

²²Samuele akose Saulu la ukambi andi, akawaotshiya lu luudu la angendangenda, akawasha ahuli wuleki nemo. Wane waketama lu dambu, waki lasuki la antu akumi asatu.

²³Samuele akatela ukatshi ati: Ela etenyi kakamakusha nti: Ukikitsha laandi.

²⁴Ukatshi akose etenyi kako, elimba kʼutundu, akakikitsha la ntundu ka Saulu. Samuele akawutela ati: Onʼeli etenyi kakalamema. Ukikitsha la ntundu kaye, uli, ne dia wakakulameto dia we ndjukile ushidi one wakasonama, kame la antu wakameti. Okone Saulu akali la Samuele ma lushi loso.

²⁵Vo wakahulo uma lu dihuli dia ladiku utsha lʼusumba. Vo wakatalela Saulu tangi lu luuuu la ladiku, ku ndi aketama.

²⁶Vo waketo koko ka ntundu, ku la hyutshihutshi Samuele aketi Saulu ati: Yaka ndjukokendja. Saulu aketo, ku vo ahendi wakatumbi lʼosese, ndi la Samuele.

²⁷Lamʼakawasukana la kuma kʼusumba, Samuele akatela Saulu ati: Uteli ukambi aye eti la ntundu kasu. (Ku ukambi andi aketi). Samuele akawutela ntu ati: Kakiane emali we, keli nkuteli diui uma le Unyashungu.